بقلمي أفاطمَ الَ حسين
تسمعُون بالعجايَب السبعَ؟
" الثامنه والتاسعه والعاشره والحادي عشر والثانيه عشر والثالثه عشر شامتها ..
''''''''''''''''''''''''''''''''''''''''''''''''''''''''''''''''''''''''''''''''''
" بغداد ساعه 6 صباحاً "
-: كعدت من النوم هذا روتين وبهذا الوقت أكون لزم كاعدة رحت غسلت وجهي وفرجت اسناني ورحت متوجهه للمطبخ قبل لا يكعدون الاهل سويتلي ريوك وكعدت أكل واني أكل دخل اخوي اردف - : شعندج كاعدة ؟؟
-: كاعدة اتريك اصبلك
اردف-: تتريكين وبس ؟!
-: اي لعد شنو
-: أشو صايره لسان وتدرين بيه اكره هل اسلوب ولسان؟
-: شمسويه جاوبت على كد قبل لا احجي قاطعني
-: لوك لوك لوك من الصبح أدري شنو مسجل ولي مني احسلج
-: توجهت لغرفتي اي هذا المكان الوحيد أمان بل نسبة الي رحت رتبت الفراش شفت تلفوني اشتعل اشارة وصول مسجل رحت كضيته وشفته من عزيزة روحي هاي صديقتي اعرفه من الابتدائيه ولحد هسه وياها اول مفتحت الرساله چانت كاتبة
" صباحوو ياعيوني كومي يلاا "
كتبت الة " ههههه صباح النور عيوني "
شافته بسرعه وكتبت " راح اجيج "
باوعت علة الساعه7:19دقيقه يمة شبسرعه همزين كملت لبس
رحت لبست جواريبي سمعت الباب يندك
اردف -: أكيد هي
طلعت وشفته
أفيندر -: صباح الخير
ديانا -: صباح النور يلة تعاي المدرسه
أفيندر -: لج بعد وقت
ديانا -: اريد نروح من وقت شكو بيها !
أفيندر -: تمام اجيب الجنطة واجيج
رحت جبت الجنطة وطلعت
ديانا -: والله متحمسةة اشوف البنات
أفيندر -: ها شنو بدينه ترا من هسه اكلج اني اريد ادرس لا اصاحب ولا هاي
ديانا -: اهو عابت شبيج صايرة سجاجة من اول يوم
أفيندر-: مو سجاجة يا ديانا بس تعرفين الوضع ليش نفتح المواضيع ؟
ديانا-: اهو دخيلج فكي ياخه لا تفتحين ولا هاي خلينا من جو الاهل خلي نتونس
أفيندر-: دخلنه للمدرسه جانو هواي طالبات ومدرسات
نسيت اعرفكم اني وديانا صف خامس اعدادي
ديانا-: عزةة لج عزة باع هاي جاية مدرسة لو حفلة
أفيندر-: كافي ديانا شدخلنا هساً المديرة تحاسبة
ديانا-: والله يالله هو اني اذا احط مرطب ايد عبالك مسويه جريمة
أفيندر-: ضحكت عليه
ديانا-: شكد احپج من تضحكين احس مسويه انجاز
أفيندر -: تعرفين ماعرف ارد علة الكلام الحلو
ديانا-: اذا اني مادري لعد منو يدري
أفيندر-: ابتسمت
"" "" "" "" "" "" "" "" "" "" "" "" "" "" "" ""
"في مكان اخر"
كعدت الصبح من وقت وهذا لزم شرط من شروط اهلي واذا مكعدت راح يضربوني
رحت غسلت وجهي عسريع ورحت للمطبخ
اسوي الريوك
اجت امي
امي ( نرجس) -: سويلي ريوك عسريع ابوج راح يكعد ولا تتخرين
:- حاضر
اي دائما هيج اهلي يعاملوني كأنو خدامة حته المدرسه بطلت منه بسببهم يكولن مكانج البيت وتالي تتزوجين ومنهذا الحجي
رحت سويت الريوك وحطيته علة السفرة ورحت صحت امي طلعو هيه وابوي
-: الاب ( جهاد) وين ولدج ماكعدو؟
الام- : لا شنو مكعدو هياتهم لجج مسرة روحي لخوتج
مسرة-: اي صارر صعدت لاخواني عندي 2 اخوان (عساف - راسم)
عساف راسم كعدو ابوي يكول تعالو تريكو
عساف-: ومرضض دنعل حته ابو ابوج
مسرة-: اني شعلية هوه كال
عساف-: خوش ولي مني
نزلت جوه وكتلهم كعدو
راسم + عساف-: صباح الخير بوية
الاب-: صباح النور اكعدو تريكو وراكم شغل
عساف-: اي بوية صبيلي جاي مسرة
-: ماشي صبتلهم جاي كملو اكل وكامو رحت عزلت البيت ونضفت وامي كاعدة لا تشغل ولا شي اتنهدت شنسوي بعد اتعودت
"" "" "" "" "" "" "" "" "" "" "" "" "" "" "" ""
"أفيندر "
وزعونه على الصفوف واحلة شي اني وي ديانا كعدنه رحله الثانيه بطلب مني
شفت ديانا صافنه اردف -: شبيج ديانا؟
ديانا-: هها
أفيندر-: وين صافنه؟؟
ديانا-: باعي هذيج البنيه رحله الرابعه
أفيندر-: درت علة البنية گانت كاعدة وحده ولابسة نظارات
أفيندر-: شفته وشبية يعني؟
ديانا-: اكلج والله حبيته رايحه يمهه اصادقه
أفيندر-: ياا شبيج لصيرين لوكيه
-: يا لوكيه دروحي
