ونتهادى ورود الحب

1

لاتجعل القراءة تلهيك عن صلاتك

السلام عليكم قبل مانبدا حابه اقول لكم شغلتين
اول شي أي احد ياخذ الروايه وينشرها في حسابه ماني مسامحته
اما الي ياخذ جزء منها (تيك) عادي بالعكس يساعدني
الشغله الثانيه اتمنى ان الروايه ما تلهيكم عن اهلكم اول عن طاعتكم ❤️ ويلا نبدا روايتي الاوله
.............................
ام تركي: يلا ياخلود بروح الديره
خلود: طيب قمت يمه قامت خلود وهي مبسوطه. يس بروح الديره وراحت تجهز شنطتها وخلصت ودخلت تاخذ شور وطلعت بعد ساعه قطنه ناعمه لبست بجامه حرير لونها وردي وحطت كريمات وزي كذا وحطت ميكب خفيف ومشطت شعرها الاسود زي سواد اليل وطلعت من غرفتها والبيت مقلوب فوق تحت. وتركي يصرخ : وين ثوبي
ام تركي ترد بصوت عالي : في الغساله
تركي: طيب وش ألبس
ترد عليه خلود: ألبس أي شي وفكنا ترا رايح خط سفر مو رايح بليفارد
ام تركي: ألبس أي شي
تركي: مابي الا هو
ام تركي: بكيفك وانتي يا خلود روحي وسوي القهوة وجهزي التمر عشان لا آذان نفطر
خلود: ما اعرف اسوي قهوه
ام تركي: انتي شتعرفين تسوين يا الرفله لاتزوجتي كيف بتطبخين
خلود: عادي بخليه يجيب لي شغاله
تطلع سهام على صراخهم : خلاص انا الي بسوي القهوه
ام تركي: طيب اجل انتي ياخلود ودي الشناط لبوتس
خلود: من عيوني وارحت خلود وعطت ابوها الشناط عشان يحطهم بسياره وهي ركبت وبعدين ركبت ام تركي و سهام وبعدهم تركي
ابو تركي لف كان يبغى يقول ما نسيتوا شي انصدم لما شاف خلود لابسه عبايه سماويه ابو تركي بحده: خلود وش هذا!! خلود وهي منصدمه من ردت فعل ابوها لانه اول مره يكلمها بحده اردفت وش فيه يبه ابو تركي : وش الي لابسته
خلود: وش لابسه عبايه
ابو تركي وهو معصب تكلم بحده : انزلي وغيري العبايه والبسي عبايه سوداء
خلود: ليه يبه مابي
ابو تركي بنفس النبره : كلامي ما ينعاد انزلي غيريها
نزلت خلود وهي تتحلطم والدمعه متحجره بعيونها ولبست العبايه ورجعت وحركوا
...................
في الديره تحديدا بيت الجد ناصر (ابو عبد العزيز)
يجهزون عشان يستقبلون اهل سيف
ابو عبد العزيز : يازايد روح واستقبل عمك
زايد : ابشر وطلع. يستقبلهم
عند الحريم الجده نوره (ام عبد العزيز)
ام عبد العزيز : يلا يا ضحى روحي جهزي الدلال والقدوع
ضحى : حاضر يا جده
ام عبد العزيز: كفو بنيتي
ام زايد : يا غاليه روحي بخري البيت
غاليه : ابشري
خلصو وراحت ضحى تاخذ شور وطلعت ولبست فستان ناعم لونه سماوي تحت الركبه بشوي ومشطت شعرها وخلته منسدل وحطت ميكب خفيف اما غاليه لبست توب لونه وردي وبنطلون لون ابيض ورفعت شعرها وخلته ذيل حصان وطلعوا عند امهم وجدتهم ينتضرواً اهل سيف
عند زايد شاف سياره عمه تولع نور زايد وهو يعلي صوته عشان يسمعونه ارحب ياعم توها تنور الديره ابو تركي: منوره بهلها يا زايد يلا انزلو
ام تركي: يلا يابنات نزلو ودخلو عند الحريم
ضحى: شوفي يا غاليه عليهم جمال يقولون للقمر قوم هاذا مكانى
غاليه : اي والله وخصيصن وتاشر على خلود
ضحى: اي والله
ام زايد: قومو سلمو
ام عبد العزيز: ياهلا تو مانورت الديره
ام تركي: منورها بهلها ياخالتي سلمو وقعدو قامت ضحى تاشر لهم بمعنى تعالو
خلود: ياشرون لنا نروح ؟
سهام : قدام ما ورانا شي قامو وراحو لهم
ضحى: انتوا بنات عمي سيف ؟
خلود: يب
ضحى: احس اني اتذكر اساميكم اشرت على خلود وقالت انتي سهام واشرت على سهام وقالت انتي خلود. ضحكوا وقالو العكس قطع سوليفهم زايد : ياضحى جات ضحى: لبيه زايد: جدي يقول تعالو كلكم للحوش ضحى: ابشر راحت للحريم وقالت لهم قامو الحريم والبنات لبسو عبايتهم وراحو بستثناء خلود الي كانت بالمطبخ تشرب مويه خلصت لبست عبيتها ونزلت الحوش جلسو يسالفون بعدين قال ابو عبد العزيز : يلا قومو  ارقدو  الوقت  تاخر كلهم بستثناء. العيال و البنات بعد مده قالت خلود بصوتها الهادي: وش نسوي قال زايد: نلعب صراحه جرائه كلهم بصوت واحد تم
زايد: قومي ياضحى جيبي العلبه
ضحى: ابشر وجابت العلبه ورجعت لفو العلبه وجت على سهم و تركي
سهم: صراحه ولا جرائه تركي: صراحه سهم: قد بعمرك حبيت تركي : اي بس علاقه فاشله سهم: من هي تركي: انت سالتني بعمري حبيت وجوبتك ماقلت من هي سهام طيرت عيونها اعقب كل الي ب الجلسه ضحكوا عليها قام زايد: يلا الوقت تاخر لو قام جدي وشافنا بيلعن خيرنا ... انتهى ان شاء الله عجبكم البارت ماحبيت اطول عليكم اكثر من كذا. انتضروني بالبارت القادم الاحداث الجايه بتكون حريقه بس حبيت. اعرفكم على الشخصيات لا تنسون النجمه يا نجماتي ⭐