الكاتبه نـيـنـا 🖤
.
طلعنه نركض ونشوف ابن جوارينه يعيط ويبجي تعاركو ومدري شصار وأمه أخذته وطلعت جتي خالتي نجمه طايره
نجمه:يلااا مو عيببب هيج تسوون ب ولد العالم إسراء لا تنطيهم عين كافي عاد موتوني تره
إسراء:يلا همه جهال
خالي راهب تدخل وهدء الوضع وراحت خالتي و ولده لزكه ضلو وخالي راهب يكللهم بسيطه
خالتي دجله طبت هيه وامي وخالي وبيبي طبت تدردم وجدي ابو النسوان طالع علساس واصلا يكولون ب ايران وهوه احلف عليه ما عابر الفرع بايت يم ال استغفرالله
قسم راحت يم جدته وقاسم وفاطمه مدري وين وَلو وراحو واني وعلي ورهاب ضلينه نلعب دومنه مالت خالي راهب
...........
قسم :رحت كعدت يم حبوبتي نسولف وتحجي على رهنه لأن السان وتغلط على بيبي
بيبي:هاي اختج ما تكضينه وتكتلينه لو بس هيه تكتلج عليمن طالعه يبيبي هيج فقيره سوده بوجهي دومج مكتوله
قاسم:اي والله يبيبي
-ياع منين طلعت
-بيبي هسه جيت بس اكلج امي تكول لا تروح هناك يكتلونك روح بس يم اولاد خالتك
-ياع چا من تكلك هيج الطمه على حلكه
-لا بيبي لا أبويه ميقبل يكول عيب هاي امكم
-هجم بيت ابوك
-چا بيبي وانا ليش ماعندي اب؟
حطت شيلته على وجه وكامت تبجي حضنتها حته تسكت
-اسفه بيبي بعد ما احجي
-اكعدي خل اسولفلج على ابوج وصيحي علاوي واخوج واختج
كام قاسم بدالي صاح رهنه ورهاب
رهنه:ها ؟
اشرتله تكعد هيه ورهاب ضلو صافنين
انوب اجتي فطومه وعليوي
كعدو وهيه حجت
-بيبي كبرتو وصار لازم تعرفون ابوكم مو خوش آدمي عركجي ويسوي شغلات ما تسولف
رهاب:هوا هذا موضوعج ؟ عبالي عندج شي مهم
علي الاكبر:لو عافطه احسلج
دكت بيبي على صدره
رهاب:يوميه تعيدين هل موضوع طلعي أبويه من تفكيرج أبويه اذا جبتي اسمه على السانج اكصه
كامت تعيط وخربت غمته رهنه ورهاب غمه وعليوي كال انا هم اغمه غموه وطلعو كمنه نعيط اني وقاسم وفطومه ونبجي طبت خاله دجله وخالي راهب
شاله خالي راهب وطلع يركض هوا وامي وخاله دجله
صار كدامي قاسم وفاطمه كمنه ندك ونلطم
-قسم اخاف تموت؟
-فاطمه اسكتي راح يجيبون جنازته مووو؟؟؟
كمت الطم على كصتي وابجي فاطمه وقاسم كابلوني وبجو كمنه ندك ونلطم طبو الثلاثي المرح شافونه وشردو مدري وين
.................................................
