أبــناء المُــهيبَ

PART 2

《بسم الله الرحمن الرحيم》

انستا:- rand_alyoussef4
تلكرام:- rand_alyoussef
.
.
.

-بقلمي الكاتبة:- رند اليوسف
______________________________

-هَلي عَبالهُم مِرتاح وآنة بَليَلي شآبِع ضيَم
______________________________

العودة للماضي..
______________

ازمير:-

اليوم جانت الحنه مال الايهم من البنية الي بابا جبره يزوجها لان تكون بت صديقه و باجر راح يكون العرس الي احسه فاتحه مو عرس لان اشوف اخوي مجبور عليها لان اعرف گلبه يحب وحده و الي يحبها من الانبار؛.خلصت حنتهم دخل ألايهم و العَزيز و أشهم؛. دخل ألايهم سلم على ماما و باس راسها و أديها؛. أردفت ماما..

سوزان:- مبروك حبيبي شايف كل الخير يبعد امك.

ألايهم:- الله يبارك بيج حبيبتي و يحفظج النا.

سلموا الولد على ماما؛.و أشهم راح لبيته لان باجر العرس
والعَزيز و ألايهم صعدوا الغرفهم؛. واني رحت بدلت و نزلت نظفت البيت على سريع و ميراس وياي ساعدني؛. كملنا كلشي و صعدنا حتى انام لان باجر ورانا كعده من الصبح لان اقاربنا يجون من وقت..

صعدت فوك و مريت من يم غرفة ألايهم و اسمع صوت بجي؛. نصدمت ايهم يبجي؛. دكيت الباب اجاني صوته

ألايهم:- تفضل؟.

فتحت الباب و دخلت شفته كاعد بالكاع و مخلي صور بنية كدامه عيونه حمر من البجي..

ازمير:- حبيبي انتَ زين؟.

حجه و الغصة خانكته..

ألايهم:- شلون اكون زين وانا كسرت گلبها..
الظنت بيوم ماراح اكسرها كسرتها انا و هلي

ازمير:- هلكد تحبها وهيج محتفظ بصورها و ذكرياتها؟.

ألايهم:- احبها أكثر من روحي و اذا تطلبها انطيها الها.

ازمير:- شنو اسمها؟.

ألايهم:- ميرنا.

ازمير:- اسمها حلو.

الايهم:- وأنا عاشگها

ازمير:- زين وين شفتها؟.

الايهم:- بالانبار شفتها بالعرس مال ابن الشيخ هاشم بعد ما خلص العرس ورا كم يوم شفتها بالشارع تمشي..

ازمير:- اي و شنو سويت من شفتها؟.

ألايهم:- غنيتلها..

ازمير:- شنو غنيتلها؟.

ألايهم:-
صدفه بدربڪم مريت شفتچ يحلوه