ذُكــرة نُهــير

البارت الاول

#ذُكرة-نُهير

-البارت الأول

مَصدوم صح بروحتك ، بس الوجع هم نِعمه
مرات لو راح النبض ، يحتاج گلبك صدمه.
—

صافنه على المُقطر مال المُغذي ، وافكر بالي صار
درت وجهي لماما لكيتها مدنكه ع الكرسي وغافيه
واخواتي متمددات ع عبايه بالكاع

واني ع سرير المُستشفى وبرودة المُغذي بعروكي
واحس بتحسس والتهاب ببلاعيمي ومعدتي بيه الم خفيف ، انتبهت ع المغذي خلص فـ صحت لماما

-امي حبيبي ، ماما عمري

أزهار :- ذُكرى يمه ها حبيبتي

ذُكرى :- اسم الله يروحي ، المُغذي خلص ديأذيني وخري ... وخرت المُغذي وشلعت الكانولا

ازهار :- شلون صرتي بنيتي ؟

ذُكرى :- الحمدُلله

-ابوج راح يجيب عشى لترجعين تنامين

-ما اشتهي العسل

-كافي بنتي ، خل تتغير عنج العميله اكلي

-تعبانه ماما

-شوفي بنيتي ، اني مو ضدج ، وبنفس الؤقت مو وياج
يعني الي سويتي صحيح ؟
تحبين شخص ممعروف آصله من فصله ؟
شخص يضحك عليج بكم كلمه !
انتِ الجبيره العاقله تحبين شخص ملطلط ؟
الحُب مو حرام ، بس لزوجج لخطيبج لشخص بينكم عقد شرعي
مو كُلشي حُب
انتِ مابقى شي وتطلع نتيجتج وتحققين حلمج وتصيرين احلى صيدلانيه ،
وتدخلين كُليه
وكاتله روحج علمود ولد ؟
ولج تنتحرين وتسوين حرام لخاطر شخص ميسوه فلس!
الانتحار قلة إيمان وشُرك بالله ، الي يؤمن بقدر الله ويؤمن بالله يسلمها اله
ويكوله اللهي اغفرلي واخذ حقي واني عافيه عن كُلشي لسبيلك
مو يروح ينتحر !
عافج ؟ زين صلي ركعتين وادعي واحجي ويه ربج وفضفضيله
اذا انتِ اقل زلة فكرتي تنتحرين ، مو بس فكرتي انما انتحرتي لعد اذا صارلج موقف يكسر الظهر شتسوين ؟
ولج ابوج مات عليه ، ماكلي ولا حجه اجه خطبني واتزوجنه
يكلي جنت اخاف اكُلج ونسوي حرام
ماكولج موحقج ، لا حقج مراهقهه وحبيتي
بس عندي عقل افكر بي ، افكر باهلي حتى لو احنا مو زينين وياج فكري بينه ، فكري باخواتج ، فكري بننفسسسجج مو بأحححد ، ليش هيج امي انتِ ليش

-اسفه

-اتأسفي لربج للخطأ الي ارتكبتي ، واتأسفي لنفسج لعمرج الضيعتي ويه شخص ميسوه.....دنحجي فات بابا

محمد:- ها اميرتي كعدت

ازهار:- اي شلعت المُغذي منها

-شلونها حبيبة ابوها .... تقدم عليه وباس راسي ، حسيت بتأنيب ضمير ، ورفعت روحي اله وحضنته وشهكت بالبجي

ذُكرى :- بابا اسفه والله ماعيدها ، اني موقصدي اسوي هيج بيكم اسفه ابويه انت لتزعل مني امي والله مقصدي اسفه يبعد روحي