عليوي:امشو نروح نكول الامي والمنطقة ماتت بيبي
طلعنه نركض اخر المنطقه كلنالهم وجوي يركضون حرفيا البيوت كلها كلناله وركضنه لبيت خالتي نجمه نكلله ضلت تدك وتلطم جتي تركض والمنطقه التمت وصرت حنينه حته ابن جوارينه يشوفني شلون الطم لأن عيونه خضر
كمت اعيط والبيت مالتنه كله يعيط عبالهم صدك ماتت وخوالي البقيه حنو واجو وجدي ابو النسوان جان مسافر ليران ومدري شبسرعه وصل طلع ك*واد يجذب بايت يم بيت ام حامد السحرت ام علي صديقه خاله دجله
التمو يلطمون وجدي سوه نفسه متخربط وعليوي داز ولد صغير تافل عليه وكاعد
جرني رهاب وجر عليوي
رهاب:واذا طلعت ام سبع ارواح عايشه شنسوي
رهنه:شلون ما اشوف راح ننكتل
عليوي:ما عليكم اني محضر شرده
رحنه كعدنه بصاله وعياط قاسم وفاطمه وقسم موتو نفسهم اختنكنه منكدر نضحك واحد نام ع ثاني طلعت دموعي والناس عبالهم ابجي على ام سبع ارواح الصدمه من دخلت جديتي وخالي راهب وامي وخاله دجله ضلو صافنين والنسوان صار مكامزهن ماله والي عبالهن روحه وجدي سوه نفسه متخربط حته جديتي ما تكتله
خالي راهب كبل باوع علينه
مثل الثور الهايج اجه يمشي سريع طفرنه من الباب الخارجي وخوالي ورانه يركضون صارت الطابوكه كدامي و وكعت وعلي ورهاب فوكايه لزمونه وما احجي على الكتله زوركونه خالي راهب لزمني وصفكني راشدي وشالني من جتفي ورهاب يصارع ويا خالي محمود وعليوي موتو شايله خالي محمد الخنيث
رجعوني للبيت ودونه ورا البيت ربطونه وعوفونه وعليوي نبح صوته سمعنه عياط امي وخالتي يدورن علينه وخالي راهب يكلله ماعليجن احنه كتلناهم هذوله الثلاثه لازم ما نجمعهم بمكان
محمد خالي:والله اني اكول نحطهم بسطح مالت اخواني
راهب:اي والله بس خل يروح هل شهر
جوي لكونه وشالونه بسياره وصلونه لخوالي حطوني بسطح خالي محمد
وعليوي بيت محمود ورهاب بيت خالي راهب بس خالي راهب قليل يجي هنا
بس بيت لزك بيت عليوي يأشرلي شلون افتح الحبل وفتحته وطفرت على عليوي ضابينه قوي هم فتحته ورحنه على رهاب فلينه الحبل وجان اكو باب مالت خالي راهب فتحناه وكمزنه من الباب وطلعنه نركض وصلنه لبيت شبه مهجور دخلناله واحنه عبالك مجاديه
طلع كدامي مره ورجال و ولد بكبر رهاب وبنيه بكد فاطمه بنت خاله نجمه
تلكونه وأبو الغيره عليوي جذب جذب ما اكو مثله
عليوي:والله ما اعرف منين ابدي بس احنه ايتام وكمنه نبيع كلينكس والعالم وحوش لزمونه كتلونه بس هل جم يوم خلونه يمكم واحنه نلكه كرتون لو اي شي المهم نعيش
ام سجى:يايمه صدك هيج انتو
رهاب:الحمدالله وهل تشوفين اختي كدامج اخاف عليه لايسووله شي وهل تشوفينه شلون خريسه ولا اله كلمه
ام سجى:بعيوني والله بعيوني سوده بوجهي شلون فقيره وخايفه
واني تحمست وطكيتها ب بجيه
علي:شوفي من الكشايه تبجي سوده بوجهي ياختي بيش نعيشج
ام سجى:يايمه كومي كومي فدوه لطولج....سجيوه يمه سجيوه تعالي أخذي هل بنوته الحلوه
جتي سجى تأشرلي لان تستحي من هذوله
والله صايرين زلم حته شوارب طاكتلهم بس تحط مساحه عليهن ينمسحن اربع شعرايات
طلعت وياه لغرفته انطتني دشداشه حلوه بس ادري من راح امشي بيه الزم و اوكع على وجهي واتفشل
طلعت من الغرفه وشفت ولد صدك يكولون عنه صاروخخخ صاروخ ما نتبهت وما احس غير التراب يناير واني نايمه ب الكاع ماردت اكوم وأشوف الشماته بوجه علي سويت نفسي ميته
اجوني يركضون غسلو وجهي وكعدت والولد يدري جذب كلشي مابيه حصر ضحكته بدفرات
كوموني حطوني ب الغرفه سدو عليه الباب وسجى انتبهت عليه حلوه حلوه شعرها لحد خصرها وتجنن عفيه بنيه تنكرط نضيفه بشكل
فجأة راجعت نفسي من جنت البس الدريس واطلع اركض ورا عليوي ويمكن من اكول ٧مرات بحياتي مباوعه بمرايه احس راح تجذبوني فزيت من صفنتي من جابت العصير والكيك
سجى:تفضلي حبيبتي
ما اعرف شرد كتله شكرٱ وكمت اكل بهدوء حته ما تنفجع لو هسه يشوفني علي شلون اكل يعفطلي اتوقع !!!
