غُبار الحـزن

الحَلقه الرابـعه

الكاتبه:زهـراء الـموسوي

اعرف ما الك جيه
وانه وداعتك هم كلت ها هيه
بس حتى من أصد والتهي
بغير اشياء
بالصدفه الصور يتحارشن بيه

________________________________
بلسم

_ توهه يريد يحجي ودخلو علينه مجموعة من الملثمين واسلحه بايدهم و شفت صاحب الثام
ابو الثام:مو كتلج ما اموت بهل سهوله
بلسم: يعترف عار
انور: سكتي بويه لا ياخذونج
ابو الريش: يلا اخوان اسلحتكم
ابو الثام: اذا بيهن طلق اعتبوا عليه
_داروا يتفحصون باسلحتهم ما لكو ولا سلاح بي طلق الشاجور كله فارغ
ابو الثام: كتلكم ما صدكتوا
_غمز وصاح تعال صاحبي تعال اجه ولد طبطب على كتفه وصاح : اخوووي السند
ابو الريش: ليش محمد ليش تغدرنه
ابو الـ حسن: من اول ما اجيت ما رتاحيت لك بس محد صدك
ابو الثام: اختارو اصحابكم عدل مره ثانيه
بلسم: خاب هذا على العلوه ما خلي نوب ضابط
أنور :اسكتي بويه صار بيها غدر
ابو الثام : بلسم الدلوعه كدامج خيارين انطيج اياهن واختاري
انور: احجي وياي مو وي بلسم
بلسم : دصبر خل نضحك شويه
ابو الريش : الله على برودج اني ضابط ومدربيني وقلبي راح يطلع من ط...
ليث: الفااااضك ابن السك..
انور: عود يحذرهه من امداني اي والله
بلسم: كافي خل نسمع
ابو الثام: يا امه اخذ اخوانج وذول المزعطه يا امه انتي اختاري
ليث: أخذنا احنه شنو ناقصين تنطي بنتااااا
بلسم: نتفق على خطه وارجعلك خبر
ابو الثام: شنو شعدنا فريق كره قدم
بلسم: اي تاج راسي
ابو الثام: ما دام اعترفتي اني تاج راسج حخليج تخططين هههاي
بلسم: لا تنسى التاج ما يلبسه اله الملك
_درا وجهي وهوه ضل صافن مدري شبي كعدتهم على شكل دائره
ليث: اطربينه بخططج ست بلسم
بلسم : الحب ولحرب شبيك مستعجل على رزقكم
انور: منو عده مرايه بالله اكروني وين خل اشوفهن
بلسم: من ارجع اشدهم الك هسه مو وكته
انور: بلسمممممم
بلسم: عيونه وسنونه
انور: تعرف شون سكتني
ابو الريش: العب الرائد يسرسح من كلمه من اخته خل تعزل دوله
ليث: اسكتووووا
بلسم: شكرا على دعمك لسكوتهم هههه باعوا حروح اني بدالكم
ليث: شنو نواقص احنااا
انور:تخبلتي شنو
ابو الريش: خطه زربه عمي تعال اخذنه
علاوي : لو على كص ركبتي
بلسم: كملتوا!؟
حمودي: بالله اطربينه كملنه
بلسم : اذا اخذوكم منو الي! هم اضل ادور واحد يساعدني! نوب كلكم لا واحد ولا ثنين
ابو الـ حسن : منطق
بلسم: تفهمني
انور: بويه اني اخاف عليج ما ريدج تتاذين
بلسم: روحي وعمري وقلبي انت الخاطرك كلشي اسوي بقيتولي بس انتم تتوقع اذا اخذوكم مو وره فتره يجون ياخذوني؟
ابو الريش: بس اذا رحتي ما نلكالج أثر بعد
بلسم : أنور حمودي علاوي جهازكم يمكم
أنور محمد علي: لا
بلسم : ليث انت جهازك عدك؟
ليث: اي موجود
بلسم: طيني اياه
ليث: شسوين بي
بلسم: لا تخاف مو من نوع لفضوليه بهل أمور طيني واكلك
ليث : هاج
بلسم: شكرا باعو حاخذ هل جهاز وياي اضمه اوكي تكدرون تتابعون موقعي من خلاله وتجوني وننهي عليهم كلهم تمام واذا كدرت اتصل اتصل عليكم بس كون بي رصيد
ليث: رصيد مفتوح شهري ميخلص
بلسم : تمام
انور: بس شون راح تضمينه
بلسم: غمضوا عينكم
ابو الريش : ليش
بلسم: خاب دروحوا أنور علاوي حمودي صيروا مقابيلي وانتم الثلاثه صيري وراي
_سوو مثل ما كتلهم 3 كدامي وتلاثه وراي الي وراي صار وجهمم على صاحب الثام ضميت الجهاز بصدري ذول اخواني ضلو فاتحين حلكهم
