ماذاً عن نـيافَ -:
وأني
احببتَك حُب أنت تجهلهُ، مابال قلبَك لا يَعرف حُبي لهَ؟
( ود)
كعدت الصبح من النوم رحت غسلت وجهي وطلعت لبست ملابس المدرسة كضيت مبايلي تسأرعت دكات گلبي من شفت الخلفية سودة ؟ شلون صارت هيج معقولة خرب معقولة غيرتة ونسيت .. الف سوأل ابالي فتحت المبايل دخلت على الصور شفت ماكو شي رحت علوتساب ماكو وصلت للانستا شفت رسالة من شخص الي حضرتة !!! ياربي شدا يصير تعبت من التفكير كعدت ابجي وأردف بصدمة وأني ابجي
ود -: ياربي ش شنو هذا وشيريد مني بحياتي مصار هيج وياي مسحت دموعي ورحت عدلت حجابي وطلعت من الغرفة نزلت جوة شفت امي كاعدة
ود-: صباح الخير يمة
ام نـيافَ-: صباح النور بعد عمري تعاي اتريكي
ود-: لا يمة ماشتهي أتاخرت بلمدرسة اكل
طلعت قبل لا اسمع جوابهاا ليش أني الي نفس اكل ؟
الطريق كلة صافنة واني امشي سمعت هورن سيارة يدك باوعت وشفت ديانا واخوها
ديانا -: صباح الخير ود تعي انوصلج ويانة
ود-: صباح النور … لا أني اريد امشي
ذو ألفقار -: اصعدي
ود-: ميحتاج والله شكراً
ذو ألفقار -: كلمتي ما أثنيها !
ود-: صعدت ورة ومشينا أنتبهت علي لابس بطرون أسود و قميصَ أسود دائماً اشوفة لابس اسود مسوي شخصية والله يالله أنتبة علية اباوع يمة يا فشلة شبيج ود هسه يكول مشايفة وصلنا للمدرسة نزلت ديانا وردت انزل حسيت بي حجة
ذو ألفقار-: بهمس حته شكراً مدكول !
ود-: شكراً
ذو ألفقار -: عفواً يابة
نزلت دخلت للمدرسة ورحت لصف شفت ديانا واكفة أردف
ود-: ليش واكفة اكعدي
ديانا -: أفيندر مجاية !
ود-: يجوز هسه تجي
ديانا -: راح تصير بـ 8 وهيَ بعدهي ؟
ود-: يمعودة أنتظري
دك الجرس واجتي المدرسة وأفيندر مجاية
المدرسة-: بنات اليوم امتحان منية غايبة ؟
البنات -: ست أفيندر
المدرسة-: شعجب !
ديانا -: ست يجوز عندها ظرف
المدرسة -: وأن گان ظرفها تجي تاخذ أجازة !
ديانا -: ست ماعرف
امتحناَ وطلعت بساحة أشرب عصير أجتي ديانا واضح عليها القلق وضوجة أردفت
ديانا -: لج أفيندر مكالت اغيب ولا شي شكو هسه غايبة ؟
ود-: شنو السالفة ديانا اذكري الله يجوز نايمة شيلي الافكار السلبية من بالج فكري بشي زين تمام !
ديانا -: اكيد تمام
طلعنة للبيت شفت اخو ديانا جاي بسيارة صعدت ديانا ويا وأني رحت قبل لا ادور وجهي عاط ذو ألفقار أردف-: تعاييي وين
ود-: عفواً ؟
ذو ألفقار -: احم اقصد تعاي اوصلج بطريقي
ود-: لا ميحتاج شكراً ميصير روحة وجية
ديانا -: تعاي عادي
ود-: اخاف أسبب ازعاج
ذو ألفقار -: ازعاج شنو تعاي صعدي
ود-: تمام صعدت وياهم وطريق عينة علية أتوترت من نظراتة وهو حس أبتسم ورجع يكمل الطريق حرفياً ذو ألفقار شخص غريب جد من أكول غريب متصدكون شلون هذا أخو هاي البنية الطيفة لا والله ديانا بعد وفاة ابوها هم صارت غريبة الحمدالله وشكر وصلوني تشكرت منة حتة لا يحجي مالي خلكةة نزلت للبيت ودخلت صعدت الغرفتي بدلت ملابسي ورحت اصلي وبعدهي نمت صحيت باوعت على ساعة 4 العصر كضيت مبايلي ونصدمت من شفت كمية صور ومحادثات دخلت عليهم صوري وأني نايمة واني اكل وأني بملابس نوم نصدمت صدمة عمري چـان كاتب ( شرأيج بل صور تخيلي توصل لاخوانج ! امم صعبة خاصة اخوج الجبير سمعتة واخلاقةة وشغلة صعبات وخطيرأت تعاي بهذا العنون ساعة 12 بليل واذا كلتي لشخص تروحين بيها يا حلوتي)
بقيت لا اخذ ولا انطي منوو هذاا ياربي شنوو بليل شنوو انفضح والله العظيم مالي علاقة بي ولا اعرفة شسوي ياربي معقولة يريد فلوس ! شسوي هسه أكو لاخواني لاا وددد شبيجج واذا شافوج بهاي الصور تتوقعين يخلوج عايشة ! بجيت هواي وكلش هواي أني بورطة ومصيبة والمشكلة أني لا بيها ولا بعليها ممسوية شي بحياتي والله ! كتبت وأني ابجي وارجف
ود-: موافقة دزلي العنوان
وجـان هذا أسرع واغبى قرار ممكن اخذة ويدمر حياتي ...
