سرمد/رحنا خطبنا لهشام وصلنا بيت عمي قاسم و كعدنا نسولف اخر شي فتحنا الموضوع
حيدر/والله يا ابو منصور حنا جاينكم نريد نخطب سمر لهشام
قاسم/كل الهلا بيكم
حيدر/ بعد القرار بيدك
قاسم/والله يا ابو سرمد اني يشرفني انطي بنتي لبن عمها و وين تلكه مثل هشام
حيدر/اي والله واني وين الكه مثل سمر
نور/اني من الفرحة ما تحملت و كمت ااهلهل
دحكت كلها دحك عليه... اروح اجيب مي اكيد عطشانين مو
الكل/😂😂
نور/وركضت على المطبخ و شفت سمر كاعده و تبجي .. شبيج سمر
سمر/علاء
نور/شبي علاء
سمر/ما يقبل ازوج هشام
نور/شنو
سمر/كال صديقو يريد يجي يخطبني
نور/عابت عاد من صديقو خلي يولي لا لج شغل بي
سمر/لج ما يقبل كال اذا ما تزوجين صديقي ما تزوجين لا هشام ولا غير هشام
نور/لازم هاذ مخبل
سمر/المشكله اذا درا بابا او هشام
نور/ابوج ما يدري
سمر/لا
نور/هسه شنو نسوي
سمر/ما اعرف
نور/تمام يروحي هسه اني راح اروح وبعدين نحجي بهاذ الموضوع
سمر/علاء هسه يجي شبيج انتي
نور/شنووو هسه
سمر/اي
نور/جناكاعدين و ما نحس غير باب الحوش انضرب و كلهم طلعو
سرمد/كاعدين بالاستقبال و سمعنا باب الحوش انضرب و طلعنا حتا نشوف منو
و جان نشوف علاء
علاء/هاا اجيتو حتا تخطبون سمر مو بس اعذروني سمر ما تزوج
قاسم/علاء انت شنو جاي تحجي
علاء/يابه ترا صديقي حاجز سمر و هو كال يا باجر يا بعد باجر يجي يخطبها
هشام/شنو.. و باوعت على سمر ميته بجي و تباوع عليا و راحت جوه
قاسم/امشي اطلع برا لنعل ابوك لبو صديقك امشي
حيدر/شبيك يا قاسم كول ياالله
منصور/اسفين عمي فوتو فوتو جوه
حيدر/ولا يهمك يلا يا حريم فوتن
سرمد/اكيد تخبل هاذ
هشام/والله العظيم اذا علاء ما بطل هاي سوالفو لكسر راسو
سرمد/شبيك انت ضايج ترا سمر ما راح تصير لغيرك
هشام/طبعاً ما صير لغيري والله اذا سمعت علاء لامس شعر وحده من شعرها لجي ادفنو بكاعو
