دخلت الغرفه وانا ارمي شنطتي مع العصبيه يبنات وجهها لحاله ينرفز مدري كيف حبها ياسر !!من العصبيه ودي اصرخ قهرتني كيف نظراتها وابتسامتها لفيت ع ياسر لقيته واقف يتفرج عصبيتي
" كيف كيف حبيتها وجهها يقهرر !!مستفزه وجع " اتجهت لشنطة السفر وطلعت لي بجامه بشورت قصير ودخلت الحمام اغير ورجعت انسدح ع السرير جنب ياسر اللي راسه لف علي لما انسدحت تكلمت لما حسيت فيه " اقول عطيتك وجهه لما نمت ع الكنبه "
حسيت فيه يقوم وينسدح ع كنبته الطويله نوعاً ما قفلت عيني ونمت صحيت العصر ع دق الباب "ميين ؟" " انا ساره !" قمت بفزع قومت ياسر خليته ينسدح ع السرير وشلت المخده ورميتها عليه اشرت له يفسخ التيشيرت وسواها بدون سؤال
" م شاء الله خلصوا بزارين البيت ؟" تكلمت وكانها م فهمت اللي اقصده " نعم؟"ابتسمت ابتسامه مصطنعه "خلاص تمام الحين نجي" قفلت الباب في وجهها وانا اقول " يسوري حبيبي" انا عارفه انها ورا الباب تتسمع
بعدها بشوي صرخت صرخه خفيفه وانا اتكلم " ياسر لا تبوسني هنا تعرفني اتدغدغ " ضحكت لما شفت وجهه المصدوم اشرت له ع الباب انها موجوده رحت للباب افتحه وفعلا من قوة فتحت للباب طاحت ع وجهها
قامت بضحكه من فشيلتها وهي تحاول تطلع من الموقف اللي انحطت فيه تكلمت بجديه " اسمعيني الحين زين ذا الدور لي انا وزوجي يعني سالفة انك تطلعين تصحينا وتقطعين علينا لحظاتنا م ابيها العبيها ع غيري وان شاءالله انك فهمتيني " شفتها تهز راسها واشرت لها تنقلع
قفلت الباب وشفت ياسر معدل جلسته ويصفق لي بابتسامه حلوه غريبه م قد لاحظتها " ذي الزق كانت تقابل ذي الابتسامه الحلوه " استوعبت وش قلت واخذت اي لبس من الشنطه بسرعه ودخلت الحمام
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
