الحياة وما ورائها

البارت 2

رواية الحياة وما ورائها

بقلمي {بنين الزبيدي }

انستا 2ojjji

متابعة للحساب لطفآ
««««««««««««««««««««««««««««««

نجمة ~ نفس الشخص الي رحتلة للصيدلية وصفن بوجهي هوة الي خطبني يباوعلي ويبتسم ابتسامة خفيفة صفنت علية الملابس مرتبة والسبحة بأيده العطر مالتة الي الهوة يضرب عليه واشمة هوة هاذة الي جنت راسمته بخيالي

نزلت عيني ستحيت ابوي موجود وهشام كبالي
شوي وحجة بصوت كلش هادئ شلونج كوة طلعت الكلمة زينة اني
احمد ~  انشاء الله دومج زينة نجمة ياصف وتركتي
نجمة ~ ثالث متوسط وتركت
مااكدر اشيل راسي اهلي يمي ومستحية هواي ماطولنة بلكلام هواي مرت نص ساعة وراحو
طلعت برة بلساحة اخذت نفس حيل واخيرآ الحلم صار حقيقة الشخص الي جان بخيالي دائمن بس مجهول هسة شفته وعرفته دخلت جوة امي وابوي واخواني يسولفون وحدهم ريم والماسة فرحانات وكل شوي يكللي شفته حجيت وياه ،

بعد ما تمت الموافقة من الطرفين وحاضري وغايبي كان 10 ب 15 وبعد مرور أسبوع حددنة موعد الخطبة

اجة يوم الخطبة لبست فستان يجنن والمكياج هواي حلو وكل شوي اصفن بوجهي رجعت من الصالون اني وامي وخالتي ام شهاب هنة الي محضرات كلشي دخلت للبيت وهلهلت امي وباستني هية وخالتي كعدت الماسة وريم ومياسين الفرحة بعيونهن وكاعدات يمي

بدت الاقارب توصل والاغاني شتغلت هواي فرحانة وبس مبتسمة مرت ساعة وكالو أجوي
دخلو وبدت الهلال والهوسات والاغاني والركص وام احمد واخته فرح اول مرة اشوفه جانت كلش حلوة باركلي شوي وكالو الشيخ راح يدخل

اجتي امي لبستني مثل الفستان بس عريض ابيض وشال ابيض غطيت شعري اجة احمد كعد بصفي وجان لابس رسمي وكعد الشيخ كبالنة وبدة ب العقد زوجتك علئ مهر قدره 10 ب 15 شوي وسمت صوت

لحضة لحضة من رخصتك شيخنة
ام احمد ~ بس أنتو كتولي الحاضر 15 والغايب 10

نجمة ~ صفنت وكلبي كام يدك اهلي اتفقو وياهة ليش هسة تكول لا

ام احمد ~ اني حجيت لكرايبي ولعمامي 15 ب 10 يعني اطلع كدامهم جذابة

نجمة ~ اباوع علئ احمد مرتبك ويريد يسكت امه بهاي الحظة خفت اصير مشكلة

الشيخ ~ ياجماعة الخير اني احله يابة صيحولنة ابو هشام مااريد يصير فد عارض راح نخلي 10 ب 10

نجمة ~ الشيخ حجة وية ابوي ونحلت المشكلة وكمل العقد واول ما طلع الشيخ نزعت الفستان الي جنت لابسته الابيض ونزعت الشال

يبسملي احمد وكال مبروك علينة وباسني بكصتي واني مبتسمة وبنفس الوقت حابة نضراتة وهوة يباوع عليه ريم والماسة ومياسين يصورن بينة وفرحانات وتمت الخطوبة علئ خير رغم الموقف الي خلاني اخاف من شي بس حاولت ابتعد عن الافكار المو زينة وابقة فرحانة وبس

هشام وهمام أجو باركولي وكلشي تم علئ خير مسحت وجهي من المكياج راحو الاقارب كلهم
نضفت البيت والبنات وياي سبحت وصليت وشكرت الله هواي علئ الفرحة الي رزقني بيهة

مرتت أيام عادي وروتين عادي
ألئ ان اجة يوم اجت ام احمد شافتني وسلمت علية هية واخت احمد فرح وجابتلي هدية وكالت احمد باجر يجيج

ضليت اجهز رحت اشتريت ملابس حلوة وعطور وهواي مهتمة ان تكون ملابسي مستورة بلقائنة صح عقدنة بس بعدنة ما متزوجين

ام هشام ~ يمة شوفي كلامة وتفاهمة لان هية مو سنة ومو سنتين هاذة عمر والله يبارك بزواجكم

نجمة ~ حاضر يمة بس انتي فتحي الباب استحي اني

ام هشام ~ اي يمة اني افتحة

نجمة ~ شوي واجة كعد يم اهلي بلستقبال واني افتر ومرتبكة ومتوترة شوي واجة ابوي يلة بابا روحي سلمي علئ خطيبج

نجمة ~ لا بابة مااكدر

أبو هشام ~ بابا اسمعيني لا تتوترين هاي الفترة لازم تتعرفون وتسولفون تتفقون شلون حتكملن حياتكم الثانية وهية هاي سنة الحياة روحي وسلمي عليه

نجمة ~ بعد ماسمعت كلام بابا كلت لازم اعوف التوتر وادخل اسلم دخلت وحجيت السلام عليكم
رد وعليكم السلام ابتسم وسالمني بايدي بس
وكعدنة ضل بس صافن بوجهي وضل يسوف وياي هواي بخصوص البيت العائلة والاحترام والتعامل شلون حيكون بيناتنة وضل يسائلي علئ تعاملي وية أهلي وجهلي سوأل

احمد ~ انتي صلين
نجمة ~ الحمد الله اصلي واصوم وانتة ?
احمد ~ اني هم اصلي واصوم

نجمة ~ جان صوتة عبارة عن حنية وأمان ومن يسولف وياي مثل الاب الي يحجي وية طفلتة
جان لقائنة حلو نطاني مصرف مقبلت ابد مو من حقي أخذ بعدنة ممتزوجين

┉┉┉┉┉┉┉┉┉

نجمة ~ ومرت أيام ودائمن ام احمد تجي وتطمن علية وسولف وية امي وياي

وبيوم كاعدة ندكت الباب فتحت دخل احمد سلم ودخل جنط هواي طببوهن كدامي ب الاستقبال ودخلت ام احمد سلمت وكعدت وبدت طلع قطعة قطعة وشوفنة امي صافنة علية واني صافنة عليه
وحجت

يتبع .........