مرحبا حبايبي ورمضان مبارك ع الجميع الله يتقبل منكم الصيام والاعمال الصالحة ببركة الصلاة على محمد وال محمد
.
.
.
.
. سرقت روحي من زحمة الانشغال واجيت اتذكر وياكم عمر من عمر روان ويمكن لحظة تسووة العمر اللي راح بس ماتعوض اللي جااي.
.
...
.
:گاعدة جنهة بطيخة شوفيها تجنن انوب الفستان الابيض شلايگ عليها..
ام العريس : خاايبة دسكتي ولاتشيمينها علينه.
اخت العريس : يمة بس اريد اعرف شمالها وقبلت بحسين راح اتسودن شعوزهة؟
:ولج يالعوبة اكو وحدة هيج تحجي اعلة اخوهة!
:لايمة مو هيج قصدي،، بس.....
:انجبي وصمي حلگج لايسمعن حبايبها
بمقدمة الغرفة اني فرحااانه بثوبي العرس اللي لابسته وبشكلي اللي مااتوقعت هيج يطلع بالعرس واااو اموووت عالمكياج 😍،
دنيا: جنج نسيتي روحج وشارة حلگج ولج استحي العالم تباوع عليج، هسة يگولون العروس خفيفة. 😂
روان: خاب شبيج فرحانة بروحي وبشكلي، اصلا قبلت علمود اتمكيج هههه،
دخلن بنات عمامي يهلهلن ويرگصن وام العريس وخواته مجتمعات بزاوية واختة ترتب باالاكليل وتبتسم لي اني فرحت من شفتها فرحانه بس كل شوي اسأل دنيا ومروة...،، شعري خوما تخربط،، وهن يأشر لي👍.،، لا. لا مضبوط،،
احراج ع شوي خجل وهواااي متحمسة لهذا اليوم اللي جنت احلم بيه مو علمود الرجال.. ولو صراحة جان حلمي اخلي ايدي بيد شااب طوول بعرض وامشي واگول هذا رجلي ورفيق حياتي .. لان اني تاخرت قسمتي اكثر من خواتي الاكبر مني والاصغر تزوجن واني بعدني.... اوووف مومهم... المهم حاليا اني عشت هذي اللحظة وخليني انتظر حبي المستقبلي حسين....
لهناك وگلبي ظل يرررجف ع صوت الطبل والموسيقى... يممة راحت روحي وگمت ارجف مدري ليش، واشوف البنات نخبصن وهاي التركض ع حجاب تلف روحهة وهاي التلبس عباية واني عيوني تفتر وياهن حتى دخت، بعدين صحت ع امي...،، يمة شبيجن؟،،
:ههه راح يدخلون العريس والشيخ،،
يمممة بردت وبطني گام تلويني ياربي....
اجتي دنيا ومها ولبسني كاب انتو شنو تسمونة كبوس او برگع قماش ثخين حتة يسترني وميبين من جسمي لان دخلوا وي العريس هواي شباب والشيخ اللي راح يربط اسمي ع اسمة طوول العمر😍
نزلت البرگع ع عيوني كلشي مااشوف بس ادية ههههه هم ميخالف العروس عدنة تتبهذل هي منا مرتبكة وتعال شيلي الفستان شثگلة ولزمي البرگع خاف يطلع صدرهة او شعرهة.. هااا وانوب الماسكة من جهة يوووو. كون الوحدة تعرس بدشداشة كودري وتفضهااا ولاهالشدّة هاي😂
المهم لمحت ام حسين اشرت لدنيا اختي وهذي جابت كوشايه خلتها بصفي استغربت لمن رفعت راسي شفت ولد واگف قريب من يمي استغفر الله مانتنمر ولا نعيب ع خلقه الله بس اوصف الكم الموقف اللي جنت بيه.. شاب قصير جدا احنة بالعراق صراحة يصيحون له قزم🙄.. اني ظليت مستغربة يشبه الصورة اللي شفتها من اجو خطبوني بس هذاك اطول تذكرت شغلة.... بسرعة تذكرت الصورة ماخذيها من زاويه اسفل اقدامة... يااا حتة يبين طويل بالصورة لا لا هذا هو حسين مستحيل..... يجوز اني غلطانة ظليت اتلفت بس استحي ردت اگوم للغرفة. وجان يصيحون دخل الشيخ.....ادخلن جوة..
بلعت ريگي ووخرت البرگع شوي عن عيوني حتة اشوفة واتاكد زين....بس گلبي انخمش هذول ناصبين عليه لو الكاميرا الخفيه هاي. هذا وييين اللي شفته وييين!
لاياربي ماحسبالي هيج كلللش.. انقهرت وانكسرت احلام الشباب
لان اليدري بيه وبوضعي محد يقبل يتقدم لي.... انجبي واسكتي روان مجبورة تتحملين شكل فارس احلامج الجديد.. ومجبووورة تحبينه.. غصبج القدر وانتي الممنونة☄️🔥.
نزلت البرگع ونزلت دموعي بس احسه بگلبي البجي والنوح مو ع خدودي.. ليش هيج ربي اني بعد هم بيه مجال للصبر واتحمل؟
ظليت اعدد يالله واقشمر بروحي .. .. عندة راتب وعندة وظيفة ولج احسن من رجولة خواتج اقلها لاتباعين للشكل..
مو مهم الشكل يجوز يطلع اخلاق.. وشخصية...
اصبر بروحي وماتتصبر ع گولة اهلنة...
وفزيت ع وجع بركبتي وبزة قوية خلتني اگمز.. التفتت واذا دنيا وامي يخوزرن بيه
،، شكوووووو،،
واني افرك بركبتي..
دنيا، اممم انطقي ولج الشيخ ثالث مرة يسألج قبلتي لولا،،
حجتها بصوت ناااصي..
بس صوت الرفض ظل يصرخ براسي...
ولج روااان.. وج هاي فرصتج.. لاتقبلين. خاف تتندمين ولج روااان گولي لااا...صوت بداخلي يلح عليه حتة ارفض
تنفست بكل هدوووء والكل سكت يريد يسمع ردي
.
.
.
. واستمر الانتظار...
واستمر الصوت براسي يعارض
ودموعي تنزل ونفسي يصعد
روحي صاحت... لاا مااقبل.
وجروحي گالت :نعم.😢
.
.
.
وارتفعت الهلاهل مثل الصريخ اسمعهن مادري حسيت بصوتهن عركة ارواح تلاگن بعزة... مدري عرس... والمن؟ ....
لروحي ولهالبشر هذا المااعرف منه بس صورة جذب... واسم!
.
.
.
.
.
.
استغليت فرصة وسرقت روحي يمكم.
. وسنعود قريبا ان شاء الله
قصة واقعيةجديدة بقلم الكاتبة عهود الفهدي
احبكم في الله جميعا
لاتزعلون عالبارت الصغير هذي هدايا شوگ لمتابعيني القادم افضل
.
.
. تمسك بمن تحب ولاتترك الندم يأكلك بعد رحيله فسيكون اقسى منه حينها
ب✍️♥️💖
أنت تقرأ
صرخات مخنوقة
General Fictionقصة واقعية... تحكي ألم وصراعات طفلة حتى تكبر لاتدري ماضريبة الذي حدث معها عندما كانت صغيرة حتى جعلها تتنازل عن احلامها وهي شابة لتدفع من لياليها أنين لمافقدت وحنيين لما تأمل...
