قمر /ضليت اسبوعين ابيت عمي و رحت على البيت مالنه و فتت باب البيت و رحت على ملابس بابا ركض و صرت اشم بيهم و اني ابجي و اجت امي و صارت تبجي هم
سرمد/اوف اوف
ياسين /اكلك سرمد
سرمد/كول
ياسين /شلون صار الحادث
سرمد/عمي قحطان راجع من الشغل و معا عمي احمد و جاي يسوق عمي قحطان و فالت الستيرن من ايدو و صار الحادث
ياسين /الله يرحمو خطيه اصار بنتو قمر
سرمد/الله يرحمو ويجعل مثواه الجنه يارب
قمر/كعدت ثاني يوم و امشي بالبيت مثل المجنونة و اشوف كل زاويه بالبيت و اذكر لمن نضحك اني و بابا و نلعب سويه و صوت ضحكتو و صحيت على صوت ماما
ام قمر /هاا قمر شبيج يروحي
قمر/لا ماما بس جاي اذكر لمن اني و بابا نضحك و نلعب هنا
ام قمر /يروحي تعاي
(بعد مرور سنتين)
قمر/ صار على وفاء بابا سنتين و صار عمري
19 و سمر جابت بنت و سمتها زمرد و ساره لسه ما اجاها اطفال بس اعرف من نور انو هيه و سرمد كل يوم مشاكل و صارت تمر حياتي على نفس الروتين و اني و ماما كاعدين وحدنا بالبيت و يا سرمد و يا هشام يجيب النه مسواك امي تشتغل خياطه و ما ريد من احد شي بس هما معندين اله يجيبون مسواك كل اسبوع
سرمد/جنت كاعد و بايدي زمرد جاي العبها و اجت ساره
ساره/اكلك سرمد
سرمد/شبيج شنو تريدين
ساره /اريدك توديني لبيت اهلي
سرمد/ مو البارحه جنتي عدهم
ساره /اي
سرمد /شعندج اليوم هم
ساره /مو شتاقيت الهم
سرمد /ماكو روحه يلا رجعي
ساره /رجعت واني احجي ويا نفسي(اي لو قمر جان راح ركض وداها بس يلا عادي اهم شي اخذت سرمد منها)
سرمد/سمر
سمر /هاا
سرمد /تعاي اخذي زمرد
سمر/اي اجيت
سرمد/نطيت زمرد لسمر و خابرت على هشام
هشام /هاا سرمد
سرمد/اكلك
هشام /كول
سرمد/البارحه وديت مسواك لمرت عمي لو لا
هشام/لا والله ودي انت اليوم
سرمد/ديلا معا السلامه
هشام /الله وياك
