"عشق الظلام"
تَعال شكُثر
مِشتاقين لاخبارَك
تَعال وماعِليك
نقَدس أعذارَك !
ــــــــــــــــــــــــــــــــــــــــــــــــــــــــــــــــــــــ
:: ركعته بلوك بس مجنت ادري ورا هاذ البلوك لح تبدي المتاعب.
المهم ماهتميت وكمت نزلت جوه شفتهم كاعدين كلهم عفتهم ودخلت للمطبخ شفت مسوين بشميل اويلي اخذت الماعون وصعدت.. جان يوكفني صوت عباس
-. اوكفي
:: انداريت عليه وحجيت
-. شكو
-. هاي شماخذه
-. زقنبوت يعني شتشوف
-. احجي عدل
-. معليك
-. ترا اكوم افرك حلكج لج
-. يمه شوفيييي ابنججججج
امي: عباس كافي ترا مماكله شي وانتَ شعليك ها
-. لعد متكولين ابنج هم مماكل
ميار. اهوووو يابه دطير اني شكو احجي وياك جنك ديج بس جوعر
:: هوه اجه وراي ركض وانت دخلت للغرفه وقفلت الباب بساع وبقه يعيط ماهتميت.
-. فتحيي
-. اوي هوه اكل قابل شنو روح وصي وتزوهر
-. كتلج فتحييي
-. باااااااابااااااااا
-. اني اعلمج
::سمعت صوت خطوات ؏درج عرفت نزل فتحت الباب شويه طلعت بس عيوني شفته يباوعلي عيبت عليه وطلعت الاكل
-.هاك اتزقنبه
:: كلتها وركعت الباب.. بقيت اتفرج بالتلفون رجع رقم غريب اتصل استغربت جاوبت جان ينسد واجتني رسال
-. تحضريني لچ كح.به
:: انصدمت من اسلوبه ودزيت
-. انتَ منو وشلون تحجي هيج وياي
-. اني منو معليج شلون تحضريتي
-. اكيد احضرك لا اعرفك ولا تعرفني
-. اذا تحضرين هسه هم لح اصير مثل ضلج واخبلج افتهمتييييي
-. دمشي لك زلنطح عود تخوفنيي
:: وحضرته بس الصراحه جنت ارجف رجف مصايررر بقيت افتر بالغرفه مثل المخبله.. شويه وسمعت ضرب علجام مال غرفه رحت فتحتها جان اشوف واحد ملثم ولبسه كله اسود بسود بقيت صافنه جان يأشر ؏تلفون وتصل بقيت صافنه اباوعله واباوع للتلفون فتحت الخط وانوع السب والفشار مو صاحي ليش هيج يسوي اني شسويتله وراها خلص جان يكول
-.باجر داومين مو تغيبين افتهمتي
:: باوعت من الشباك وهزيت راسي بمعنى اي سد الاتصال ودزلي رابط بقيت صافنه باوعتله ودخلت للرابط سمعت صوت ضحكته وراها عافني وراح مدري شبي والله خوفني وجنت جوعانه اتنهدت بخوف ونزلت جبت فلوس وطلعت شتري من الماركت اندومي
جنت امشي واحس احد وراي اندار ماكو احد وهم امشي واتلفت جان ؏غفله حسيت ايد انخلت على حلكي ودخلنه بشارع فرعي خلاني ؏لحايط وايده ؏حلكي وحجه
