꧁بسم الله الرحمن الرحيم ꧂
»»»»»»»»»»»»»»»»»»»»»»
انتقام _الوهج ✨
بقلم أيات 🤎
»»»»»»»»»»»»»»»»»»»
القهر لمن تواسي انسان
وانت تريد اليواسيك
من تگله انسى الراح
وانت الراح عايش بيك. 🖤:
»»»»»»»»»»»»»»»»»»»»»
«سنار»
وصلنا مطار بغداد بعد ساعتين من الطريق نزلنه الجنط من السياره وكفنا وهج جانت واكفه وتباوع منا ومنا كأنما جاي دور على شخص جانت الدنيا فجر والشمس بدت تشرق والناس قليل بالمطار شويه واجه ولد عمره 13 سنه تقريبا تقدم يم وهج وحجه
الولد :- انتِ اسمج وهج بدر عيسى؟
باوعتله وعكدت حاجبها مستغربه حجت
- اي اني وهج !! ليش؟
الولد :- هذاك الرجال يصيحج .
حجاها ورفع ايده يأشر ، اشر على واحد جبير بالعمر شاف وهج تباوع علي اشرللها بيده بمعنى تعاي
سنار :- وهج هاذا منو الرجال ؟
- هاذا صديق ابويه الكتلج علي.
لزمت ادينا واحنا شايلات الجنط وحده منا وحده منا وصلنا يم الرجال سلم علينا سلام حار وحجه وي وهج
صباح :- ها بنيتي توكلين انشاء الله.
هزت راسها وحجت
- اي اكيد .
صباح :- حجزت الجن مقاعد وكلشي تحتاجنه .
ابتسمت وحجت
- شكراً عمو ماتقصر .
صباح :- ولو تدللين بنيتي انتِ بنت الغالي شلون اقصر وياج .
ابتسمت ومشينا مسافه لزمت إدينا وهج وحجت
- اوكفن هنا اروح اصرف الفلوس واجي ماشي ديرن بالجن تلعبن بذيلجن .
ترانيم :-لايمعوده وين نروح قابل
باوعتلنا نضره اخيره وراحت فزيت من صفنتي من كرصتني ترانيم عطت
سنار :- ثولل شبيج مچلوبه بس دكرصين.
همست وهيه تباوع للطياره.
ترانيم :- ولج مامصدكه مامصدكه راح اصعد طياره
أنت تقرأ
انتقام الوهج
Historical Fiction"كنت بمفردي طوال الوقت" "اهزم" "اتعثر" "اتألم" "دون ان ينتبه احد او يلاحض وكانت هاذه الوحده رغم وحشتها هي مصدر قوتي"
