-
-
-
-
-
-
- رحمة : مرحبا شونج يوم
- ام رحمة : هلا يمة زينة حبيبة وانتِ شونج
- رحمة : زينة امي زينة
- ام رحمة : شخبارج بيت عيالج شونهم
- رحمة : زينين
- ام رحمة : ديري بالج على رجلج وعلى بيتج يمة
- رحمة : اي يمة اي
- ام رحمة : زوجج شونه وياج ؟
- رحمة : زين الحمدلله
- ام رحمة : الحمدلله
- محمود : هلا شوف منو يمنى
- رحمة : شونك يول مخرب
- محمود : زين وانتِ
- رحمة : الحمدلله ، شوكت نشوفك عريس
- ام رحمة : غير يعقل هذا
- رحمة : اهوو يمة زوجي هو يعقل
- ام رحمة : لا والله مايعقل
- رحمة : ابكيفكم
- محمود : خوش واسطة طايح حظه وين مصعب الزرقاوي ؟
- رحمة : خلي مصعب يسمعك
- محمود : رجف طي***** شراح يسويلي مثلا ؟
- رحمة : محمود اللسانك !
- محمود : زرقاوي لا تضوج بداعة الخوة
- رحمة : يوم وين بابا
- ام رحمة : رايح ويا اخوج يحيى علمود يجيبون شغلات للبيت ، تريدين شي ؟
- رحمة : اي ماما اريد حلويات مثل كل مره من اجي بابا يجيبلي
- ام رحمة : تمام لعد
- رحمة : لعد خلي اروح انام شوية
- ابو رحمة : يابة وينكمم
- عقيل : خير بوية اكو شي عليمن تصيح
- ابو رحمة : تعال نزل الاغراض
- عقيل : صار يابة ، يابة شنو هاي بالعلاكة الي بيدك ؟
- ابو رحمة : معليك وين امك ؟
- عقيل : جوى بالهودة
ابو رحمة : ام عقيل وينج
- ام رحمة : تفضل ابو عقيل
ابو رحمة : اخذي هاي العلاكه وخليها بالثلاجة لا يموع الحلويات مالرحومة
- ام رحمة : تمام
- ابو رحمة : شنو رحمة وينها
- ام رحمة : خطيه اجتي كعدت شوية ونامت
- ابو رحمة : تمام لعد اطلع شوية للبستان ضايج
- ام رحمة : تمام حجي
- رحمة : كعدت من النوم بس ضايجة ماعرف لان نومة العصر هيج غثيثة لو شنو المهم تعالو احجيلكم على نفسي شوية اني اسمي رحمة من عائلة الحمدلله الله امكنها ومن عائلة مكونة من الاب محمد ممرض والام زينب ربة بيت واخوية الجبير عقيل واخوية يحيى شرطي واخوية احمد امبطل بس يشتغل حتى عقيل نفسه ومحمود اخوية الصغير هم يشتغل وعندي اخوات اكبر مني واني الصغيرة اختي الجبيرة زهراء بس نسميها زهره وهيه متزوجة ابن عمي وعقيلة اختي الثانية هم متزوجة ابن عمي يعني عقيلة وزهراء سلفات واختي عاطره متزوجة كرايبنا من بعيد واختي شيماء اتزوجت بعدي هم ابن عمي واني رادوني الاخو زوج اختي شيماء بس مارضيت اني الوحيدة الي اتزوجت غريب بعل عشيرة لان اهنا نحنا ناخذ كرايب وننطي للكرايب اجيت اني وكسرت هل قاعدة واتزوجت مصعب وعقيل اتزوج تخت مصعب يعني بدايل ....
-
-
-
-
-
-
-
-
- رحمة : يوم وين ابوية
- ام رحمة : قبل شوية رد وكال وين رحمة كتله نايمة كال لعد رايح للبستان
- رحمة : جابلي حلويات ؟
- ام رحمة : اي بالثلاجة غير جان مايع من الحر
- رحمة : اكوم اكلي جوعانة ، رحت للمطبخ واكلت بسكتايه وكمت شفت خطار اجو فشلة ابقى هيج ضميتها بالثلاجة ورحت حتى اسلم وكعدت يمهم لحد ما راحوا ومن اجيت حتى اكل الحبشكلات وانصدم ماكو بس العلاليك مالكيكات انصدمت ..
