ونتهادى ورود الحب

7

خلود :هدي هدي حقي
البنات وهم يصرخون:اوهه من قده
خلود: وجع انتي ويها امشو جوا
دخلو البنات جوا ينتظرون دور ضحى
خلود وهي تضحك:ياربي شوفو وجه ضحى كانها طماطه وراتس خايفه
ضحى وهي ماسكه بطنها: مدري مدري
سهام:يحظ تروك بس
///////////////////////////////
عند زايد وهو مو قادر يتمالك ابتسامته الي شاقه وجهه
دخلو العيال
تركي وهو يضحك:بلاه شوف وجه زايد اول مرا اشوفه يبتسم كذا
سهم:اي والله لو احد شافه بيقول مجنون
رد زايد بهمس:اي والله اني صرت مجنون فيها
تركي:امشو رحنا لرجال لا يجي جدي يفلم فينا
/////////////////////////////
عند رجال
ابو زايد:قم ياسهم خل اختك تروح المجلس
سهم: على خشمي
راح سهم ينادي ضحى
////////////////////////////////
عند الحريم
ام ادهم:مبروك يا ام تركي
ام تركي:الله يبارتس فيتس عقبال لين وبشرى ورود و ادهم ان شاء الله
ام ادهم:ان شاء الله يارب ونفرح فيهم
ام عبدالعزيز: وين البنات ماجن
ام زايد: بروح اناديهم
قامت ام زايد وسمعت سهم يانادي ضحى
ام زايد:تعال تعال ياسهم
جاء سهم وباس راس امه:يمه خلي ضحى تجي المجلس عشان تركي
ام زايد وعيونها تدمع:ان شاء الله
سهم:افا نبع الحنان تصيح مين مزعلتس
ام زايد: تزوج بكري وتزوجت ونيست البيت
سهم وهو قالب وجهه:بكرتس مشينها اما تقولين ضحى ونيست البيت لا انا وين رحت
ام زايد وهي تمسح دموعها وتضحك:فيك الخير ياعين امك
سهم وهو مصغر عيونه : علينا يمه تسلكين لي
ام زايد:هو والله ما اسلك لك اقول يلا انقلع
سهم:اما تطرديني لا لا كذا كثير انا زعلت
طلع سهم وراحت ام زايد تنادي ضحى
/////////////////////////
عند البنات
دخلت ام زايد
ام زايد: علامتس يضحى وجهتس مقلوب
خلود:ماعليه ياعمه عشانها خايفه
عقد وهي تضرب كتف ضحى:حاتروحي ولا اروح انا
نطت ضحى:تخسين والله لروح انا
عقد وهي تضحك:ايوه كدا ادب يلا روحي لسعيد الحظ
قامت ضحى وباست راس امها رجعت ام زايد تصيح ودخلت عليهم ام تركي
ام تركي:يويلي وراكم تصيحون
بشرى:شوفي لهم حل ياخاله طول اليوم صياح نبي نبسط
ام تركي وهي تضحك:ماعليه يا فاطمه ترا ماهي اخر بنت تنخطب لا تزيدين خوف البنت
خلود:ها شوفوني قدامكم ماصحت ولا امي صاحت ولا دلع
غاليه:وانتي صادقه يلا بلا دراما خلوها تروح لا تتاخر على رجال
ام تركي في نفسها والله ان قلبي يحترق على بنتي انا ادري انها مو راضيه
سهام:وراتس يمه تهوجسين
ام تركي:يويلي وش اهوجس
ضحكو البنات وقالت
لين:يعني تفكرين
ام تركي:والله ان عليكم كلام ماينفهم
طلعت ام زايد رايحه للحرايم وراحو البنات عند باب المجلس يشوفون ضحى
///////////////////////////////////////
عند الرجال
ابو تركي:الا بسال نادر وين ماشفته
ابو زايد:راح البيت يقول نسى شي من اغراض عياله
ابو عبدالعزيز: اسمعو ترا العيد ان شاء الله في المزرعه
ابو زايد: شورك وهدايت الله
قام تركي ومعه سهم و زايد ودخلو المجلس
تركي:يلا انت وياه انقلعو برا باخذ راحتي
زايد:اعقب ربي عطاك ٣دقايق ان طولت ثانيه علي بالحرام ان ادخل عطيتك علمك
تركي:اقول تقلع يلا
طلع زايد وسهم وراحو عند رجال
وتركي دخل المجلس إلي كان فيه زايد وخلود
عند ضحى كانوا البنات يجددون عطرها و روجها وبطلعت الروح دخلت ضحى
المجلس
/////////////////////////////////
دخلت ضحى من غير نفس تركي او ما شافها عيونه علقت ولا قدر يتكمل لا تلمونه ولد المدينه قلبه رهيف
ضحى:سلام عليكم
تركي وهو ماشال عيونه عليها:وعليكم السلام راحت ضحى قعدت قدام تركي وكان صمت ولا احد تكلم تركي: انشهد بالله انتس موتاً حمر كانت ضحى مستحيه تتمنى الارض تنشق وتبلعها اما تركي ضاعت علومه من حيى ضحى ولا هو عارف وش يقول كانوا قاعدين يتآملون بعض وكل واحد تدور بباله افكار وقطعها زايد وهو يقول: طولت يا الحبيب صارت اربع قم تقلع تركي: ياشيخ سقها دخل زايد يسحب تركي بمزح وقال: تطلع ولا اشيلك تركي: أهانه قدام زوجتي اطلع احسن لي وكانت ضحى ميته ضحك طلعوا تركي و زايد دخلو البنات وهم يصفقون ودخلت وراهم خلود وهي ترقص و في يدها سماعه كبيره
راحت لين تركض تطفي الانوار لين : بنات مين تعرف ترقص مصري خلود : انا بس ابي وحده معاي بشرى: انا معك خلود اسمعوا جبت حقي بغير لبسي ذا والبس المصري واجيكم راحت خلود ولبست دخلت على البنات وعطت بشرى وقالت لها البسيه وتعالي بشرى: احس استحيت مابي البسه خلود: يابنتي شوفيني لابسه العن منك حقك استر شوي روحي غيري وتعالي وافقت بشرى وراحت تلبس لبست بشرى وولعوا الاغينه
اللي باعني برحتو كان بتاع مصلحتوا
اللي باعني برحتو كان بتاع مصلحتو
عالم اوباش هبيعكم كاش واللي جرحني
جرحتو عيال ولاد لئيمه عملت لهم قيمه
كان البنات يصارخون ويرمون مناديل على اساس انه فلوس وورد تطالعهم هي وشلته بكره وحقد جت خلود ومسكت يد ورود وجلست تغني
عملت لهم قيمه قدرت ناس ملهاش اساس البعد عنها غيمه عم المجال كلو خلصت الاغينه وخلود وبشرى جلسوا لين: خير جلستوا باقي بنحط اغاني ونبغاكم ترقصون خلود: يلا ولعوا البنات وكانوا يصارخون ويرمون مناديل زي المره الاول وخلود مسكت يد عقد وضحى
بكرا الايام تبين
من قاسي ومن حانين
وساعتها تعرفوني
لما الايام تبين
لما الايامممم تبينننننن والبنات يصارخون وسهام تنط وعقد تصفر وضحى تقعد على ركبتها وترمي مناديل على بشرى وخلود وغاليه ترقص مع بشرى وقف كل شي على دخل الجده نوره