عجيب هو الحب في أوله، يصنع للمرء اجنحة لامرئية، لأن جسده لم يعد قادرًا على الثبات والوقوف لفرط خفته ورقة مشاعره، ثم ما هي إلا محطات قليلة من التراكمات والتقلبات حتى يشعر بالنقيض تمامًا، لدرجة أنه لا يستطيع أن يحرك إصبعًا واحدًا لأجل النهوض ." منقولة،
______________________________________
وكمت من الحديقة هم رجعت للمستشفى شفت
نفس الرجال الي صدمني لابس اسود ولاف شماغ على وجهَ
صعد بسيارة سوده جبيرة مضلله
شهكت بصدمه وخوف ورجعت بذاكرتي
نفسها نفسها الي بمنطقتنه وكفت من بعيد اباوع صعد بيها وحدة
مشيت بخوف وسرعة رحت كعدت يم غرفة امي
وافكر بالشفته
ليش!؟ داخل مستشفى ولابس شماغ يعني شبهه متنكر ومحد حاچا ومبين يدور على شخص
وليش نفس السيارة الي بمنطقتنه
معقولة؟ من منطقتنه؟؟
ترادفت الافكار وتراكمات براسي واسئلة هواي يعني نفس السيارة الي بمنطقتنة تصف وشكلها غريب وجديد نفسها صعد بيها وطريقة دخولة وصعودة تدل على انو اكو فد شي او سالفة بالموضوع ومبين جاي يدور على احد هذا فوك وجهه الغريب ولبسه غريب!.
ضليت كاعدة كدام غرفة المستشفى مالـ امي ومنزله راسي ومخليه اديه علي وافرك بشـعري وسارحه بالتفكير ، نهضت نفسي ورحت قربت على غرفة
وصرت افتر يمها واروح واجي فجأة لمحت الدكتور
طالع من غرفتها
تمشيت ورا وكفته سألتة
افاطم- دكتور شلون صارت حالتها لـ امي وكعدت لو لسه نايمة وليش ميصير نشوفها هسه لعد يمته نشوفها
-ادعولها تصير احسن واحنه سوينه العلينه واكثر بس حالتها تعبانة شويه بس اكو امل وان شاء الله باجر تشوفوها
" حجه الكلام واختفه فجأة من يمي واختفت احلامي ورا خطواته واختفه الكلام وتبعثر وضاعت الحروف بشفايفي "
- باوعت بصدمة ودموع بدون وعي افكر بكلامة الي نغز كلبي وفزز جروحي الـ نايمه بروحي فتح مواجع بدايتها فقـد ابوي واخوي ونهايتها حالتي اليوم
وحدي بدون كتف استند علي وابچي بكل مابيها روحي ابچي على حالة امي ابچي على تصرفات اخوي ابچي على نفسي على العشـته اكبر من عمري على الاهل والعائلة الفقدان
وحدي "
وحـــدي . أرود نفسي َ الثكلى فتأبى أن تســادني على نفسي
ووحـــدي …. كنت وحدي
عندما قاومت وحــدي … وحدة الروح الأخيــرة
محمود درويش،
وعيت على نفسي كاعدة بالكاع وابچي عيوني حَمره
واشهك بواچي ودمع والناس تدخل بالمستشفى وتطلع وعيونهم عليه يباوعون بنضرات عطف
اتجاهلتهم وكملت بدون وعي ابچي بحرگة
أنت تقرأ
افاطم (في قبضة الأدلهم)
Romanceبنت يتيمه تدفع ثمن ذنب اخيها. ليوقع بها القدر باإحدى عشائر الجنوب المتمردة باأحضان رجل تملئة العُقد النفسية؟. بين نيران الثئر. وذنب لم تذنبه َ.
