ذُكــرة نُهــير

البارت الثَاني

#ذُكرة نُهير

-البارت الثاني -

سلّمتك سلاحي وگتلك احميني
وصَل بيك الظُلم بسلاحي ترميني !

—

ذُكرى ... رجعت للبصرة واني مخلصة سَنة من دراستي بأمتياز

محمد :- لازم اسويلج نقل هالسنه

ذكرى :- ماكو داعي بابا اني ارتاحيت ويه مها حيل بنيه حبابه ونقيه وداتساعدني هواي

محمد :- وتبقين هيج

ازهار :- عيني ابو ذكرى عوفها مابقى شي هنا مشفت هالسنه فاتت منا طلعت منا
وهناك احسن الها جامعات بغداد ارقى تدريس وثقافه عليمن بعد دتجيبها هنا مدامها مرتاحه

محمد :- الله كريم ..... رجعت للروتين نفسه ايام عاديه ومُملة حيل
كضيتها ويه البنات واكتب مُذكرات واصلي ،،،

چنت كاعده وماما صاحتني

ذكرى :- ها يوم

ازهار :- حضرن رواحتجن باجر نروح لبغداد

ذكرى :- شكو ؟

ازهار :- ام هند راجعه من سوريا نروحلها وهماتين نزور ونغير جو

ذكرى :- ان شاء الله ، شكد نبقى ؟

-يومين على الاكثر

ذكرى :- ان شاء الله خير ،.... كمت حضرت ملابس اليه ولامنه ونور حضرت ملابس الها
وبابا وماما ماعندهم شي ، ثاني يوم وره صلاه الظهر رحنا

ووصلنا بالليل بتنا بؤقتها بالامام مكلنا لاحد حتى ميزعلون
وثاني يوم الصبح رحنا الهم گُبل

هند :- اجوي بيت خالة ازهار وجنت كُلش فرحانه ومنتظرتهم لان علاقتي ويه البنات زينه وذُكرى مجنه نحجي هواي بسبب دراستها

انتظرتهم يجون ، الصبُح اندكت الباب طلع نور الحُسين يفتحه

نور الحُسين :- هلا عمي هلا زارتنا البركة تفضلوا

محمد :- زاد فضلك حبيبي ، تفضلوا بابا ... فاتن البنات وخالتي واني طلعت سلمت ع عمو وبوست البنات

هند :- ولجن حليانات ، وانتِ بذات سنة كاملة ببغداد معرفتي تجين

ذكرى :- وعيونج من الغرفه للقاعه من القاعه للغرفه كُلشي ماكوو

هند :- عبالي حتسفين (تطلعين هواي ) هنايه تالي طلعتي بگة

نور :- هذا فسووووق تحرضين اوختي ع السوالف الماحلووه

هند :- اسكتي سيد ، ولج مشتاقتلج والله

نور :- مو بكدي والله الكعده والسوالف وياكم حلوه ....

نور :- رحنا لبيت خالة ام هند سلمنا عليهم وشفت نور الحُسين وسلم عليه وابتسمت بوجه وفتنا جوه واستلمتنا هند حاصل فاصل
وره شويه سووا غده وفتنا نتغده سويه ، جان يفوت خال هند ،