عشق الظلام

بارت -5-

تدري شگثر مشتاك يالماخذ العَين؟
كد ماتَبِوس الزَوار شَباچ الحسُين
ــــــــــــــــــــــــــــــــــــــــــــــــــــــــــــــــــــــــ
:: سمعت ابوي يكول الا ازوجهه واحد صاحبي يستر عليها... كعدت لكيت روحي بالغرفه ودايخهه فرد نوب بقيت منجطله ؏ جربايه ماكدر اكوم وجسمي كله كلهه يونن عليه تقريباً نص ساعه سمعت الباب اندك كمت واني ازحف حد موصلت يم الباب واسمع هاي وَهم تحجي

-. ميار ميار وينج يمعوده بعد مغمه عليج

:: حجيت واني صوتي يرجف
-. هااا

-. سوده عليه بيه ولا بيج باعي ابوي يكول الا ازوجهه الواحد صاحبي المشكله الرجال اكبر من ابوي بـ3 سنيننن وعباس يكله اي طبعاً يستر عليها وحتى تلفونج ماخذي كاعدين يفتشون

-. ان.. انطيني تت.. تلفونج

-. شتسوين بي

-. هسه بس انطيني

:: انطتني تلفونها واني غصبت على نفسي الا اكوم رحت سحبت لوحه جان وراها مكتوب رقم ياسين كتبته وتصلت وهوه اول مرا مجاوب ثاني مرا هم نفس الشي ثالث مرا قرب يخلص الاتصال جان يجاب اول ماجاني صوته صرت ابجي

-. الو... برغي شبيك ليش تبجي احجييي وينككك الووو

-. ياسيننن كتلونييي كتلونييي يريدون يزوجوني الواحد اكبر من ابوي ولك يريدون يزوجوني شسوييي

-. هاذ تلفون منو جاي تحجي بي

-. تلفون اختي

-. تمام... معليج هسه اني اتصرف بس لا تبجي صيري قويه هسه اني جايج

-.ولك شنو لا تبجين لو تشوف حالتي جسمي كله مزورك وحتى ذره القوه طارت والله تعبت ياسين تعبتت

-. جايج

:: كالها وسد الخط واني مسحت كلشي وانطيتها التلفون وهيه راحت وعافتني واني وكفت كدام المرايه اباوع على حالتي الي وصلت الهه على الضيم الي اني بي هدومي متشككه اخذت هدوم وبدلت ورجعت انجطلت شويه واشوف الحبل صار ؏ شباك وياسين صعد ومد جسمه شويه واحد انطا صندوك مَي واشر بيده بمعنه انتظر واجه عليه كمش وجهي

-. هاي شنو حالتج

-. كتلوني

-. الا اندمهم على كل دمعه نزلت منج ماسمه ياسين

:: رفعني وخلاني انتجي على تاج مال جربايه وجان جايب ويا وجبه مال اكل وصندوك مَي وطلع تلفون من جيبه وانطانيا

-. خلي يمج لح تحتاجي هاذ تلفوني قديم بي بس رقمي

:: خلص كلامه وطلع الاكل ومدلي ايده بيها اكل باوعتلها وهوَ اشري بمعنى اكلي فتحت حلكي و وكلني خلصت الاكل وشربني مَي جنت اكدر اسوي كلشي بس هوَ ميقبل مدري شبي عاد شال الغراض وخله صندوك المَي جوه الجربايه وكلي