رواية لا تهملني

part 7

استغفرالله العظيم واتوب اليه **
_________________
خلونا نروح البحرين
فهد قاعد قدام البحر ويغني :
حبيبي.. ويبقى في قلبي وحيدي
ولو قلت ما قلت ما احب ثاني
انا في عيونه قريب وبعيد 
وانا في غيابه اعد الثواني
احبه ولو قيدوني بحديد
احبه ولو عشت عمري اعاني ..
اه اه
.... ويش فيك
فهد بنبره اشتياق:  ناصر الحين انت عمرك جربت الحب
ناصر ابتسم:  لا ما جربته كان ودي اجربه لاكن بعد حالتك حالف يمين ما اجربه
فهد:  الله لا يبليك فيه
ناصر : اقول قم ما يليق عليك الحزن
فهد قام:  لا جد اتكلم تعرف عني كل شي ولا  أعرف عليك اي شي
ناصر  : والله وايش هو يلي ما تعرفه عني
فهد:  ما علينا اقسم بالله لو تطلع مخبي علي شي يا ويلك
ناصر ناضره: الحين احنا متى راجعين
فهد:  لو عن نفسي ما ابغى ارجع
ناصر:  لا حرام عليك عرس اختك بعد ٥ايام على الاقل ارجع يومين وارجع
فهد:  ان شاء الله بشوف
ناصر فتح السيارة : اطلع اطلع خلنا نروح نقطع تذكره
فهد:  يا ناصر خليني براحتي
ناصر طلعه السيارة وتوجهوا للمطار وقطعوا ليومين
فهد:  حرام عليك عاد كنت ابشتري هديه لاختي
ناصر توجه لاحد المولات:  ويش ورانا خلنا نروح الحين وباقي بكره
فهد:  يا انك غثيث ما تنطاق
ناصر ابتسم بحزن
فهد ناضره وبندم:  ما قصدي لا  تزعل
ناصر بنفس الابتسامه : لا وشو له الزعل
وكملوا طريقهم
_______________________
عند رغد كانت قاعده فوق السرير وهند تقلب في ملابسها
هند:  واو هذا الفستان حلو
رغد ناضرها:  هذي هديه من حمد
هند:  بذمتك كنت مفكره الرجال ما عندهم ذوق بملابس البنات
رغد:  لا ويش فيك
هند:  اوف لو تشوفين اخوي وذوقه بيعقدك من الملابس كلها
رغد:  ناصر او فلاح
هند:  فلاح بصراحه ما ادري شوضع منيره
رغد:  ه...
ودخلت سارة وفرح و سيناء
فرح:  هاي جايز شلونك هند
هند:  الحمدلله بخير
فرح جلست جنب رغد:  شخبارك يا عروسه
رغد:  الحمدلله ويعدين شايفتيني بفستان الزفاف
سيناء ناضرت رغد : لا معليك منها هذي لو خطوبه بتجي بتقولك يا عروس
فرح:  عاد لا تزعلوني
رغد شافت سارة قاعده تدور:  سوسو ويش تدورين
سارة وما زالت تدور:  رغد شفتي عطري اخر مره جيت عندك كان معاي
رغد راحت تدور معاها:  ابد  ما شفته
فرح ناضرت هند سيناء:  ما عليكم منهم خلوهم يدورون ايه بنات شجديدكم
هند ناضرت فرح:  مافي شي جديد
سيناء ناضرت هند وكان فيها ندبه تحت شفايفها بشويه : هند ويش فيك هنا
هند بعدت نضرها عن روان:  لا ولا شي ندبه خفيفه
سيناء:  ويش سببها
فرح قاطعها:  انطمي والمحقق كونان خليه نايم
هند إبتسمت لفرح:  فرح بقول لك على الرقم يلي عطيتيني وقلتي لي صديقتك والعب عليها طلع رجال مو بنت
فرح:  من جدك شكلي عطيتك رقم غلط سامحيني
هند : لا خلاص عادي
عند سارة ورغد
سارة:  اه عطري المفضل
رغد:  طيب خلاص اطلعي واشتريه
سيارة:  جاني هديه من صديقتي تقول جابه اخوها مدري ابوها
رغد:  خلاص هو إلا عطر يعني ماهو شي كبير
ساره:  والله اني حبيته
رغد ناضرتهها وبابتسامه:  منهو العطر ولا اخوها
ساره ناضرها بقرف:  وع ما بقى الا هو احبه
رغد : ويش دراك يمكن يحبك وهذي هديه منه
ساره ناضرتها بطرف عينها:  اقول اسكتي سمعت ان عموري تحت
رغد توترت:  اسكتي عكرتي مزاجي
سارة ضحكت وراحت للبنات
_______________________
مر اليوم واليوم يلي بعده واليوم يلي بعده  اتفقوا البنات انه رح يجتمعون كلهم  عند رغد كونه اخر يوم لها في بيت اهلها
جائوا البنات من الضهر وقضوها فعاليات الين الساعه ١٢ الليل
روان رن جوالها:  الحين حبيبي نازله دقايق
ناضروها البنات بقرف بعد ما سكرت وع الله يقرفك
روان:  ايه ادري مقهورين وناضرت خلود يقول مشاري يلا بتروحون
نور ناضرتهم:  واخيرا بينقلعون المتزوجات ويفضى الوقت لل..
