لحد ماغربت الدنيا اني لازمة كتابي وافتر بالسطح
وأقرا سمعت صوت عالي جوة اكيد عركة جديدة
هاذة البيت اني اشبهة بمجلس النواب الي ابد ميخلة
من الصياح والعياط والفشار ومحد قابض منهم شي
زلم نسوان عارات
عمامي وابوية يشتغلون اسبوع كامل والجمعة يلمون
فلوسهم ويرحون للملاهي يسكرون ويجون الفجر
ويا الصلاة ويبدي عياط نسوانهم
حارمين البيت من كلشي وياخذون فلوسهم
ويرحون يكيتون بلملاهي الجيران تدري بيهم
حتى المنطقة كلها تكرهنة
وي نزلتي من الدرج عمي عدنان شفتة يكطع مرتة
وعمي الثاني يضربهة ويا وسبون ويفشرون وجهالها
واكفين يبجون
المنظر يبجي اكبر واحد لحد ما انتهت بأيدهم يلا
عافوها اجة عمي وهو يتقرب علية شعور يخوف
حيل رجعت ليورة
ضربني راجدي وهو وكعة على درج
عدنان/ انتي مو جاي شوفين جهالي يبجون ليششش
متشيليهم ساق** لو مابيج حيل حقجن من الكوا**
اخخ لو بيدي الا اذبح شكو مرة بلكون واخلص من عارجن
بيبي: اي والله لا عاب حلكك ييمة شو كلهن كح••
وعايقات مال ذبح وحرك حتى دفن محد يخسر
عليهن
بسرعة بدون ما اجاوبة اخذت الجهال ال3ودخلتهمامي
لغرفة بيبتي بالليل اجتي امهم اخذتهم وطلعت خليت راسي على المخدة وبديت اذكر كابوس حياتي
الي جاي اعيشة
''
عائلة قذرة الى ابعد الحدود يقتلون القتيل ويمشون
بجنازتة ضيمهم محد يتحملة جان عندي عم بس خالي متعارك وية وكاتلة واهل امي جانت حالتهم
ضعيفة بدال الفلوس انطوهم امي فصلية امي جانتحلوة بشكل بس ابوية يكرها ويقسي وياها
حيل بس ماعدها احد تروحلة خوالي كل واحد ؏ كد
حالة واصلا احنة مشايفيهم جان حيل يعذبها وتحملت كلشي الى حد ذاك اليوم المشؤوم الي
جان عمري تسع سنوات صف ثالث ابتدائي
واني لحد هذاك اليومم احسد شكو ابنية تمشي
وتضحك وي امها لعد اني ليشش ماعندي ام ليش ماعندي سند وبذاك اليوم الي صادف يوم سبت لساعة 5 العصر جانت تعاتبة لان يروح للملاهي وميصرف علينة اني واختي الجبيرة كتلها وضل يسب باهلها صار جدال قوي بينهم
~وخري عني لا احركج واحرك شيب الخلفوج
-لا اشو احركني اذا صدك رجال وخلصني من
عيشتك الماشفت بيها غير الذل والله انتة اذا حسبوك من الزلم اني اريد اغم هاي الزلم
أديان»» اني جنت جوة العب بالكراج وي بنت جيرانة بلحضة احس جسمي كلة ارتعش واني اشوف ابوية يدير بانزين ؏ جسم امي وشمر عليها
شخاط لحضة حسيت بيها الخوف ؏رعب من مستقبلي الجاي عيوني اتمنى تعمى ولا تشوف ذاك المنضر الحقير الي خلاني اسمع صوت عياط امي
وريحة الحرگ الي تطلع منها وهي تتقرب علية اني واختي وتبتعد تخاف علينا خاف نحترگ وياها
جانت تريد احد يطفيها بس لا حياة لمن تنادي
عمامي بلملاهي بيبتي كاعدة تصيح يمة وليدي
راح من عندي بس لا تاخءة شرطة اني امي تحترك
وهاي خايفة على ابنها
جدي المؤمن المتدين هيج
ولدة سكارة جان بالجامع يصلي عود لكم حرام
هاي العائلة تنضم للاسلام والله حرررام
كمنة انعيط اني واختي وكامت الجيران تركض علينا
بس بيا وقت لمن صارت قطعة سودة