بلسم: شبيكم وصكع
انور: ولج عيب جهاز لولد
بلسم :ما يدري يولي
محمد: ولج شهل عقل ادري ابوي قبل لا يموت سجلج عسكريه
بلسم :لا اخواني بظهري لذلك قوية
أنور : بويه ما مطمأن الهل روحه
علي: حبابه خلي نروح احنى
بلسم: اذا تحبوني صدك خليني اروح
انور: بأمان الله وحفظه
_درت وجهي وغمزت للوراي همست باذن ليث شكرا ابتسم كتلهم: يلا
ما ريد انتظر هواي بليل انتوا يمي
كلهم: تمام
بلسم : يلا كملنا خطتنه
ابو الثام: شنو نتيجه بله
بلسم: اني اروح وياك
ابو الثام: ههههه اي تبرعوا بيج
ليث : ابن الك.. سد حلكك لا اسده بنعال
بلسم: لا ما تبرعوا بيه بس شتاقيت المعركات الإمام علي وعموري
ليث: اي مو تدللين اذا ما خليج تنبحين وتكولين ربي عمر
بلسم: مثل ما كتلك اخليك جلب وخليتك تلهث مثل جلب وما سويت الي تريده
_ وجهه صار احمر من العصبيه درت على الي وراي علامات الاستغراب بوجهم كالو:هاي ليمتى
بلسم : من شردت ورحت لبيت ليث
ليث: يعني الحاله الاجيتيني بيها على مود سالفه شيعه وسنه
بلسم: اي ضربني لان اكول الله وأهل بيت وراي
أنور : تركوني خل اعدمه
ابو الريش: صدكني بيدنا سجاجين ونكدر نهجم بس نخاف على اختك وعددهم اهواي بيهم بال 20
بلسم : جؤؤ عددهم 36
ابو الريش : وين حسبتهم انتي
علي: بعدك ما تعرف بلسم بلمحهه وحده تحسب الكره الارضيه كله
ابو الريش: دخيلك يابو علي
ابو الثام: كملتوا تمسلت
بلسم: راحح اندمك وعد
_ اخذوني وياهم خدروني بل الكلنكس ربطو ايدي ودخلت للسياره ما حسبت على شي لحد ما فتحت عيني واني بنفس ال مستودع الجنت بي كلت ذول شكد ثولان فتحت ايدي ورجعت خليتها بلحبل فتحت رجلي وهم نفس شي على مود ما يحسون قبل لا رجع ايدي فتحت اتصال وي ابو الريش لان تلفون ليث عندي اجاني صوت أنور وهوه مبين خايف
انور: ها بلسم جروحي بس كون ما اذوج طمنيني فدوه بلسم سمعيني ضربوج
بلسم: طيني مجال اجر نفس وارجع ايدي بلحبل
انور: شنو ليش ترجعينها
بلسم: اصبر........ ها أنور فتحت اديه ورجليه اتصلت ورجعت خليتهم بلحبل على مود اذا دخل واحد عباله بعدني مربوطه واذا ردت اتحرك وادافع عن نفسي بسرعه اطلع ايدي
ابو الريش: وللللل نجره الساده وابو الحسن
ابو الـ حسن : هاي تحجي صدك لو تشاقه
علي: للأسف صدك للاسف
محمد: بيها رجوله اكثر مني
أنور : اسكتوا خل اسمع.، بويه هسه انتي وين
بلسم : اجتني خطهه جديده وما بيها مخاطره
انور: شنو هيه بابا
بلسم: باع جابوني النفس المستودع القريب من بيت ابو ليث ححاول اشرد واخليكم على الخط وبس اشرد اروح لبيت جد ليث خابروهم انطوهم علم اني راح اجي وذا عدهم سلاح بلبيت يحضرونه الي
انور: لا بويه لا سويها اخاف عليج
بلسم : وعد مكو خوف بس هل مره طيني فرصه ما اكلك بعد
ليث: واللل انتي مخبله ما رايده روحج
بلسم : انت لا تحجي لان شفت مقدرتي شنو
ليث: صبر أيوب ربي صبر أيوب
محمد: هسه انت عليمن كاتل روحك اشو هيه اختنه
ليث: ولا امانه امانه هاي
علي: بطلت امانه
ليث: استغفر الله ربي اني منا راح اموت وذول عليه
بلسم : راح ابدي بالتنفيذ
_ اسمع صوتهم كلهم لا لا لا غلست وصحة بعلو صوتي وينكممم اجاني واحد مبرعص وبي انوثه اكثر مني يتمايل بمشيهه متت ضحك كتله:اريد مي جيبلي مي
_ هسه اجيبلج