قاطعتها خلود بضحكه : ويفضى الجو للعوانس يا حرام
ناضرتهم فرح:  اقول اسكتوا يا عجايز
روان أخذت بنتها من عبير : اقول جيبيها لا تنعدي منكم ويصير لسانها طويل
هدى:  خذيها يارب يصبر لسانها أطول من فرح
فرح : امين
وطلعت روان ووراها خلود
سارة وهي تتثاوب : بنات انا فيني نوم ما اقدر اواصل معاكم تراني من امس ما نمت
رغد:  نوم العوافي
سارة طلعت على سرير رغد تنام
سراب:  يا حبيبتي احنا وين ننام
رغد : ايه صح ما حسبنا حساب
عبير : طيب ما عندكم غرفه فاضيه
هند:  غرفه الضيوف
رغد:  لا تراها مقلوبه فوق تحت
عبير : طيب وين ننام غرفتك حدها  اربع ثلاث على السرير ووحده على الكنبه
سيناء باقتراح:  غرفة فهد 
جائت سراب محمله بيدها شيبسات وحركات:  شفيها غرفة فهد
رغد:  ايه صح
فرح:  انا ماني نايمه بغرفه فهد
سراب:  اقول شفيها غرفه فهد
رغد:  مافي مكان قلنا نامو بغرفه فهد
سراب:  لا مجنونه ما بنام فيها
نور : ولا انا
عبير : حتى انا ماني نايمه بغرفة فهد
هند:  جد يعني غرفه شباب ما بنرتاح فيها
سيناء:  بصراحة انا عن نفسي عادي مافي شي
ساره:  ممكن تسكتون خلوني انام
هند:  خلاص استنوا  راحت تجيب ورقه وقلم وقطعت الورقه ٨ قطع  وسجلت اسماهم  كلهم وراحت لعند رغد بعد ما خربطتهم اختاري ٤ بنات بينامون بغرفة فهد اختارت ٤ اوراق فتحتهم
اول ورقه كانت عبير
ثاني ورقه هدى ثالث ورقه سراب  رابع ورقه فرح
فرح بصوت عالي : اقسم بالله ماني راضيه لا ما بنام بغرفة فهد
سارة قامت معصبه:  ويش فيك انتي ما تخلين الواحد يرتاح صوتك واصل اخر الدنيا
فرح نقصت صوتها : انا ما ارضى انام بغرفه رجال والله ما انام الا هنا
سارة تبي تسكر الموضوع:  تهني فيها هو نفس السرير ما زايد او ناقص اي شي انا رايحه انام  وطلعت
هند:  حرام عليك زعلتيها
فرح طلعت وراها وقفتها قبل لا تدخل الغرفه:  سوسو
سارة:  خير
فرح بندم:  أمانه لا تزعلين مني خلاص روحي كملي نومتك وانا بنام هنا
سارة بحنيه اخت:  لا ما زعلت بس مقفله معاي وانتي ما بترتاحي هنا بس انا عادي اصلاً انا بنام وبعدين انتي حلفتي
فرح:  والله اسفه
سارة:  يلا انقلعي خليني انام... ودخلت الغرفة وسكرت الضو وحطت راسها على المخده كانت معلقه فيها ريحه فهد
ساره بنفسها : والله اني اشتقت له ابن عبدالعزيز
ونامت
___________________________
عند البنات قضوها لعب وصراخ ورقص وجنان  اللين ماقالوا امين وناموا كل وحده فوق الثانيه ونسوا سارة لحالها في غرفه فهد الساعه ٣ ونص
____________________
دخل البيت وكان هادي قرر انه يفاجئ رغد لاكن تراجع قال اكيد نايمه ما بخرب عليها نومتها
ودخل غرفته طلع له ملابس وما انتبه لسارة النايمه بأمان الله تحت الغطاء
دخل الحمام تروش طلع من الحمام أخذ عطره وعطرها  تعطر اول من  عطره وبعدين من عطرها رش عطرها بالغرفه لدرجه انه شوي بينكتم  ورش على مخدته وتمدد على السرير بينام تعبان سحب الغطاء وشويه الغطاء ينسحب ضن انه يتخيل وسحب الغطاء كامل
سارة قامت من النوم معصبه وكونهمافي ضوء:  عبير لو سمحتي روحي جيبي لك غطاء من اي مكان وسحبت الغطاء
فهد مصدوم  كل ما قرر يبعد تقرب ويش يسوي الحين
سارة شمت الريحه عطرها هو ما غيره قامت هزت فهد تضن انه عبير  وفهد مصنم مغطي نفسه بالكامل
سارة بنعاس:  عبير من وين العطر ذا وين لا قيتيه
فهد: ....
سارة قامت راحت لدرج التسريحه لاقت عطرها:  اقسم بالله انك كلبه انا ليا ٣ اسابيع ادوره وهو معاك بس بخليك نايمه الحين ويوريك الصباح 
ورجعت تمددت ثاني مره على السرير  ورجعت نامت مره ثانيه
فهد طار النوم من عينه  ماعاد يدري ويش يسوي
اما سارة ما تدري وين الله حاطها نايمه ومرتاحه شويه بتدخل بحضن فهد وفهد متوتر لأبعد الحدود والي زاد عليه يوم أنها بعدت الغطاء عنها وكانت لابسه بجامه لنص فخذها ماعاد يدري ويش يسوي
شكل البجامه