_______________________________
الـحياة
لا
تـصبح
سـهلة
انـتَ
فـقط
تـصبح
اقـوى
🖤👍🏻
_______________________________
- ها بنتي موافقة ؟
- بكيفك بابا
- بنتي انتِ مارضيتي بولد عمج ولا ولد عشيرتنا الا غريب واني اعرف زوج اخت العريس وسألت عنه وسمعتة زينة الشاب بعد بقت يمج بوية
- زينب : ها بنيتي موافقة ؟
ترى ماراح انطيج هسه سنه الي تجي تتزوجين تمام .
- رحمة : تمام ماما .
- زينب : محمد
- محمد : تفضلي عيني
- زينب : البنيه موافقة بس تستحي منك
- محمد : تمام راح اردلهم خبر لعد !
- زينب : ان شاء الله خير .
_______________________________
- في مكان اخر -
- يوم لكيت بنية تناسب مصعب
- ليلى : تحجين صدك ومنو هيه بلا ؟
- انتصار : باعي همو يصيرون كرايب محمد زوجي واني البنيه شفتها وكلش حلوة وصغيرونه هماتين
- ليلى : ماعرف خلي افاتح ابوج بالموضوع واخلي هو يكول الاخوج ؟
- انتصار : خير ان شاء الله
- ليلى : احمم اكول جعفر
- جعفر : تفضلي
- ليلى : باوع نصرت ميرضى يتزوج خلي نفتح الموضوع ويا مصعب شتكول ؟
- جعفر : ميخالف بس منيه البنيه ومنين وين وشنو السالفة ؟
- ليلى : زوج انتصار عود كرايبه عدهم بنيه وانتصار شايفتها وعاجبتها وتكول اخطبوها لا تروح من بين ايدكم
- جعفر : الله كريم
- انتصار : يابه لا تكول الله كريم
- جعفر : عجل شكول ؟
- انتصار : بابا مو الله كريم ما وراها شي
- جعفر : شون يعني ؟
- انتصار : يابه يعني فاتح الموضوع ويا مصعب بسرعه لا تتزوج البنت وبعدين ماذم نصرت ميرضى يتزوج خلي نزوج مصعب وبعدين العيد الصغير قبل عيد الجبير صح لو لا يابه ؟
- جعفر : ان شاء الله خير
- جعفر : زيننن روح صيح اخوك مصعب عندي حجي ويا
- زين العابدين : صار يابه , لك مصعب
- مصعب : لا تكول لك
- زين العابدين : وليش بلا , المهم بابا جاي يصيحك ويكول عندي موضوع ويا
- مصعب : ماعرفت شنو هل موضوع ؟
- زينو : لا والله منين حتى اعرف ؟
- مصعب : ديلا امشينا
- جعفر : ول زينووو وين صرت !
- مصعب : ها يابه ردتني
- جعفر : اي بويه ردتك بموضوع
- مصعب : تفضل حجي
- جعفر : شوف راح احجي وماريدك تقاطعني بكلمة وحده وهليني اكمل للنهائيه خوش بويه !
- مصعب : صايرين
- جعفر : ابني انت الزواج قسمة ونصيب صح ؟
- مصعب : صح حجي
- جعفر : فا اني لكيتلك بنت حلال واريد اخطبلك ياها بما انو نصرت ميريد نخطبله بس اليوم انتصار اجتي واصرت عليه انو اخطبلك هل بنيه وبعدين الزواج تكمل نصف دينك شرايك بويه ؟
- مصعب : والله ماعرف حجي
- جعفر : شنو ماتعرف نحنا ماخسرانين شي نروح نخطب تشوفك وتشوفها وانت احكم خوش بويه
- مصعب : خير ان شاء الله
- جعفر : راح اردلهم خبر للجماعة لعد
- مصعب : تمام
- جعفر : ام منتصر تعاي عيني
- ليلى : تفضل حجي
- جعفر : زاد فضلج ام منتصر , كولي للانتصار خلي تخبر اهل البنيه خوش !
- ليلى : صايرين حجي بس ايمتى نروحلهم ؟
- جعفر : عكب باجر خوش
- ليلى : صايرين حجي , انتصار وي يمه ابوج يكول خلي تتصل على اهل البنيه وخلي تكلهم نحنا جايكم خطابة عكب باجر زين !
- انتصار : تمام يوم تمام
_______________________________
- دوسوا النجمة فضلا وليس امرنا -
- القصة جديدة وحقيقية بنفس الوقت -
- ضيفوني انستا -
@vv16_j
💙💙👍🏻
