حودي
جنت كاعد بغرفتي واتصفح بالنت ماعندي شي اسوي اجاني اتصال من احمد
ماجان بالي شي ولا متوقع شي فتحت الاتصال وخليته على اذني الو احمد
احمد :لك هلا بعلاوي
حودي :شلونك
احمد :والله بخير ومو بخير
حودي : خيرك بيك شي ؟
احمد :الموضوع يخصك
حوددي:اااي عوف هاي سوالفك والمقالب اعرفك
احمد : لا والله ياخوي هذا مو مقلب الموضوع جدي
استغربت اعرف نبرته من يصير جدي ،جنت نايم على الجربايه كدت بسرعه
حودي :ها كول ؟
احمد تذكر البنيه لي تعرفت عليها بالجامعه
حودي :غاده ؟
احمد :اي ليوم حاجتني وكلتلي حاجي حودي يشوف حل للفانز مالته لان جاي يأذونها هوايه ويكلوله حبيبته وزوجته بالسر
ومن هذا الكلام ،وانت تعرف بعد احنه مجتمع عشائري واهلها لبنيه معروفين وبالدوله
حودي :دخيلك ياعلي ،شنو كلتلك بعد
احمد : كالت خلي ينزل اي شي يسكتهم يكلهم اني مامرتبط بيها ترا تصير محاكم ،خلي ادزلك الفيديو لي نزلته
حودي :يلا دزه
احمد :راح انهي الاتصال ادزه الك
حودي :يلا
قطع الاتصال وبقيت متوتر كلت بس لا تصير مشكله اكول شبيهم صار يومين يكلولي مرتبط
اجاني اشعار من احمد على الانستا دازلي ستوري
دخلت علي جان غاده تحجي عن الموضوع
خلص ورحت نزلت ستوري كتبت بي اني اعتذر للاخت الطيبه عن سوء الفهم لي صار
انتِ مثل اختي وسمعتج من سمعتي واتمنى من الجميع يترك الكلام الي ماله اي صحه
وياخذ الكلام من مصدر موثوق بيوم لي اتزوج او اخطب هذا شرف اليه وراح اعلن عنه
مايبقى سر حتى اتهدد بي والبيجات تنشر عنه
رجعت دخل لستورياتها وخليت لايك على الفيديو وبقيت اتأمل وجهه جان كلش حلو ولطيف
دخلت للهايلات اشوف صورها وطلعاتها شكلها محبوبه عند متابعينها دخلت على تعليقات البوستات
جان كله فانزاتي وصدك التعليقات مزعجه
غاده :
ماكو اي فائده لي حجيته محد يصدكه بليل بالانستا دخلت على الستوري مالتي اشوفه جاي اكلب بالايكات
شفت علي جاسم مخللي لايك صفنت هذا شلون عرف حسابي بعدين تذكرت اني حاجيت احمد اكيد كله
دخلت حسابه ولكيته ناشر بالستوري اعتذار مني ووضح هوه مامرتبط ،اني ليش فرحت مادري
سجلت خروج وطلعت كلت ارتاح شويه
نمت لحد ثاني يوم الصبح
اربعاء الساعه ب7:00 ص
نفس الروتين يوميه انام واكعد اروح للجامعه اهلي يطلعون واني ابقى بالبيت ادرس انتظر الجمعه عالساس راح تفرق همات ابقى نايمه واطلع شويه وارجع اكمل دراستي واحظر ملابسي وتنتهي ردت ابجي وتذكرت اني مرحله ثالثه بعد بس سنه وينتهي كلشي
جهزت نفسي واكلت
وصلت للجامعه ولتقيت بلبنى حجتلي عن لي صار لبارحه ويه فانزات علي وكالت لحد لان محد يصدك
كتلها عوفيهم اخر شي يملون ويروحون
كملت يومي عادي بالجامعه وقررت اني ولبنى منداوم باجر ناخذ استراحه جان اسبوع متعب وضغط امتحانات
رجعت للبيت حتى ارتاح سلمت على اهلي وصعدت اخذت حمام وبقيت نايمه بالفراش ساعه اريح جسمي ونزلت جوه
عندي 2 اخوان احمد 25 وباقر 25 توأم واني البنت الوحيده
بابا :نطلع نغير جو ليوم بليل
الكل وافق
صار الليل لبست ملابسي ونزلت اهلي ينتظروني طلعنه للمول
