سايرن كانت لسه صاحيه من النوم وبتتقلب في السرير..احيه انا نسيت اكلم ملك! كانت سايرن بتتصل بملك والفون بيرن بس فجاه وهو بيرن سمعت اغنيه هيفاء✨ليك الواوا بوس الواوا خلي الواوا يصح✨ احيه.. دي البت مخها لسع ع الأخر
ملك: صباح الخير يا سوسو عامله ايه
سايرن : صباح النور يا هيفا انا من غيري انا قلبي الي ابتلي بعيون حلوين
ملك : احيه انتي سمعتيها
سايرن : بلله عليكي يا ملك هيكون وضعك ايه لو دكتورك ف الجامعه اتصل بيكي يقولك حاجه ولا المدير يعني ايه الي انتي حطاه ده ده انتي لو حطيتي مهرجان عمر ID كان احسنلك من العتهه الي انتي حطاه ده
ملك : طب سيبك من كل ده.. عملتي ايه فلعريس الي طنط جايباهولك؟
سايرن: ولا حاجه يا ستي انتي عارفه اما امي بتحط حاجه فدماغها لازم تمشيها
ملك : اوعااا يعني يا سوسو هتقعدي معاه؟
سايرن : للاسف ده امر واقع مضطره اقعد معاه بس هطفشه يعني هو انا هغلب
ملك: طب افردي طلع مز وشبه ابطال الروايات وعجبك
سايرن : معتقدش انا معاييري عاليه جدًا يا بنتي معتقدش انها موجوده علي ارض الواقع
ملك : اشعرفك ممكن يبقا مز ويعجبك كل حاجه جايزه
سايرن: يمكن مين عارف...
ملك: طب اسيبك انا بقا تروحي تشوفي هتعملي ايه وهيجي امتي
سايرن : تمام يا ملوكه خلي بالك علي نفسك
ملك : وانتي كمان
3:43
سايرن كانت قاعده تتمشي في البيت رايحه جايه رايحه جايه بعد ما عرفت انها هتقعد مع العريس بكره بليل..
ياربي علي الاخبار السوده هي ناقصه الواحده سنجله جنتله مش ناقصه قرف هي واقعد مع عرسان وامي تستلطفه وتقولي لو موافقتيش عليه قلبي غضبان عليكي واتجوزه غصب وايه القرف الي انا فيه ده اولع فنفسي ولا اعمل ايه ...
مممم طب مهو امي بتقول انه مز وطويل وجسمه رياضي وكل البنات هتموت عليه ف اكيد مز وشبه ابطال الروايات وممكن اكراش عليه واوافق اتجوزه.. طب اسيبني من كل ده... هلبس ايه بكره!! انا اصلا عيله شحاته وبسرق هدوم البت ملك يبقا هلبس ايه وطبعا طبعا لازم البس زفت فستان عشان امي وابويا ميقولوش مسترجله ولازم تلبسي فستان ومعرفش ايه ..
احيه هو انا حماتي هتبقا حربوقه.. مهو امي بتقول ابن ناس.. وكل الستات الي مخلفين وولاد ناس بيبقو رافعين مناخيرهم سابع سما وهتبقا حربوقه وهو لازم يبقا ابن امه وبتاع مامي وبابي وايه الي انا فيه ده
سايرن : ملك الحقيني عايزه البس فستان دلوقتي قدامي 3 اختيارات بس مش عارفه البس انهي
ملك : طب تبعتيلي الصور؟
سايرن: يبنتي صور ايه افتحي الكام وانجزي
سايرن كانت قاعده بتوري ملك اول فستان كان ضيق وطويل شويه بعد الركبه ولونه احمر غامق قماشته كانت جميله وكان فستان بكم ..
ملك : ده تحفه اوي وخصوصا اللون ده بيليق عليكي انتي نص لبسك احمر اصلا
سايرن : طب شوفي ده.. كان فستان قصير لونه بيبي بلو وكت بس كان ضيق برضو
ملك : ده حلو وكل حاجه بس لايق مثلا لو رايحه عزومه عند صحباتك او حاجه كده بس مش لايق انك تطلعي بيه لعريس
أنت تقرأ
عــِشـق تــَحـت ضـَوء الــقـَمـر.
Romanceعـشـق تـَحـت ضـَوء الـقـمر✨. هذا العـمل قد لـا يُناسـب بعـض العـقلـيـات لِذا مـِن فضـلك اذا لـم يعجـبك محتـوي الروايه او بعـض القـضايا والامـراض التـي تُناقـشها هَذه القصـه فـيمكنك ان تغـادر هذا المـكان بدون انتقاضـات لا يُريد احدُ سـماعِها.
