ℍ𝕚𝕤 𝕊𝕒𝕧𝕚𝕠𝕣
Ep - 18 [Final]
Song Recommend - Rewrite The Stars By Anne-Marie & James Arthur
———
"အဲ့ စည်းဝိုင်းထဲက ထွက်တာနဲ့ ကိုယ့်ဓားသွားက မင်းလည်ပင်းပေါ်ရောက်မှာနော် ဟန်ယူဂျင်း "
ရွေးချယ်စရာက နှစ်ခုဖြစ်လာတဲ့အခါ ယူဂျင်းရဲ့ ဦးနှောက်ဟာသေချာအလုပ်မလုပ်တော့သလိုမျိုး။ သူရပ်နေတဲ့ဘေးပတ်ပတ်လည်းက ရေခဲစည်းဝိုင်းဟာကိုကိုတားထားခြင်း။
တဖက်မှာ ရပ်နေတဲ့ ခမည်းတော်နဲ့ ဘေးက ကိုကို့ကို အလယ်ကနေ သူလိုက်ကြည့်နေမိပြီး ဘယ်သူ့ဆီကို သွားသင့်သလဲရွေးခြယ်လို့မရ။
"ဟန်ယူဂျင်း..."
"အ့ !"
စည်းဝိုင်းအပြင်ကို ခြေတဖက်လှမ်းမိတဲ့အခါ ကိုကို့လက်ထဲက ဓားသွားဟာ သူ့လည်ပင်းပေါ်ခပ်ပါးပါးလေး ရှခနဲ။ နာကျင်မှုက အစိမ်းသက်သက်ဖြစ်လို့ နှုတ်ကနေ ထုတ်ငြီးမိသည်အထိ ယူဂျင်းဟာ ကိုကိုချိန်ရွယ်ထားတဲ့ ဓားသွားနောက်မှာ တောင့်တောင့်လေး။
ရဲတိုက်ပတ်ပတ်လည်ဖြစ်နေတဲ့ နန်းတွင်းအမတ်တွေကြားမှာ အိမ်မက်ဖတ်တဲ့တဖွဲ့သားလုံးက ကိုကိုအပါအဝင် ဓားကိုယ်စီဖြင့်။
"စကားနဲ့အကောင်းပြောနေချိန်မှာ မင်းဘက်ကခေါင်းမမာသင့်ဘူးထင်တယ်နော်...ငါတို့က ဟန်ယူဂျင်းကို ပြန်ရတာနဲ့ အေးဆေးလေးတပ်ဆုပ်ပေးမှာ "
"အော်ဟော်...အရှင်မင်းကြီးရဲ့ ရွှေကွပ်ထားသင့်တဲ့ ပါးစပ်ပဲနော် ဟားဟား..."
ခနဲ့သလိုရယ်ပြောနေတဲ့ ကိုကိုက လုံးဝမှ လူစိတ်မရှိသလိုပုံရိပ်ပေမယ့် ယူဂျင်းကိုတော့ ခမည်းတော်တို့ဘက်က လူတွေလာခေါ်မရအောင် ရေခဲစည်းဝိုင်းထဲ ထည့်ထားတာဖြစ်သည်။ ချွန်မြတဲ့ ဓားသွားကြောင့် လှုပ်မရရွေ့မရအခြေအနေမှာ သူနည်းနည်းလှုပ်တာနဲ့ လည်ပင်းပေါ်ပိုနစ်ဝင်လာတဲ့ ဓားသွားကြောင့် ပူနွေးတဲ့ သွေးတွေစီးကျလာခဲ့ပြီဖြစ်သည်။
ဒါကို ကိုကိုမြင်ပေမယ့် ဘာမှမဖြစ်သလို ပုံစံမျိုးဖြင့် ခနဲ့သလို ရွဲ့သလို ရယ်မောရင်း...