هلو بتوتاتي .. نبدي وياكم بقصة جديدة ومختلفة
انشاللة تعجبكم ..لاتنسون التصويت علمود استمر بالقصة..قرائة ممتعة...🥰
......................................
نسولف بيك لآخر لحضة باليل
وترد من الصبح تشغل فكرنة
.....................................
في محافضة من محافظات العراق وتحديدا في وسط بغداد هناك يوجد بيت جميل وبسيط وعائلة كبيرة متوسطة الحال جميلة في مواقفها لا كن حدث شي لم يكن بالحسبان وتدمرت العائلة وتلاشت صوت الضحكات من هذة البيت....لماذا هكذا حدث؟ وماذا سيحدث؟ كلها تساؤلات سوف نعرفها مع الأحداث القادمة..
...............................................
اني رنيم عمري ١٨ سنة ادرس اعدادية خامس علمي عندي ٣ اخوان ٦ اخوات عائلتي حلوة وجبيرة اخوي الجبير علي والثاني موهيمن والوسط طبعا هذة اغلب العائلة تخاف منة ذياب المخوف الكل مو بس اهلي كلهة تهابة عصبي بشكل بس كلبة طيب واخواتي طيبة وزهراء وعلياء ونورهان وفاطمة ونصفي الثاني
رندة اكثر وحدة عصبية بين العائلة كلهة..راح تتعرفون على كل واحد بيهم
.....................................
رنيم..كاعدة وافكرة بيني وبين روحي وطاكتهة صفنة ابو صابر ما اهيس غير خطوات وراي رفعت راسي بتسمت واني اشوف اكثر شخص احبة ويفهمني ابن اختي شهم اجة بخطوات رزنة ومشيتة الحلوة شكد هادئ وحلوة وصل يمي رفع راسة وسئلني بكل هدوء شبيج كاعدة وحدج بتسمت ورديت علي هلو شومي شلونك طبعن هوة يتخبل من ادلعة هيج خزرني ضحكت علي .شهم عمرة مقارب العمري كلش رزن وعاقل إلى أبعد الحدود كعدنة شوية وضلينة نحجي وبعدين ترخص وراح ضليت كاعدة وحدي فكرة جيبني
وفكرة توديني.
الام. رنيمم وينج لج يمصخمة تعاي لهنا بسرعة شمسوية لج شمصخمة شوكت تكبرين انتي وينج رنيممم...
رنيم.سمعت ماما صيح باعلة صوتة واني رحت اركض ادري بيهة هسة عصبية ونار من وراي طبعا اني مستحيل اكعد راحة لازم اسوي مصيبة رحت وكفت على الدرج واشوفها غادية نار بلعت ريكي وبتسمت طبعا كالعادة لازم اتغزل بيهة.
الام. لج رنيم شتاليهة وياج انتي لج تعبتيني من دون اخواتج ليش هيج دتسوين لج ماما تعبت..منج
رنيم .سويت روحي بريئة ومتفاجئة كلتلهة بكل جدية
ليش ماما شنو سويت اني ليش دائمن ذبون اتهامات باطلة علية ليش هيج ليش شنو سويت الكم طبعا الكذبة متتلوز آلة بدموع تماسيح شوية رفعت راسي واني ابجي وسويت روحي مقهورة باوعتلهة لكيتهة صافنة علية وتستغفر كالتلي ماما غير اريد مصلحتج إلى متى ضلين هيج
رنيم.ضحكت وشبكتهة تدري بية امثل عليهة ضربتني على متني وضحكت .
الام. شيطانة تعرفين شلون تقشمريني بكلمتين عبالج يمشن علية.ههههههه
رنيم.لج عني غزولة الحلوة وين اكو مثل اعيونج شنو هالعين دخيل ربي عسلل يمة فديتت اني العسل
الام .ههههه قشمريني بكلامج يلة لج كومي اشتغلي شنو اشو بس تاكلين وتنامين يلة بوجهج على المطبخ سوي عشة ماضل وقت اخواني على وصول هسة
رنيم . طفرت على السرعة للمطبخ واني اغني خالة يم علي يم علي خالي ودندن بالغنية وماخذني الواهس ما اهيس الة صوت خلاني ارجف بمكاني ...
.................
في مكان آخر..
