قعد ريان من النوم و جنبه فيصل على صوت تلفونه يرن و مسكه شاف الساعه 11 الظهر و عشانه يوم جمعه كان يبي يطولها بس اصف خربها عليه
ريان : هلا اصف وش فيك
اصف : تعال بيتي اليوم و جيب فيصل معك و لا تنسى ثموري
ريان : قول لي اجيب الأهل كلهم حتى الي بالسجن
اصف : لا لا هههه لا تطول العصر اللقاك
ريان : إيش عندك ؟
اصف : تجي و تعرف
سكره و حط ريان ايده على رأسه و لف حق فيصل يتأمل وجهه و يبتسم إلا فيصل يعانق ريان و هو نايم و يضحك عليه ريان يحاول يبعده بس فيصل يبتسم و عيونه مغمضه
ريان : اصحى ادري انك مب نايم
فيصل ضحك بخفه و فتح عيونه
تأمل ريان لبرهه
فيصل : صباح الخير
ريان : صباح النور اصف يبينا العصر
فيصل : شيبغى؟
ريان : ماعرف
تنهد فيصل و قام راح الحمام و لحقه ريان دخل معه
......
سكر اصف الخط على ريان و شاف سفيان نايم جنبه ركز بملامحه المختلفه عن اول مره شافها
كان وجهه اسمر و شعره معفس و مو نظيف و ملابسه قديمه و مليانه تراب
بس الحين ....
ابيض و بياضه واضح و شعره ناعم و كان جميل و مسالم و هو نايم
اصف صحى من شروده و راح الحمام يصحصح عشان يسوي فطور صح الوقت متأخره بس منو يهتم؟
خلص من الفطور و دخل عليه سفيان
اصف : توني كنت بصحيك تعال افطر معي
جلس سفيان على الطاوله و هو ميت من الجوع صارله فتره مب ماكل
سفيان : اه اصف انا مو متعود اكل على الطاوله
اصف : مو مشكله انزل الاكل عشانك
قام طلع له سفره و حطاها بالصاله و اخذ الاكل و ساعداه سفيان و بدوا ياكلون
سفيان : ماتقصر ياخوي
اصف : شدعوه عاد ماسويت الا الواجب .... ترا اخوياي بيجون البيت بالعصر
أنت تقرأ
الزمن مو زماني يا اصف
Actionالزمن مو زماني يا اصف ماعرف كيف جيت هنا أو متى بس احتاج مساعدتك ولا تردني --- مثليه ليزبيان عاميه باللهجه السعوديه الغلاف ليس ملكي !
