الأدغج "نيران الغضب"

النـَار الاولى

الأدغج "نيران الغضب "

ديلان

-كاعده ع سرير تدرس وكتبها متناثرة في كل مكان كامت ع المرءاة كلما تضوج من الدراسه تلتجئ الى المرءاة تحب شكلها اخذت نضره الي حواجبها الكثيفة وعيونها العسليات ورموشها الكثيفة ابتسمت وحولت انضارها الى خشمها چان وسط وشفتها الممتلئه بحجم وسط ذبت زفير مرتاححه واخيراً شافت شعرها الاسود اليل وبياضها الطاغي عليها

ديلان: ايي هسهه صارلي واهس اقره نزيت من صوت ودق يمههه بسم الله

ودق: ولچ دليللللللة لحڪي

ديلان: وجع هو هيج شنو مناوية تكبرين ؏ اي لحظة يوكف كلبي شتكولين لربج

ودق: دكعدي لا اسمطج براشدي خليني امضرط

ديلان: مضرطي اشوف شنو لسالفه الخلتج رعنه هيج حت بسحر ميعدلج ومتجرين عدل

ودق: حضري روحج بعد اسبوع رايحين للانبار يمههه حموعع سحت

ديلان: طاحضچ هيه هاي السالفه الهرجتي البيت علمودها

ودق: طاحضج شكد بارده ماكو اي حماس صوجي والله اروح ل رميم احسن منج تسوي حماس ضلي بكتبج عفني

ديلان: يلا الباب يفوت جمل جرت شعري وشردت انيييي الچ عفتها وكعدت متنرفزه
عندي اخوات ثنين وحده رعنه وحده هادئة مدري شلون يتوالمن ههههه اني و ودق رويسيات مرات نتكافش من الروس

اذكر موقف يمهه موتني ضحك

جنت داقرة صف خامس علمي صعدت ودق وچفتت كلعاده لازم تكمزني مترتاح هاا ولج

ودق: دكافي كلما اشوفج لازمة هذا المصلبخ دعوفيه خطيه خ يفتك منج

ديلان: لج متعنيه وصاعدتلي ع هاي امشي نزلي لعبي وي رميم ماعدي وكت وياج

ودق: ع اساس اني عدي وكت وياج ههههه

شو هاي جرتلها صفنه ابو صابر ماحس الا و اخذت كتابي نزلت تركض بيه واني اصيح عليها اهلي كلهم طالعين وهيه تفرفر بكتابي نوب مامجلد يمه حتشكه

ودق: اذا انتي كفو وذيبه لزميني هههههههه

ماخلت مكان يعتب عليها تركض مثل الزيبخ ولججح اني الج ركضت وراها المطبخ، الاستقبال،حت بلحمام اخير شي حصرتها بمكان واخذت الكتاب ادبسزز وشديت شعرها وكلعاده شدت شعري

ودق: اخخ عوفيني التوبة ماشاقيج بعد انتي الشقه مطلكته

ديلان: زين اعترفتي وع سوالفنه اجوي اهلي ورزلوني وهيه ماشالله بارعه بل تمثيل كعدت تتبجج واكلت زراله معدله من امي

امي: شوكت اتوبين ولج اختج الاصغر منج هاي

ودق: ييي ماما ادبيها بس تضرب بيه شسويتلها بس جريت كتابها ونزلت افرفر بيه