وصلنا للمرحله الثاني اني صرت ثاني هو صار ثالث كمنه نلعب سوه ونضحك سوه وكل يوم نفس الشي نسوي استمر هذا الشي للثالت ابتدائي هم وصلنه مرحلة الرابع وهو خامس صار مرض كارونه وصار الدوام أربعة أيام بس ومن دريت الرابع والخامس سوه كلش فرحت بس مادري ليش هيج فرحت مع انو چنه اصدقاء بس بس مادري ليش هيج فرحت المهم كمنه نلعب بهذني الايام وراها صار بس امتحانات نصف السنة وهاهيه كعدنه
بالبيت من بلش عام دراسي جديد إني خامس هوا سادس كمت اتعلق بيه هوايه وكلش وكما إذا ما تشوفه يوم اضوج كلش
صارت مشكله اني وياه ويه بنيه هاي البنيه وحده ابد ممؤدبه محترم ماعدها أخلاق اسمها جنات ،
جنات اجتني بيوم من الايام كلتلي هلو اكلج أنتي تعرفين واحد اسمه حسين فلان ماريد اذكر اسم الاب نكمل ،كتلها أي اعرفه صديقي شبيه كالت اريد انطيج شغله وانطيهياه بس عليج العباس لتفتحيها كتلها اوكي ماافتحها بس شنو بيها أنتِ منو شتريدين من حسين كالت بعدين اكلج كتلها اوكي ماافتحها
سئلتني أنتِ تندلين بيته كتله أي لأن هو ويايه بالخط ليش كالت اها عادي ادليني وين بيته كتلها لا مااكدر اكلج وين بيته اجوز هو ميقبل + إذا متحجن إنتِ منو روحي من يمي وهاج الورقه إنتِ روحي انطيهياه تمام عيني
كالت لا اوكي راح اكلج باعي هاي اكو وحده عساس اسمها حوراء تحب حسين وهي دزله رسائل و هدايه وهي تحبه وانطتني هاي الرساله علمود انطيهياه
كتلها أي وإني شعليه هذاك حسين روحي كوليلها كالت لا إنتِ كوليله تعرفيه إني ما اعرفه كتله اوكي انطيني الورقه فتحت الورقه وقريتها بيها حجي سخيف كلش مثلهم شكيت الورقه وكتلها باعي هذا الحجي معجبني وروحي كولي لهاي خلي تجي تحجي وياه واذا مو ويه حسين ويايه كالت لا وهي مداوم كتلها لعد شلون شافته وعرفته وحبته ؟!
كالتلي مادري كتلها عوفيها هسه أنتِ هسه صايره ساعي بريد بينها وبين حسين ترا حسين إني اعرفه ماعنده سوالف خايسه وعفتها
رحت حجيت ويه حسين وكتله كلشي وهيج وهيج حجت كالي عوفيها هذولي مراح يتوبون إني أعلمهم هوا حجه ويه المرشده التربوية مالتنه إلي بالمدرسة وكال الها كلشي حجيته
إني كمت احجي وياها كانت تحجيلي شي وتحجي ويه حسين شي ثاني حسين جان يكول للمرشده وجنت إني اكله كلشي دكلي
فه يوم من الايام ساعه 12 باليل طبت كالتلي هلو رهف أنتي ليش جذبين وتحجي هيج وإني وين مسويه هيج وإني الولد كلشي مااجيب سيرتج لا بالحلوه ولا بالمره تلفون جان يم امي وامي هي الي جاوبتها ورزلتها المهم اجتي ماما عليه كلتلي هاي شنو كتلها السالفه كلها وكتلها ست ولاء إلي هي المرشده التربوية مالتنه تعرف كلشي وكالت لدكولون لاي احد
فه ماما كملت حجي وياها وكالتها إني اعرف كلشي وليش جذبين وإني طكيت سكرين وراح اجي للمدرسة واراويه للمديره كالتلها لا خاله آسفه والله اهلي يبطلوني إني معليه حتى اسم الولد جنت مااعرفه وهي جذابه تعرف كلشي
كلت لماما راسلي حسين إذا تريد وكليله وهو راح يجاوبج راسلت حسين ماما وكلتله هاي منو وشتريد اول شي كلتله هلو خاله إني ام رهف وراها كالت هيج المهم
جاوبها حسين كالها هلو خاله ،خاله رهف معليها وهاي البنيه ممؤدبه وإني حجيت ويه ست ولاء وهي راح تعرف شسوي بيها هي بس خلي اداوم دزتله السكرينات وحسين دزهم لست ولاء وست ولاء كالت هاي السالفة خليها بيناتنه وراها كم يوم داومت جنات واول مداومت رحت كلت للمعاونه أو هي مداومه المعاونه تعرفني ، المعاونه اخذتها ورزلتها وانطتها ورقه فصل واستدعاء ولي الأمر رجعت تبجي ومن شافتني دفعتني فه جانت مدرسه الرياضه هم تعرفني موجوده رزلته ورجعت للمعاونه هم رزلتها وانفصلت جنات وخلصت سالفتها .