زهور. مشيت واني اتلفت عبرت الشارع واني دا عبر ما اهيس آلة سيارة عالية اجت علية طايرة وكفت مصدومة من المنظر واني بنص الشارع صافنة ابو السيارة لتاف عني وخر شخط السيارة ووكف واني مغمضة نزل من السيارة اسمع ضربت باب السيارة واني مغمضة اهيس خطوات تتقدم علية رفعت راسي واشوف واحد طويل ومعضل واكف فوك راسي صراحة هيئة تخوف بس اني وكفت صديت علي كتلة بعلو صوتي انتة اعمة متشوف شارع مسجل باسمك وتمشي براحتك متشوف الإشارة خضرة يعني افرض لو داعمني هسة
الرجال.وانتي ثولة شلون تعبرين هيج متشوفين اللة منطيج عيون متشوفين بيهن باوعي لطريقج وانتبهي وبطلي تمشين مثل الأطفال ..
زهور .اني سمعتة هيج لو فار دمي توني ردت ارد علي
رفع ايدة بمعنى اسكتي صراحة خفت وسكتت ضليت صافنة اشو هذة خلة ومشى ولا عتذر ولا شي ضليت مصدومة من تصرفة رجعت للبيت واني روحي بخشمي تلكتني ماما تحجي علية لانو تاخرت يلة وصلت دبرت عذر وماجبتلهة سيرة عن الحادث صعدت فوك روحي طفرانة شفت زينو نايمة ولا همها ضاربة الوضعية دفرتهة لج تنبل كومي كافي اكعدي زينووو كعدتتهة وكالعادة خلص الروتين اليومي ثاني يوم طلعت مستعجلة للمدرسة طلعت من البيت لكيت ابو الخط مثل عاتة واكف ويدردم شافني صاح يلة شسالفة اسرعي شوية ورانة أشغال ست زهور
زهور.كلبت خلقتي ورحت صبحت علي وهوة كالب خلقتة من ورة خشمة يرد وصلت المدرسة وضليت ماطلعت من الشعبة خلصن الدروس كلهن اجة وقت نطلع للبيت طلعت امشي كالعادة بالشارع وحدي مشيت ردت اعبر الشارع وشفت نفس الرجال واكف بعيد ويناظر وكفت متشنجة مصدومة.....
..............................................
رنيم .وكفت باوعت واشوف أخوية ذياب خازرني بلعت ريكي صفت يربي هسة شاجاوبة باوعتلة بعدة على نفس الوكفة وخازرني اجت ماما ونقذتني بآخر لحضة
الام. هلة يمة وصلت اللة يساعدك يلة غسل وتعال تا نجهزلك العشة صاحت رنيم على السرعة جهزي الاكل
ذياب.هلة بيج يا لغالية شلونج اليوم خو مامحتاجة شي..
الام .سلامتك يبعد روحتي يلة غسل وتعال اتعشى ويانة
رنيم.جهزت الاكل على السرعة واجة موهيمن وياية
بس يصنف علية وكاعدين نتمالخ اجت ماما كلتلي يلة بسرعة اخوج تاني الاكل
مهيمن. ها يوم اشو بس اخوي ولا جن موجود صدك لو كالو الك اللة يالفقير اويلي يابة محد بحالي كلهة لذياب مدري اسود صدك يوم شنو جان احساسكم من خلفتو ذياب نوب شلون اسم فوك ما اللة غاضب علي انتم مسمي اسم حيوان .
الام . تروحلة فدوة يا الغم انتة وهوة كون يسمعك هيج تحجي علي هسة اصيحة ونكونك زالمة اثبت على كلامك
مهيمن.طفرت لا يوم شبيج ماتتحملين شقة ترة دا اشاقة ايد ولا تتحملون شقة شبيكم نفسية
رنيم .ضحكت على تصرفات موهيمن طبعن اني الوحيدة ال ازود أحرف على اسم موهيمن هههههه
جهزت الاكل وتعشنة وكل واحد راح لغرفتة بقيت اني شوية هم رحت الغرفتي صعدت لكيتهة هوسة رتبتها وطلعت كتبي ادرس تأخر الوقت ما اعرف شوكت نمت
حسيت على صوت عالي يمي فتحت عيوني وطفرت
ما اشوف غير.....
يتبع....
شلونكم يا حلوين انشاللة عجبتكم القصة اتمنى تصوتون وتكتبوالي بالتعليقات اذا عجبتكم على مود اكمل السرد...
ولا تنسون ذكر اللة بكل خطوة ..
الحمد اللة على كل شي منحني اياه
احبكم .....
أنت تقرأ
بين ضلام الماضي
Aventuraجحيم ضلام لا أحد يعرف عن الحاضر شي ضلام دامس قلوب محطمة ماضي اسود قلوب سوداء ..بين كل هذة العناء كانت هناك فتاة قوية جدا لا تهزم ..القصة تتحدث عن فتاة ضلمها القدر فأصبحت كالنار
