🌹بيان النصر🌹 بقلمي انا 😍 شمس الغريب 😍
البارت الأحد عشر بعد المئة
نصر رجع السينتة اللور هو ومريامة هضرو على بيان 2 مرات فقط بما انها تقلقات وخدات داك الموقف وبغات ترجع للخدمة إذن سمعات آخر حوار اول خطوة دار هي سد السيارة خافها لا تهرب تاني غمض عينيه ورجع راسو اللور عاود شد راسو بيديه كيقلب على المدخل باش يبدا الحوار معاها عارف عقلها صغير واخا كتبان ناضجة
نصر" بيان شوفي انا عارفك اشنو سمعتي وغادي نقول ليك بلي راه ماشي كيف كيصحاب ليك انا عارف راسي جرحت الكبرياء ديالك ولكن كان خاصني نسكت مريامة باش ما ديرش شي تصرف متهور مانقدرش نشرح ليك اكتر من هاكا
بيان" واخا سمحليا حيت خلقت ليكم مشكل فالعلاقة ديالكم(جات بغات تحل الباب باش تعلق تاني ساعة لقاتو سبقها كان مسدود)علاش سديتي الباب
نصر فين هو نصر كيهضم كلامها هي يسحاب ليها بيناتو هو ومريامة شي حاجة" بلاتي بلاتي ا بيان واش دبا كيصحاب ليك انا ومريامة بيناتنا شي حاجة لا لا مايمكنش
بيان ملي لقات راسها حاصلة قررات تمشي معاه فالحوار" شوف واخا انا بنت الدوار وكابرة فيه ولكن عارفة بلي زعما هنا فالمدينة قبل ما يتزوجو الناس كتكون بيناتهم علاقة باش يتعرفو على بعضياتهم
نصر" بلاتي بلاتي خربقتي ليا مخي لا ا بيان(هز صبعو بتحذير)وياك ثم وياك تفكري ديري شي علاقة ا بيان مع شي حد راه هادشي حرام عاد زيدي خطير عليك نتي بنت نقية ونية غادي يتفلاو عليك
بيان" انا ما كنهضرش على دبا كنهضر على ملي نكبر
نصر" لااااا ا بيان ملي تكبري نهضرو على هاد الموضوع مزيان لي خصك تعرفي هو انا ومريامة ما بيناتنا والو من داكشي لي(حط صبعو على دماغها)كيدور ليك هنا
حرك طموبيلتو من تما ومشاو للدار هي لي حناكها حومر من الحشمة نهار على نهار كتفوت معاه الحدود وصلو قدام الدار هي دخلات وهو بقا كيهضر فتيلي
فدار رحيمة وقفو السيارات بجوج ديال سي محمد لي فيها هاجر وفائزة والثانية ديال حاتم بانت ليهم سيارة من نوع jeep ديال ختهم واقفة عرفوهم جاو طلعو هاجر بشوية عليها واخا هي كتحس براسها مزيان هما ما مفاكينش وصلو لنفس الطبقة فين كيجمعو رحيمة ملقية ليهم فالباب" اهلا أهلا بالحبيبة الغالية ليوم الظلام طاحت فالدار بغيابك ا حبيبتي
هاجر دلات شاربها بحال شي بنيوتة" رحيمو غادي نبدا نغير جاو المبرزطات
رحيمة" جااااو يالاه زيدو(بان ليها حاتم لي مقلقة منو واخا كتعذب أضعاف عذابو دخلات وخلاتو بلاكة وهي لي مولفة تلاقا ليه هاجر بقا فيها خوها ولكن بغاتها فيه هما دخلو وهو طلع للسطاح جلس فالجليسة لي فيه)
نسرين كانت كتصايب لبنت ختها لي عندها عام ونصف(يسرى)الرضاعة ونادية كانت كتراجع مع ولدها لي فعمرو 9سنوات(أمجد)وولد ختها لي عنده 6سنين(هارون)حيت هي كتفاهم مع الأطفال بطبيعة خدمتها سي محمد جالس بgاندورة كيف العادة فرحان ببناتو وحفايدو هاز فيدو يسرى كيتلف فيها على ما توجد ليها خالتها البيبرون دخلو البنات لقلب الدار شافتهم نسرين لي كانت خارجة من المطبخ كتحرك فالبيبرون حتى بانو ليها البنات طلقاتها بغوتة
نسرين" وااااااع جيييتو وزيدي يا ختي ضاربين الطريق باش نشوفوك نضتي نتي مرضتي الحب نتي الحب(جات كطير خداتها من بين يدين هاجر خشاتها فضلوعها)الله على تيتيز انا فائزة غادي تمشي معايا ايلا بغيتوني نولد باش يالاه نتوحم عليها أححح عليك زيدي زيدي يا ختي
دخلات فائزة لي فرحانة وأخيرا لقات حب وحنان ديال العائلة عمرها جرباتو من غير حب الأخت لي كانت بالنسبة ليها الكل فالكل اما دبا عائلة على قدها كتبغيها وتخاف عليها زادت لقات نادية لي سمحات فالوليدات وناضت غير وقفات بنتها طلقات زواgتها عاد خداتها رحيمة تنقزها بين يديها تلاهيها اما نادية وقفات قدام فائزة ودموع عمرو عينيها خداتها بين يديها عنقاتها بحرارة بقات تبكي وفائزة حتى هي قلبها اصلا طايب تقول ليها السلام عليكم تبدأ تبكي بكاو وبكاو gاع لي جالسين حتى من الصغار لي بانو ليهم ماواتهم كيبكيو حتى هما حماوها بكى حتى بردو قلوبهم ونادية وفائزة ففمهوم غير كلمة وحدة سمحي ليا سمحي ليا وحدة كتقولها على اش دوزات عليهم ولوخرى كتقولها حيت ما فهموهاش وساؤو بيها الظن ناضت ليهم رحيمة باش يسكتو
رحيمة" صافي براكة من البكا فائزة يالاه خارجة من السبيطار ونتوما ولادكم الليل هدا مامزيانش ليهم البكا عاد لعنو الشيطان طلقو من بعضياتهم نسرين جا عندها ولدها ونادية حتى هي جا ولدها تخشى فيها وهزات بنتها لي عقلها غادي يخرج وفائزة وهاجر البايرات بحالي عنقو بعضياتهم كيضحكو حتى بداو أسئلة الوليدات علاش ا ماما بكاتكم طاطا وشكون هي واش هي لي قلتو لينا أسئلة بريئة لي كتكون فينا ملي كنكونو صغار كتبغي تعرف كلشي ولي قلق ليك واليديك كتكرهو بلا ما تعرف السبب هادشي كلو عارفاه نادية لي عطات بنتها ل نسرين وبدات تشرح ل أمجد وهارون باش ما يكرهوش فائزة لي جالسة كتشوف فيهم بحب كانو وليدات لي ما شاء الله عليهم زين وتربية