- رحمة : منو اخذ حلوياتييييي
- اقبال : اني
- رحمة : وليش اخذتي شي مو مالج
- اقبال : شسوي اشتهيته قابل يطك ابني او بنتي وحامه او شي يطلعلها
- ام رحمة : يلا ماصار شي وبعدين هيه الحامل اكيد تتوحم وتشتهي ولازم تاكل الي تشتهي علمود ميطلع بالبزر
- رحمة : تمام
- محمود : هاج الزرقاوي ديتصل عليج
- رحمة : جيب ، الو
- مصعب : شونج
- رحمة : زينة وانت شونك
- مصعب : الحمدلله اكول حضري نفسج علمود نرجع للبيت يلا
- رحمة : تمام
- ام رحمة: ها راح ترحين
- رحمة : اي يمة اي
- ام رحمة : لعد همزين خبزت اعرفكم تحطون الخبز بالفريز وما يوميا تسون خبز
- رحمة : شكرا يوم بس همو هذا عادتهم بيت عيالي
- ام رحمة : كيدي على رجلج وعلى عمتج وعمج لا تخلين بخاطرهم بنيتي
- رحمة : صايرين يمة صايرين
اجا مصعب ورجعنا للبيت اول ماوصلنا للبيت جان اشوف اخته انتصار يمنى سلمت عليهم ورحت الغرفتي عدلته وعزلته وبدلت ملابسي ورحت سويت العشه
- غازي : شمسويه عشه
- رحمة : هل موجود
- غازي : وشنو هو الهل موجود
- رحمة : جاي ولبن وهل سوالف ونقانق بعد
- غازي : تمام لعد شكد يطول العشه ؟
- رحمة : هيج فد ربع ساعة ليش تسال ؟
- غازي : علمود اروح اسبح
- رحمة : تمام
- غازي : تعالو اعرفكم على نفسي اني اسمي غازي واني الصغير بهل عائلة الكريمة عندي ست اخوان اكبر مني الي همو منتصر خريج ثالث متوسط ومعتز تارك الدراسة بس يشتغل ونصرت خريج كلية القانون ومصعب خربجة هندسة مكانيك وامير او خلي نصيحله الدكتور امير لان هو اول سي راح بيطرة ورجع درس طب للانسان وعلى حده زين العابدين بس نحنا نسمي زينوو وهذا دك يرسب يعني لو ما ابوية على روسنا هذا يفلت من بين ايدينا المهم وعلى حده اني غازي الشاهين اصغر فرد حالياً
- رحمة : اهو غازي كافي خلي اني اكمل الحجي مو بس انت يلا ورانا ليلى قصتها ولسانها هل طول خلي اكمل قصتي يمعود ..
- رحمة : صبيت العشة وكعدنا نتعشة
- انتصار : صحيح رحمه شو ماصار عدكم شي
- رحمة : مثل شنو يعني
- انتصار : حيصير ثلاث سنوات وانت ماعندج جهال
- رحمة : ليش هيه بيدي
- انتصار : جا بيد من ؟
- رحمة : بيد الله
- انتصار : آمنا بالله بس لازم تلكيلج حل ترى اذا ماصار عدج جهال مصعب يتزوج عليج وبعدين ثلاث سنوات مو قليلة ترى
- رحمة : الله كريم
- بعد مرور ايام من الزمن -
- رحمة : كمت على اثر وجع اسفل بطني ديوجعني وماعرف شسوي
- ام مصعب : هاي شبيج ليش هيجي وجهج اصفر
- رحمة : ها عمة والله بطني دياذيني
- ام مصعب : ماعدج علاج شي ؟
- رحمة : لا
- ام مصعب : خلي اكوم اجيبلج دوة
- رحمة : تمام
- ام مصعب : السلام عليكم
- الطبيبة : وعليكم السلام تفضلي حجيه امر خدمة
- ام مصعب : والله يا حبوبة عندي جنتي بطنها يوجعا وماعرف شنو علتها
- الطبيبة : وينها هيه حجيه
- ام مصعب : والله ماجبتها وبعدين هاي حيصير ثلاث سنوات متزوجة وماعدها جهال
- الطبيبة : سهلة ان شاء الله ، انطيج هل علاج وخلي تستمر علي لحد ما تخلصة وبعد بيد ربج
- ام مصعب : تسلمين حبوبة
-
-
-
-
-
-
- هاي اول بارت واتمنى تتفاعلون وياها وحطولي نجمة فضلا وليس امرنا 💙💙🧿 -
- الـكاتبة : ليـلى مـصعب -
