وكالت ماكو مشكله نروح نخطبها واذا الك بيها نصيب تزوجون
واذا ماكو الف بنت غيرها
كتلها ان شاء الله لان ماكدر اكلها اني ماريد غيرها احبها بس هيه وماراح احب قبلها ولا بعدها
نزلت غسل وصليت وتغديت
وحجيت ويه عمي علمود البنيه وكلولي تدلل
ثاني يوم اخذو رقم ابو غاده وحجواْ وياه وطلعواْ يعرفون اهله وعشيرته
بعد كم ساعه اتصل عليه عمي وكال يكول اهلا وسهلا بيكم خلي يجون ونتعرف على الولد
من الفرحه احس الكاع متشيلني سديت الاتصال وحضنت امي وهي تهلهل
اخواني يمي كلهم فرحانين
رحت منهم وصعدت اتصل على غاده ،يتصل وماكو رد
جانت الساعه ب8:00 بليل ،بقى بالي خاف صار شي
تعوذت الشيطان ماريد هيج افكار اريدها بالحلال وان شاء الله ماكو مشاكل وعوارض
غاده
ليوم مارحت للكليه لان جنت تعبانه بقيت بالبيت نزلت بس على الغده ورجعت للغرفه
مالي خلك احجي ويه احد احس متوتره بس احجي شي ابجي
شفت الساعه جانت ب7:40
اتصلت ع لبنى كتلها تحجيلي شنو باجر عدنه كوزات
بين ما احجي وياها صارت الساعه 8:00
انفتح الباب فجأه ودخلت امي ،استغربت اول مره امي تدخل هيج دائما دكه
غاده :ماما ! (كتلها بتعجب )
امي :ويه منو تحجين ؟
غاده :وويه غاده (بتلبك ورفعت الجهاز بوجهه وسمعت صوتها )
غاده :باعي لبنى بعدين نحجي ماما تريدني
قطعت الاتصال ويه لبنى ونظرات امي عليه بعصبيه وحاده
غاده :ها ها ماما شكو ؟
فجأه لزمتني من ايدي وكلتلي
امي : اني مو كتلج هذا علي مايحجي وياج بعد وتنسينه
غاده : ا اي اي ...وهزيت راسي بخوف
امي :لعد شلون هسه متصل على ابوج عمه يكول جايين نخطب
غاده :ماما والله ما اعرف
امي :غاده حذرتج اني وهوه باجر يجي وراح ينطرد فخلي يحافظ ع كرامته ولا يجي
واذا عندج تواصل وياه كليله لا يجي
نفضت ايدي قوي وراحت سدت الباب وراها بقوه
بنفس اللحظه لي طلعت بيها اتصل علي وسويته صامت بسرعه
كعدت على طرف الجربايه ولازمه راسي وابجي
ليش ديصير هيج وياي
شفته بعده يتصل اخذت الجهاز وفتحته
علي :الو ؟ غاده وياي؟
-احس اريد اجاوبه بس ماكدر غصه بداخلي وبس دموعي تنزل
علي :غاده جاوبيني لا تخليني بخوف عليج ،بس كليلي اني بخير
-اخذت نفس ومسحت دموعي ورديت علي
غاده :اني بخير حودي
-سمعته تنهد بقوه
علي:اوف غاده شكد خفت عليج ،باجر جاي اخطب غاده راح يصير كلشي رسمي باجر
