Enjoy ~
__________________________
عُديpov:
دخل بيتهم ونادى : حور يمه
جات حور تركض ونطت عليه حاضنته : لبيه يا عيون حور
حاوطها بيدينه الكبار بالنسبه لجسمها الضئيل وباس راسها : لبى عيونك وين امي؟
بعدت عنه حور وناظرت فيه : داخل تصلي
اومئ براسه : تمام تجهزوا بنطلع الجو يجننن بروح اخذ شور واجيكم
ابتسمت حور بفرح : الله تممم
باست خده ولفت طالعه لغرفتها
ابتسم على فرحتها
دخل غرفته واخذ شاور وطلع لبس شورت اسود وتيشيرت نيلي وشوز ابيض
خاتم اطلالته بعطره المفضل
شال جواله ومفتاحه نازل للصاله
شاف امه جالسه راح عندها : يمه
ام عُدي : عيوني!
باس راسها ويدينها
ام عُدي : الله يرضى عليك يا نظر عيني
عُدي بابتسامه حلوه : ها يمه جهزتوا؟ وين حور ما اشوفها!
حور داخله : هذاني جيت يلا نطلع
عُدي : يلا
قاموا رايحين للسياره وكل واحد فيهم الابتسامه شاقه وجهه
عائله مكونه من 3 افراد فقط
لكن مليئه بالحب !♡
-
-
-
-
-
-
مستانسين وحور الدي جي جالسه تشغل اغاني وتغني معها
عُدي : ابوك يالذوق الخايس عطيني عطيني انا اشغل
قلبت حور عيونها : عساس انت الي ذوقك حلو مالت بس خذ
ضحك عُدي على ملامحها المنقرفه وخذا الجوال
وشغل راشد الماجد
طفوا لأنهم وصلوا المطعم ونزلوا
حور : المكان مرره راااايق
جلسوا على طاوله وطلبوا
ام عُدي : يمه حبيبي ابي توديني بكره لخالتك لينا ولدت
اشر عُدي على عيونه : ما شاء الله ولد ولا بنت
ام عُدي بابتسامه : بنت سموها اسيل
حور : الله اسمها حلووو
وصل العشا واكلوا
حور مبتسمه : الله يكثر خيرك ياخوي
عُدي رد لها الابتسامه : جعل معه العافيه
ام عُدي : يلا يا يمه مشينا
قاموا وطلعوا
حور طالعتهم بعيون بريئه : تكفون خلونا ناخذ لفه
ام عُدي : خلاص يا حبيبتي الساعه 12 الحين
حور : يمه والله بدري بس لفه صغيره
