« ﷽ »
ــــــــــــــــــــــــــــــ
#انتقام _الوهج
بقَلمي آنا « آيات »
،،،،،،،،،،،،،،،،،،،،،،
وُمَا ذنْبَ الحُبَ ،
عنِدمَا يِقَع بيِنَ إمِرأةَ عنَيِدةَ
وُرجَلُ ذوُ كِبْرِيَاءْ
ـــــــــــــــــــــــــــــــــــــــــــــــــــــ
« ترانيم »
تمر الأيام والولد يرحون للدوام واني وسنار نروح يم وهج الي صايره ماتكدر دكوم من الحمل وخاصه بتؤام اكيد صعب عليها ،
بيوم جانو الولد بالدوام واني وسنار يم وهج كملنه عشه ورحنه غسلنه المواعين لان مانريد حبيبه قلبنه تتعب وهيه تضوج وتگلب وجها ماتقبل احد يساعدها اتريد بس هيه تسوي بس مجبوره تكعد وتتحمل لأن حامل .
بين سوالفنه وضحكاتنا لل11 يلا كمنا انام وأزهار نامت من زمان لان حجيه وتتعب اهواي حقها ..
رحت بغرفه وهج شفتها هيه وسنار متمددات ويسولفن وكفت عالمرآيه احط مرطب سمعت تيلفوني يدك الابتسامه شكت حلگي رحت بسرعه علي وهج وسنار يباوعلي بصدمه ..
واني مثل الخبله اضحك رحت بالأستقبال روحي ملهفه علي صار عشره أيام من التحق ومره وحده خابرني بسرعه لان جان عنده واجب فتحت خط مسوي كامره ثبتت التيلفون ؏ الميز وجه مبين بي التعب وهالات محاوطه عيونه حجه بلهفه وشوگ
- شلونج ياروحي .
- الحمدلله زينه صگري انتٓ شلونك .
- اني زين اذا انتِ زينه ياروح صگرج .
- دومك حبيبي .
ضحك بتعب وحجه
- شلونها بنيتي .
- زينه شكو بيها العرمه .
- ها ، ليش .
- النهار كله بس تدفر ببطني صايره وكحه .
- غير تطلع على امها .
- ياا اني وكحه منيلي دشوفني انگط برأئه .
ضحك من كل گلبه وحجه
- لا كلش اصلان البرائه تخرخر .
- اي لعد ماتدري .
- شو بله خلي اشوف زعطوطتي .
ضحكت بصوت عالي وحجت
- هههههههه صگور السرسريي .
-شو خلي اشوف بطنك الحلوه .
- لااا عيييب .
أنت تقرأ
انتقام الوهج
Historical Fiction"كنت بمفردي طوال الوقت" "اهزم" "اتعثر" "اتألم" "دون ان ينتبه احد او يلاحض وكانت هاذه الوحده رغم وحشتها هي مصدر قوتي"