وبعدها دخلنه للكوفي شوب وكعدنه نحجي نسولف وننتظر الطلب فجأه رفعت راسي وصار مقابلي علي جاسم
وصارت عيونه بعيوني دنكت بسرعه راسي من الخجل وصل الطلب وبعد مده رفعت راسي لكيته يحجي ويه جماعته
بقيت صافنه على ملامحه هذا الانسان دخل كلبي من اول يوم شفته بي
رفع راسه شافني صافنه علي غيرت اتجاه وجهي على اتجاه الشباك ،بلحضتها تمنين الكاع تبلعني
كملنه طلعو اخواني قبلي واني وامي وراهم من وصلت يم طاولته ووكفت كتله مرحبا اخ علي صدفه جميله
حسيته توتر وكام كال اهلا اختي ،شلونج
غاده :الحمد لله بخير وانت
علي:الحمد لله بخير وطبعا اسف على لي صار وياج بسببي
غاده :لا لا ماكو مشكله بكل الاحوال الناس راح تحجي سواء صح او خطآ ،تشرفت بلقائك
علي :اهلا وسهلا واني اكثر ان شاء الله تجمعنه صدف اكثر
غاده :ان شاء الله ،عن اذنك
وعفته وطلعت
امي : تعرفيه ؟
غاده :هذا الاعب لي كتلج علي
امي :ماشاء الله مبين مؤدب الوقت كله جانت مدنك راسه يستحي
غاده :اعتذر مني عن لي صار
امي: الاعتذار مايفيد اذا مايشوف حل
غاده : جاي يحاول
ورجعنه للبيت
حودي:
اربعاء الساعه ب7:00 م
اتصل عليه قوقيه وكال خلي نطلع اني وياك وبايش
كتله يلا
لبست ملابسي ونزلت كلت الامي راح اطلع
علي :ها يُوم راح اطلع محتاجه شي ؟
امي: سلامتك دير بالك على نفسك
علي:تدللين
اخواني جانو كاعدين كتلهم انتبهو على البيت
اجو الشباب للبيت وطلعنه نفتر بالسياره ووكفنه يم الكوفي
ونزلنه اول مادخلنه الفانزات اخذو صور ويانه وكعدنه اخذنه الطلب وبقينه نحجي عن المباريات الجايه
وتدريبات ليوم والانتقالات ،وبوقت الحجي تعاركنه على يا فريق ياخذ ابطال اوروبا
فجأه رفعت راسي شفت غاده كاعده وصارت عيونه متقابله دنكت راسها
رجعت احجي ويه الشباب وبعد شويه رفعت راسي صدفه لكيتها تباع عليه بنظرات تربك
شافتني انتبهت الها ندارت وتجاهلت لحد ما راحو الولد الي وياها ماعرف اذا خطيبها واخوها او اخوانها
وصلت يمي سلمت عليه رتبكت ماعرفت شنو احجي اعتذرت منها وراحت ويه مره يمكن امها
ورجعت كعدت
ابراهيم :منين هاي البنيه
قوقيه : والله حلوه ماشاء الله
ابراهيم :ها عجبتك
علي:هاي طالبه تعرفت عليها بالجامعه صدفه دلتني على قسم والناس مصورتنه
وعالساس كالو حبيبتي
قوقيه : على موضوع لستوري لي نزلته ...؟
علي :اي وهيه اهلها معروفين ماتريد تتأذه سمعتها
ابراهيم :مدري وين شايفها
قوقيه :تعرف النسوان كلها انت
ابراهيم :نجب خلي نفهم منو
كعدت ادور بالانستا وطلعت حسابها
علي:هاي
ابراهيم :ها شايفها بريلزات تابعها البنات بالبيت
قوقيه :كول اني اتابعها
ابراهيم :قوقيه شبيك راح ادفرك وعلي
علي :يلا شباب استأذن راح اروح
ابراهيم :اي يلا روح احجي وياها يمكن هسه وصلت
علي:هيه منو
قوقيه :غاده هههههه
ابراهيم :هههههه
علي :والله فارغين نستودعكم
قوقيه وابراهيم :الله وياك
-ليش ضجت من يحجي بيها قوقيه ويكل لبراهيم متابعها هسه اني شدخلني
اجرت تكسي ووصلت للبيت لان جنت طالع بسياره براهيم ،وهذول يبقون للفجر برا
