صرخات مخنوقة

*

مرحبا اعزائي استمتعوا بالقصة الواقعية من اراضي الحقيقة بنفوس ترآئي دينا وتبتعد عن الاسلام
كثير من الاسلام ليسوا بمسلمين والدين لعق على السنتهم مع الاسف
.
.
.
.
.
ظليت محتارة من اللي جاي يصير وياي گعدت الصبح... عود الصبح عبالكم بالتسعة لو بالعشرة لاعمي تعودوا الصبح مالتي بالاربعة الفجر يالله هم مسلمين ومتدينين ماخذين الدين علة اصولة...

المهم تذكرت سالفة الذهب گلت لحسين
،، تدري امك خذت ذهبي؟،،

،، عادي وشنو يعني،،
،، عود صدگ انت هيج حسين؟، شنو عادي انتو داينتوني الذهب لو هو مهرييي؟،،

،، ياعزيزتي كل نسوان اخوتي امي ضامة ذهبهن شي طبيعي،،

،، زين ليييش،، مثلا مانعرف احنة نضمة لو شنوو،، وليش تضمة اصلا.. هو غير النة نلبسة ونستمتع بيه،،

،، روان صبحنا بصباح الله.. خلينة ننزل تأخرنة،،

وهم تنازلت وسكتت وعبرتها وهذا الخطأ اللي يجر خطأ مانعرف جريمته وذنبنا الا بعد فوات الاوان

.
.
نزلناوكالعادة صار روتينا ريوگ الفجر يسبقه عجن وخبز ونستلم المطبخ والشغل وكل وحدة مقسم عليها شغل بالبيت والجهال الهم الله ولااشوف وحدة تگعد جهالها بحظنها وتلاعبهم لااا... وين اكو هيج دلال من الكراااب المستمر عبالك عمال نظافة طول اربع وعشرين ساعة.
.
.
. يجي وقت الغدة بسرعة ونطبخ وهاي تغسل مواعين ونصب الغدة بعد مايجتمعون الكل ونستلم التنظيف واحنة نجر بروحنا جر وناخذ استراحة محارب ساعة نسبح واللي تستغلها تنام وتنزل بوسخها عادي.. وبعدين يبدأ العشاء
افراد العايلة موهواي حتة شغلهم متعب لاا.. اللي يتعب الضيوووف المستمرين علينه ولايوم مابيه خطار ماشاء الله مو بيت مضيف فاتحين.. هسة الضيف ضيف الرحمان وياخذ ذنوب اللي بالبيت ويجيب وياه الرزق والبركة والحسنات آمننا بالله... بس مو هيج بيني وبينكم حتة مليت وتعبت كلللش مابيها شي حياتي بس شغل وغسل وطبخ مجاي ارتاح

ملييت من هذا الوضع وقررت اغير بعد شهر عشتوووووا بعد ما اجت سليمة اخت حسين الارملة وشمرت ملابس جهالها وأومرت بكلامها وهي تخزرني
،، گومي شري ملابس جهالي،،

رفعت راسي عليها واني ملابسي ناگعة بالماي من الشغل حتة مابيه حيل ابدل لان بعدني مامكملة شغلي
،، وانتي ليش ماتشريهن.. مكسورة لو معوقة،،
سليمة،، ولج شگد ادب...... وتراددين عليه.... يممممممة..،،

راحت تركض لامها وهاي طلعتلي من غرفتها تجر بامهة وثنينهن عبالك مفترسات يصيحن ويلطمن.. واجاكم خيير واجاني شرر

سليمة،، هاي اللي لفيتوها.. ترادد وتعاند بت الك****،،
روان،، ولج ماكو بت ك**غيرج،،
عمتي،، ايا بو**ولج گبالي يبت الفگر وتغلطين اعلة بتي ولج هاي تاج راسج،،