كملت اكل ع سريع وكمت من حسيت نفسي ضايجه
سجى:حسيتج ضايجه تعالي خ نفتر ب البستان
اخذتني واني مصدومه اول مره واحد يحسسني اني بنيه
ضلينه نفرفر والأجواء تجنن رجعنه كبل حطيت راسي ونمت ثاني يومم
سجى:كومي حبيبتي
كعدت ب الدفرات
سجى:صباح الخير
رهنه:صباح النور حبيبتي
يعني صراحه البنيه تنحط ب الكلب هلكد ما فطيره وبسرعه تدفر الكلب وتتربع تشرب جاي تجنن
وهم مر يوم كلش حلو ومغلسه على وضع خوالي
مرن ٣ايام وعلي ورهاب ونزار صارو روح بروح سوالف وضحك وسهرانين يسولفون ودائما نزار يطلع يجيب كومه حلويات ويكعدون يسولفون وينطونه حلويات نكعد نسولف حجتلي عن عائلته وهيه شلون جانت تدرس وبطلت
رهنه:زين شعجب بيتكم هيج برغم عدكم فلوس؟
سجى:أبويه مستعز بهل بيت لأن جدو جان عايش بي وكلش يحب هل بيت وابويه ميحب يغير ولا شي بحيث مخلينه على حطت جدو
-ها الله يرحمه
أخذته السوالف
طبعا ضلينه هناك٦ايام
يوم ٧العصر ...
فرشولنه ب الحديقه بنات وولد ورهاب كل ما اريد اشوف يميل حته مايطلع وجهي وسجى فد مستحيه كلساع رايحه ورا اخوها بحيث حته اني ما شفتها بس كضينها سوالف وضحك
نزار:دمشو خل نفرفر بره
كمنه بدلنه بس ما اعرف الف الحجاب جرتني سجى لبستني حجاب وطلع يخبل عليه تندمت لأن ما لبست حجاب من زمان وخصه هل ٧ايام كاضتني سجى تعلم بيه و وعيت انو اني خطأ من ساسي الراسي وعلمتني هواي قصص عن الأنبياء والائمه
نرجع ....
طلعنه بشارع بعد ما أخذنه إذن من أمه وأبوه فرفرنه نص المنطقى شويه وشفت خالي راهب من بعيد لازم رأسه
فتحت عيوني بصدمه ورحت ركض على علي ورهاب كلتلهم وسحبوني ورا المحل يمه كلبي كام يدك حيل سمعته صوت خالي يمشي بتجاه سجى ونزار وهمه جانو مستغربين
اشرتله بمعنى لاتكولين اني هنا
راهب:سلام عليكم
نزار: عليكم السلام تفضل
راهب:ماشفتو بنيه و اثنين ولد واحد اسمه رهاب واحد اسمه علي الاكبر وبنيه اسمه رهنه
نزار:ابد اول مرا اسمع بيهم
راح خالي وسمعنه عياط امي وهيه تهين بي وتعيط وتصيح
اجه نزار يمشي سريع
نزار:منو هذوله ليش يسئلون عنكم
راهب:امشي نروح لبيتكم وافهمك
عبرونه من البستان بحيث ورا البيت
طبينه كلنه الغرفه سجى
رهاب:باوع ادري غلطنه بس والله ماعدنه حل ثاني .......... كاله الموضوع ونزار فاتح عيونه وسجى نفس الحاله مصدومين
نزار:صدك تحجون يمعودين هذوله اهلكم
رهاب:اي خالي ادري هوا كلت اسويلهم جره إذن وارجع وهسه طالعين اشكركم كلش هواي وماقصرتو ويانه
تباوسو
نزار:جا انطيني عنوانك
رهاب:بمنطقه***** بيت شيخ*****
تباوسو والتفت على سجى حضنته والولد طلعو بدلت ولبست شال منها
رهنه:حبابه عود من يجي نزار تعالي ويا
طلعت شفت أبوه وأمه احن الأشخاص شفتهم بحياتي بست ايد امها و وصيته انو تجي ويا نزار وسلمت من بعيد على ابوها جانو مستغربين من طلعتنه بس كلنالهم انو چنه ضايعين وما نعرف اهلنه هسه عرفونه وعرفناهم
