රතු සහ සුදු පාටින් හැඩ කරපු කාමරේ හරිම ලස්සනයි. රතු පාට රෝස මල්, සුවඳ හමන රතු ඉටිපන්දම්, සුදුපාට ඇඳ ඇතිරිලි එක්ක කාමරය හරිම හැඩයි. මංගල රාත්‍රියක් වෙනුවෙන් ලෑස්ති කරලා තිබ්බ කාමරයෙ තිබ්බ සුවපහසු ඇඳ උඩ මංගල රාත්‍රිය වෙනුවෙන් තමන්ගේ ඇල්ෆා කාමරේට එනකම් අහිංසක පුංචි ඔමේගා වේල්පටෙන් මූණ වහගෙන වාඩි වෙලා ඉන්නවා.
පුංචි ඔමේගා ඇඳගෙන හිටිය මංගල ඇඳුමෙ අත් ලොකුයි. ඒ රතු පාට හන්ෆු වස්ත්‍රයේ ලොකු අත් වලින් එලියට ආව පුංචි ඔමේගා ගෙ හුරුබුහුටි චූටි අත් දෙකේ ඇඟිලි එකින්එක පැටලිලා.
මංගල රාත්‍රියේ ඉඳලා තමන් ඇල්ෆාට අයිති වස්තුවක් වෙනවා කියලා මතක් වෙනකොට වේල්පටෙන් වැහුණු පුංචි ඔමේගා ගෙ තොල් වෙව්ලනවා.
පුංචි ඔමේගගෙ පවුලෙ පුංචි ඔමේගා කුමාරයෙක් වගේ ජීවත් වුණේ නැහැ. තනිකරම එක සේවකයෙක් විකරක් ගානට දාලයි එයාට සැලකුවෙ. පුංචි ඔමේගාගෙ පවුල විතරක් නෙවෙයි.. හැම පවුලකම උපදින ඔමේගා පැටවුන්ට සේවකයන් ට වඩා තැනක් හම්බ වුණේම නැහැ. සමහර විට හම්බ වුණේ සේවකයන්ටත් වඩා අඩු තැනක් තමයි ඔමේගලාට ලැබෙන්නේ.
ඔමේගාවෙක් ව බීටා කෙනෙක් බැන්ද නම්, ඔමේගා ගැන තියෙන නීති තකන්නේ ටිකක් අඩුවෙන්.
ඔමේගලා බීටලාට බය වුණත්... බීටලාට වඩා එයාලා ඇල්ෆලාට තමයි වැඩිපුර ම බය වුණේ.
මොකද ඇල්ෆා කෙනෙක් කොතන හරි ඉන්නවා නම්...
ඒ ඇල්ෆගෙ වචන තමයි එතන නීතිය.
පුංචි ඔමේගා ගෙ ජීවිතේට මොනවා වෙන්න යනවද කියලා පුංචි ඔමේගා ට අදහසක් තිබුණා.
පුංචි ඔමේගාට මතකයි එයාගෙ ඔම්මා... අප්පගෙන් කොයි තරම් නම් පහර කාලා තියෙනවද කියලා.
අප්පා ඇල්ෆා කෙනෙක් වුණ පවුලක, ඔම්මා ඔමේගා කෙනෙක් වෙද්දි පුංචි ඔමේගාට අනන්තවත් තමන්ගෙ ඇල්ෆා දෙන ඕනම දෙයක් ප්‍රශ්න නොකර බාර ගන්න කියලා එයාගෙ ඔම්මා උගන්නපු හැටි මතක් වුණා...
ඇල්ෆාගෙ වචන වලට පිටින් යන්න එපා කියලා ඔම්මා ඉගැන්නුවේ ඔම්මත් හොඳටම අප්පගෙන් පහර කාපු වෙලාවල් වලදි නිසා පුංචි ඔමේගා තමන්ගේ ඉරණමත් ඒ වගේ වෙයිද කියල බය වුණා.
ඒ දේවල් ආයෙ ආයෙමත් මතක් වෙද්දි තමන්ගේ ජීවිතයත් මේ මොහොතේ ඉඳන් එයාගෙ ඇල්ෆාගෙ අතේ තියෙන්නේ කියලා තේරුම් ගන්න පුංචි ඔමේගාට පුළුවන් වුණා...
