غُبار الحـزن

الحلقه الثالـثه

الكاتبه:زهـراء الـموسوي

تسألني الشوارع وين الاحباب
وين اليوكفن بعتبه الباب
ابشرك سلموني بحلك الذياب
نسوا اني جنت في يوم خلهم
ما ضلي اهل حتى ارجعهم
انا احباب قلبي ارحلوا  كلهم
بالغربه وعليه جروحي صاحت
وحرت مدري اشدهم مدري افلهم
ما ضلي اهل ماضلو احباب
واعز الناس نامو جوه التراب
وبقى بس الجرح والجرح ما طاب
وين اليوكفولي واوكفلهم
ما ضلي اهل حتى ارجعهم

_

_________________________________

                                                            
بتول

_ نفتح لباب ودخل ولد ضخم ومعضل واسمر وشايل بلسم وهيه عبالك جثه ودم ينزف من خشمها وجهه عباره عن كدمات ضرب وكله دم ركضوا علي كلهم يضربون بي وهوه ضل ساكت ولا حجه بعدين عاط بصوت عالي

الولد:كافيييي شبيكممم يابه بتكم مخطوفههه جانت وانااا جبتهااا دوخروا عني طببوووها للبيت ما تشوفون وضعهااااا

بابا: تضحك علينه انت شنو ازغر جهالك احنى
الولد :عمي ونعم منك وعلى راسي دخلو لبنيه هسه واني اضل يمكم اعتبرني رهينه ومن تكعد لبت هيه سولفلكم وارجع لدياري
بابا: انشوف يلا ادخل للاستقبال وطيني بنتي
الولد: بنتك!!!
بابا: اي بنتي
الولد: مو ع اساس ابوها مين؟
بابا: اني عمهه وبمثابه ابوهاا لا تدخل بسوالف ما تعنيك
_لولد ضلت شراره تطافر من عيونه مبين علي كوه لازم نفسه دخلوا للاستقبال وجابوا بلسم دخلوها للغرفه مسحنهه وجها من دم وشربنها مي كوه بلعتهه وضلت فاقده خذاها مرتضى وعمة ابو مرتضى وطلعوا ضليت كاعده يم بيبي وابجي وهيه هم تبجي مسحت دموعي وكالت

بيبي: كافي يمهه بسج كومي جيبيلي اميه وعلاجي مال ضغط احس صار عدي هبوط
بتول : دللي بيبي رايحه

_رحت ادور ع علاجها ما لكيته ذكرت هيه اخر مره خذته بغرفة بلسم رحت اريد افتح لباب وسمعت صوت داخل لغرفه ردت اعرف منو بالغرفه بدون ما ادخل ونصدمت واني اسمه امي وابوي يسولفون..
ام احمد: واحنى شنو هنا ماتوا أهلها الله يرحمها ويصبرها بس لا ناوي جيبها تصرف عليها من هسه اكلك يابو أحمد هاي لبت ما تدخل بيتي
ابو احمد: يا مره مو صالج فتره دكين وتنوحين ع وضعها شغيرج
ام احمد: محد غيرني اذا تاخذ املاك ابوها جيبها يمنه واصرف عليها من فلوس ابوها
ابو احمد: ولج بعده تراب اخوي ما نشف واخذ حق ولدهه
ام احمد: ما عندي غير حجي اذا ما صار اخذ ولدي وبنتي واروح الاهلي وتحلم شوفهم
ابو احمد : يصير خير
_ضليت مصدومه لا اخذ ولا اطي متت بدمي معقوله امي واصلهه الهل مرحله من الطمع قبل يومين حتى زيجه شكته ع اهل بلسم شنو سالفه مسحت وجهي وما بينتلهم دخلت للغرفه وكفوا على صفحه والتبكوا
ابو احمد: ها بابا شنو شتردين
بتول: اخذ علاج بيبي انتوا شسون هنا
ام احمد: ولج شو ما تعرفين تحجين شنو شسون هنا
بتول: شبيج يمهه شكلت اني؟!
ابو احمد: بويه جنه نريد نرتاح اني وامج ودخلنه لغرفه بلسم
بتول: مو تدرون بلسم ما تحب احد يدخل غرفتها اذا تردون تاخذون راحتكم نزلوا جوة مو اكو غرفه فارغه
ام احمد: السانج طولان يرادله كص
ابو احمد : يلا ام احمد امشينه ننزل جوه صدك بلسم ما تحب احد يدخل غرفتها نسيت
_ نزلنا سوه واني شايله على امي كمية حقد مو طبيعيه لان عمي وعمتي ولدهم كلش زينين ويانه ويحبونه كلنه ولا فد يوم شفنه منهم اذيه ولا همه احنى عائله كلش مستقله وما فد سوم صارت مشاكل بينه نزلت لبيبي وطيته العلاج
بيبي: يمه جيبيلي اميه فدوه رحتلج
بتول: دللي بيبي
_رحت جبتله مي ورجعت حطيتها ايا وشربت علاجها وضليت الوب اله أكلها ما اتحمل ضلم اني فوك قهر بلسم من الغربه وعلى فقدان ابوها وامها واخوانها مو يمها نجي احنى نزيدها عليها قررت اكل لبيبي وشيريد يصير خل يصير
بتول: بيبي اريد اكلج شي
بيبي: كولي يمه اسمعج
بتول : بيبي توعديني ضلين هاديه وما تتخربطين
بيبي: كولي يمه ما بيه شي
بتول: بيبي توني من صعدت لفوك سمعت امي وابوي يسولفون وامي تريد تاخذ ورث عمي عود ابوي ياخذها واذا ما خذا تاخذنه وتروح لخوالي وما تخلينه مشوف ابوي
بيبي: يمهه عزه بعيني سوده بوجهي اي والله عليش هل طمع عليش وليدي ما برد ترابه بعده حار وتردون تاخذون ورثة ولده وين يرحون
بتول: بيبي خل تجي بلسم بخير وسلام واحجي وياهم حبابه صحيح هيه امي بس ما أرضه على الضلم وهيه يتيمه والي سكت ع الحق شيطان أخرس
بيبي: هاي هيه يمه خل تجي ويصير خير هيه دافع عن روحها