طلعت من البيت واني ابجي على سجى رحت لبيت خالي راهب ولكينه خوالي كلها ملتمه وتبجي
رهاب:شلون الغوالي
كمزو كلهم واجوي حضنونه يبجون وقسم ما شايفه بجي موتت روحها هدئناهم وخالي راهب يباوعلي بنضرات ردت انتحر
رحنه بسنه أيده وضل عيونه عليه
راهب:احلف ب الكعبه وب الحسين انتي شردتيهم
رهنه:اي والله اني
راهب:عليمن طالعهه؟قرج
قسم:خالو شوف شوف لابسه شال الضاهر تربات الشوارع فادت بيج
رهنه:ها الخوينسه طلعلج السان ترا چنه يم بيت""""""
وحجيتلهم السالفه
وخالي ما قصر ضرب علي وضرب رهاب ودار عليه
راهب:والله فلا اضربج اني اعرف شسوي بيج
ضليت خانسه لا اخذلي كفخه
أخذو رهاب بسياره ويا امي وقسم وخالي محمود
واني ويا خالي راهب وصديقه لخالي راهب هم موجود لابس ملابس عسكريه
وعليوي حصرو ويا خاله نجمه وخالي محمد شبعو تكفخ واني كاعده ليوره كل ما تجي سياره رهاب أو علي اموت ضحك لن شكلهم يضحك
جتي سيارت عليوي صارت بصفي انكفخ ومتت ضحك طلعت راسي من الجامه
رنه:ها عليوي ابو راسسسسس
حسيت كفخه جتي يمي وراسي الطخ ب الجامه وعليوي صوت ضحكته واصله ليمي رجعت راسي وخالي صعد الجامه وهاذه صديقه كافخني
رهنه:هيوووو من كالك تضربني فد نعا...بعدني ما مكمله وخالي راهب عاط بيه وهاذه الجلب الي ويا التفت كفخني علي حلكي جريت أيده وعضيته بكل ماعندي قوه حسيت طعم دم بحلكي وهوا يصرخ رجعتله أيده مزوركه
التفت خالي ضربني راشدي فر راسي فر
واني منا روحي طالعه كبل فتحت الباب وسياره تمشي سريع شمرت نفسي وكعت بشارع بس اشوف دم ينزل مني وصوت خوالي وامي تعيط ورهاب وعليوي وقسم يعيطون
بعد ما حسيت بشي
.
.
.
.
.
.
.
قسم:بعد ما لكينه الثلاثي المرح موتوهم كتل بس ماضربو رهنه ضاميله مضمومه ب الباكيت رجعنه بسيارات امي تحجي على رهاب ومانحس غير خالي راهب طار وامي كامت تصرخ تكول امشي سريع ولحضه صمت وكعت رهنه اختي السيارات خففن
وعليوي و ارهاب نزلو من الجامه قبلنه راحو لرهنه لا ايد لا رجل بس النفس وكوه تشهكه
كلها التمت زلم نسوان اخذناه بسياره خالي راهب وامي واني وعليوي ورهاب وصديق خالي ويانه للمستشفى من وصلنا واخذوه ورا ساعه أكثر الدكتور اجه
دكتور: للأسف الضربه جايه على راسه وفاقده دم هواي و دخلت بغيبوبه والله واعلم شكد طول
امي كامت تدك وتلطم وما راح اوصف رهاب وعلي شسوو ...رجعوني للبيت بدفرات ومن كللتلهم انصدمو كابلوني يهدون بيه واني ميته بجي
..بعد مرور شهر
-امي تجي تسبح وتبدل وتروح رهاب وعلي مأجرين شقه قريبه ع المستشفى ودازين امي اخذتلهم ملابس وراحت وبالكوه اروح للمستشفى ميخلوني وهاي حالتنه من بعد فقود رهنه ..البيت متكهرب محد طايق نفسه وفطومه وقاسم يباتون يمي
.
