Enjoy ~
في احدى احياء الرياض
بالتحديد بيت متوسط الحجم لكن تصميمه راقي
يحاوطه سور وتتدلى منه الاشجار معطي له شكل جميل
دق منبه على الساعة 5:40 الفجر
جعد حواجبه بضيق لانه بعد ما اخذ كفايته من النوم
طول الليل سهران يذاكر لأول اختبار نهائي من ثاني ثانوي
فرك عيونه العسلية وفتحها
جلس يتأمل السقف شوي وتنهد واستقام شايل معه منشفته داخل للحمام ياخذ شور سريع عشان يلحق الصلاه
طلع ولبس ثوبه وجزمته ساحب شنطته للصاله
شاف ابوه مستلقي على الكنب في سابع نومه والتلفزيون شغال تنهد وقفل التلفزيون وقرب من ابوه وهو يهمس
: يبه يبه صلاة الفجر لا تطوفك يبه
ولا حس ولا تحرك
رجع نطق بصوت اعلى : يبه يبه
تحرك الاب بانزعاج : طيب خلاص شوي وقايم
قلب عيونه : بكيفك انا رايح
الاب : همم
استغفر في نفسه ولف طالع من البيت مقفل الباب
مشى بسرعه لاحق على الصف الاول في المسجد
انتهت الصلاه وطلع ماشي للمدرسه
مدرسته بعيده عن بيته 20 دقيقه مشي
طلع كتابه يراجع الماده الي بيختبر فيها
سمع صوت سياره تقترب منه التفت وشاف سياره مرسيدس سودا مظلله كتم
صاحب السياره نزل الشباك
وبس شافه الثاني قلب عيونه : وش تبي عُدي!
عُدي : تعال اشيلك معي
وخر عنه وكمل مشي : مالي خلق لك
عُدي : براحتك باقي 10 دقايق ع الاختبار
رفع ساعته وانصدم لما شافها 6:20 وقف وقبض يده بقل صبر
ولف راجع لسياره عُدي
فك الباب ودخل وصفع بالباب مسكره
عُدي : احح ليه!
لف جهة الشباك وما قال شي وحرك عُدي بسرعه متجه للمدرسه عُدي : ايي وشلونك رعد!
رعد : كنت بخير قبل ما اشوفك
عُدي : افاا ليه!
طالع فيه رعد بنص عين : مسوي اعز الاخويا فارق بس
عُدي : يليل النفسيه
وحل صمت لين وصلوا المدرسه نزل رعد بسرعه ونزل وراه عُدي
عُدي : طيب شكرا ع الاقل
تجاهله رعد واختفى عن انظاره
مشى بسرعه وراه يلحق ع الاختبار
__________________________
مرت ساعه وتنهد عُدي براحه حل كل الاسئله
لف نظره على الفصل يدور رعد
رفع حاجبه باستغراب شايفه بأول الفصل منزل راسه ع الطاوله وشعره الطويل منسدل ونايم بعمق : غريبه متى خلص!
جلس نص ساعه وسمع جرس الانتهاء من الاختبار واستقام بسرعه لما شاف رعد قام يسلم ورقته وخرج بسرعه
راح عند الاستاذ يسلم ورقته ولف خارج يلحقه الا ويسمع وراه
استاذ حمد يناديه : عُدي
عُدي : سّم؟
أستاذ حمد : سّم الله عدوك تعال بغيتك بمكتبي
ولف ماشي لمكتبه
لف راسه يشوف رعد ما لقاه
لوى عُدي شفته وقال ع مضض : ابشر
__________________________
سلمت الورقه طالع من الفصل والمدرسه بكبرها راجع للبيت
لمحت عند بيتنا سياره ولما قربت قلبت عيوني لما شفته
وسمعت صوته النشاز : وينه فيه ابوك الزفت مو لاقيه بالبيت!
قلت : ما ادري!
قال : الله ياخذك انت وابوك
وركب سيارته وانقلع
روحه بلا رجعه ان شاء الله!
دخلت البيت حاس بفراغ ووحده
هذا عمي فيصل صاير مشكله بينهم وبين ابوي
جدي توفى قبل فتره وصاروا يتهاوشون ع الورث!
زمان ما شفت اعمامي ومقاطعين ابوي والحين عشان الورث جايين الرياض!
اهل ابوي صارت مشكله بينهم وبين ابوي زمان ومن وقتها نقلنا من المنطقه ولا سألوا عنا او وش صار علينا!!
وقفت تفكير ودخلت الحمام اتروش وخلصت وطفيت اللمبات رامي نفسي ع السرير انام ...
* كاتبه مبتدئه
اول روايه اتمنى الاقي دعم😔
LiLi ~