_راح جاب مي واجهه يركض خلاه يمي كتله شون اشربه فتحت ايدي وهوه تقدم يجربني رأساً سحبت لسلاح وسديت حلكهه شلون سويته ما ادري ضربته بطرف السلاح وكعع بدون صوت رحت على الباب شفتهم ٣ كلت توكلت عليك يابو الحسن ضربت كل واحد طلقتين وشردت ما ادري حتى بمكانهم اسمع صوت لمبايل ألوو بلسم ويصيحون نسيت اصلا عدي مبايل طلعته من صدري وحجيت
بلسم : ها يروحي.
انور: بعدج عايشه
بلسم: تريدني اموت شنو
انور: بويهه طلعتي من عدهم لو شنو
بلسم: اي متوجهه البيت جد ليث اطيتوهم علم لو هم اكلهم دخيله ويتورطون بيه
ليث: اول شي الحمد الله على سلامتج وطيناهم علم تلكين جدي متانيج قريب على لمستودع بسيارته
بلسم: تمام شكرا تعبتك يلا حسد الاتصال
علي: لاااا لحد ما توصلين للسياره سدي
_استمريت بلركض فحطتت على كد ما ركضت لكيت لسياره ركبت بيها مباشره شفت نفس الرجال خطيه مبين صار هواي منتضرني
ابو عدي: الحمد الله على السلامه زنوبه
بلسم: منو زنوبه جدو
ابو عدي: غير اسمج زينب
بلسم: لا عمو اسمي بلسم
ابو عدي : اسم على مسمى سبحان الله
_ نسيت اني فاتحه سبيكر عاط ليث من جهاز:جدي لا تزحف
ابو عدي: ههههه بويه غير عدي جفيدات بكده واكبر منها اعتبرها حفيدتي
بلسم: بعد كلبي جدو
_ سديت السبيكر وكتلهم باي سديت لتصال واستمرينا نمشي هوه يسوق سريع بسرعه وصلنا للبيت دخلت وتلكاني البيبه
ام عدي : هلا يمه هلا خوفتينا عليج يمه الحمد الله من شردتي
بلسم: بعد قلبي بيبي الحمد الله الله وأهل لبيت وياي كدرت اشرد
ام عدي : ونعم منهم ما يقصرون
_اجتني مره شوي جبيره يعني مو شابه سلمت عليه وكالت:هلا يمه الحمد الله على السلامه اني ام ليوثي اذا معرفتيني
بلسم: بعد قلبي خاله شرفت اعذريني ماخذه ابنج منج هل فتره ومدوخته بسوالفي
ام ليث : شني السالفه حبيبه يرخصلج وليدي
بلسم: بعد قلبي خاله
_كعدت كالت البنات والكبار راحو ضلينه بالاستقبال لوحده بس اني وبنات شابات اعرف بيهن بس زينب حجت زينب وكسرت السكوت
زينب: شون كدرتي تشردين
بلسم: الله رادني اشرد وشردت ولحمد الله ساعدني
زينب : ما تخافين انتي
بلسم: لا
زينب : شلون ما تخافين
بلسم : قلبي تحجر من زمان صرت ما خاف
_حجن ثنين سمر يباعلي باشمازاز: اويي لعد والأنوثة وين
زينب : منار زهراء عيب هل حجي
بلسم : لا عادي خليهن حبيبتي اني من توفهه ابويه نسيت شي اسمه الدلع والأنوثة قوه قلبي
منار: اوي دادا خطيه
زهراء: صارت بغداديه تم دادا
زينب: ههه يلا صارت الساعه ب ٥ قبل الاذان شغلنه اغنيه خل نركص
منار: اله ليوم اصفنجن على ركصي تعلمت حركات جديده
زينب : هاي اذا ما عوقتيهن
بلسم :هههه شنو يوميه تركصن
زينب : اي نرفهه عن نفسنه تعرفين تركصين
بلسم: خبرهه
منار: هسه تطلع جتف متعرف تهز
بلسم: لا يروحي ما احجي حجي فاضي اني كلشي واله دليله
زينب : لعد كومي هزي خنشوف دليلج
بلسم: لا عيب نوب يدخل علينا احد
زينب : محد موجود لولد برهه يطلعون وبس بنات
بلسم: لا عيب
_تجاهلني راحت شغلت اغاني وسحبتني توسلت بيها تعوفني بس كالت ازعل نسيت الوفاه وبعدني حزينه وهزيت هز بحيث استغربت من روحي مطوره كلش ضليت اهز ومغمضه عيوني مو يمي اصلا وهنه مطلعات اغاني ساجده ومال ذبي العبايه فقدت عليها ضليت اهز فصلت الغنيه وكفت فتحت عيوني لكيت الحجيه وأم ليث وياها نسوان تلاثه ولبنات فاتحات حلكهن شبيهن ذني