.
.
.
.
علي الاكبر:بعد ما رهنه دخلت مستشفى واني ماشفت البيت أجرنه شقه وكعدنه وللأسف هواي طولت بهاي الفتره تأكدت من شي جنت خايف منه هواي
حبيت رهنه
جنت دائما ابعد هل شي واكول لا هيه معتبرتني اخ اله مو مال افكر بهل شي
بس گلبي عشكه
ضعفت بهل فتره حيل ضعفت صار كل يومي ب المستشفى امي شكد دز عليه ما اروح ولا اوصل مكابل غرفه رهنه وكاعد رهاب اخويه تمرض فدنوب وضعف حيل لا اكل ياكل ب الكوه مي يدخل بمعدته وجه شاحب
نزار بكل يوم يمنه ابد ما عافنه خطيه
مرت ٤اشهور اسم من السم
الحياة بلا طعم
المدرسه غبت عنه وخصه اني هل سنه خامس علمي ورهاب ثالث ومغلسين على المدرسه هواي لحو علينه ندرس بس رفضنه رفض قاطع تالي سكتو شافو ماكو نتيجه خلو وعافونه
قسم من اخابرهم عليه يكولون تدرس وهل سنه خطيه هم. ثالث نفس رهنه بس الفرق هذيج تقره وتاكل الكتاب هاي مخليته على أقره الفاتحه لوجه الله وام البنين وغش وهل كلاوات لو من ينطون الاسئله لقسم تضمه يمه تاخذهن تقره شويه بيهن وترجعهن وتجاوب نص الاسئله حته محد يشك بيه
(بعد مرور٦اشهر )
صحت رهنه ناسيتنه بس المهم صحت والفرحه لا توصف الكل اجتمعو وهيه صافنه بوجهم ماتعرفهم ولا تذكر ولا شي
تسريع احداث:
قسم:طلعناه من المستشفى ورجعنه للبيت وذبحو طلي جوا رجله وراحت كبل نامت
وهم ماتذكر صح انقهرنه بس اهم شيء صحت
طولت هواييي ما اذكر شكد
بيوم دخلت للحمام داخت وكعت وديناه ورجعت تذكرت وهل سوالف ورجعت اتذكرتنه واحد واحد
.
.
.
.
.
.
.
رهنه:انجبيت ورجعت تذكرت وكعدو كبالي فرحانين رهاب من الفرحه كلساع بايسني
وتعرفون من الفرح بعد مندري شنسوي
علاوي كلساع ماخذله صفنه
رهنه:ها عليوي شني ماكل لحم ابو صابر ليش هلكد تتصفن
ضحكو وعليوي ضل يباوع ويبتسم حسيت نفسي بنيه ملبسيني فستان وردي ومكياج ومدري شنو وقسم طالعه عينها. الادبسزز كبرانه وتحط مكياج ولابسه شال وهل سوالف حسيت صرت مره من صدك
يلا المهم
كامو يحترموني واني مؤدبه ماعليه بأحد ولا العب طوبه ولا اطلع منا ومنا وبيبي صارت حنينه بعد عيني كلساع مسويه اكله وصايحتلي مو بيده حنينه المهم عشت براحه واهم شيء صرت مرا البس دشداشه وما اوكع بيها بس ما اطيق الشال عكس قسم شويه وتلبس نقاب
يلا باي كافي نعست مابيه انطي احداث عود باجر
.
.
.
.
.
.
.
.
.
.اني هم راح اكللكم باي وهل خبله نعست فدنوب قفلت ماتنطي احداث
في امان الله وحفظه ورعايته ❤️
الكاتبه نـيـنـا 🖤
