الشمس المُقيدة

الجزء الاول

ام ايسر:أهلها ماتوا البنية بقت امانة ماعدها احد غيرنا واحنا بيت عمها شيكولون علينا الناس
ايسر:شلون تعيش ويانة واحنا سبع ولد بالبيت
ام ايسر:بعدها طفلة عمرها 6 سنوات واذا عاشت ويانا وشنو يعني انتوا سبعة
ايسر:هاي الطفلة اول وتالي تكبر
ام ايسر:لا تناقشني ايسر لو ابوك عايش ماراح يقبل الطفلة امها وابوها ماتوا كدام عينها حس شوية
ايسر:هسة هي وين
ام ايسر:نايمة بالغرفة خليها ترتاح أهلها صارلهن اسبوع فايتة الاربعينة مالتهم
هاي كعدت
ام ايسر:هلا يمة فدوة للبنيات
ايسر:اني طالع
ام ايسر:الله يهديك
ملاك:عمة بابا وماما بعد مايرجعون مو
ام ايسر:اي حبيبتي راحوا لمكان حلو
ملاك:اني ليش مارحت وياهم
ام ايسر:اسم عليج حبيبتي بس تكبرين راح تعرفين ليش
باجر ان شاءالله اني وحسام راح ننقلج للروضة الي يمنا
ملاك:ويصير عندي صديقات
ام ايسر:اي هواية
هسة روحي العبي بلي وي احمد وعلي
ملاك:
اكيد عرفتوا اني ومنو وشنو
هاي حياتي من بدايتها خسرت اهلي ومااعرف شنو ضامتلي بعد
بيت عمي ماقصروا وياية
ومااطول عليكم
بعد سنتين من موتهم مرت عمي هي سجلتني بالروضة ونجحت وسجلتني بالمدرسة
ودرستني
اكثر شخص كنت العب ويا
احمد ابنهم الصغير
ايسر ابنهم الأكبر دائماً اسمعة يكول لأمة يجي يوم هاي البنية تجيبلنا العار تفكيرة شرقي كولش وبشكل
مرت الايام والسنوات
واني حياتي بين الدراسة والبيت وأكثر وقتي العب وي احمد
احمد وعلي تؤام اكبر مني بسنتين
وايسر بذاك الوقت ماكنت اعرف شكد الفرق بينا
بس بعدين عرفت الفرق بينا 22 سنة
ومرات نتعارك مرت عمي توكَف وياية
حاستني بنتها ولايوم فرقت بيني وبين ولدها
صرت رابع ابتدائي عمري حوالي 10 سنوات
وبيوم
ملاك:هل المرة اني فزت عليك
احمد:اي لان فريقج أقوى وعلي وياج ضدي
ملاك:انت ماتعرف تلعب اني شعلية
ايسر:مستحيييييل انتي شبيج يمة تخبلتي
ملاك:عزاا هاي شكو
احمد:لا تنزلين هسة اشوف شكو
ملاك:بقيت بالغرفة اسمع صياح وعياط
وسمعت شي انكسر
عشر دقايق
احمد صعد فتح باب الغرفة
ملاك:شكو شصاير
احمد:ماكو شي بس لا تنزلين لحد ما ايسر يطلع
ملاك:ليش غير اعرف شكو
احمد:ملاك لا تلحين راح اجيب الجنطة مالتج اقري بين مااجي
ام ايسر:احمد اطلع برا
احمد:ها صعدتي شنو ايسر طلع
ام ايسر:اي طلع
لا تضل تسأل كلت اطلع
ام ايسر:تعالي ملاكي عندي شي حلو الج
ملاك:شنو خالة
ام ايسر:اليوم العصر راح يجي شيخ شيكول كولي اي أقبل اتفقنا
ملاك:بس ليش خالة
ام ايسر:بعدين افهمج هسة لازم تسمعين كلامي وتصيرين مثل الاولاد الشطار مو
ملاك:اي خالة
بذاك الوقت اذكر مافاهمة الشيخ ليش بس بحكم عمري عشرة اعرف الزواج بس مو بالتفصيل
المهم
اذكر راحت خالتي للمطبخ تعجن لان هي كانت تخبز
واني نزلت اركض
ملاك:احمد انهزمت تخاف لا تخسر مرة ثانية
احمد:مخبلة والله منو كال خايف امشي نعيدها
ملاك:يلا وهل المرة افوز عليك
احمد:ههه وراح ترسبين لان تلعبين اكثر مما تقرين
ملاك:نشوف منو يرسب
للعصر سمعت مرت عمي تصيح
ام ايسر:تعالي ملوكة انزلي
ملاك:اجيت خالة
ام ايسر:انت شكو اجيت ارجع
احمد:الي داسوو غلط وحرام
ام ايسر:ارجع كلت بلا نقاش
ملاك:ماعرفت شنو الالغاز الي بينهم وليش هيج
بس سمعت كلام خالة ونزلت
كعدتني يم باب الاستقبال
السيد:ايسر ابن ايمن تقبل بأن تكون ملاك بنت رسول زوجة لكَ
صار العقد واني صافنة شدا يصير
يعني خلص الموضوع اني رحت للمطبخ
احمد كاعد
احمد:سويتيها يمة
ام ايسر:احمد اني امكم مو انتوا والي مو عاجبة يطلع برا
ملاك:اني هاي الاحداث كُلهة ومامستوعبة الي دا يصير شنو
لليل هيج اني كاعدة بغرفتي
خالتي صاحتني اتعشى نزلت شفت ايسر كاعد
خالتي صابة العشا
هو ياكل وحتى مايباوع بوجهي مدنك وبس
مااطول عليكم
مرت الايام والاشهر والسنوات
صار عمري تقريباً 14
زادت قسوة ايسر ومحاسباتة الي
صار يكول لخالتي هاي الها يوم تنزل روسنا وهاي هيج
وهيج
حتى تصرفاتي وي احمد صار الها حساب بسببة
ومرة ضرب احمد بسببي
المهم
بيوم عيد ميلادي ال15 كان بنفس اليوم نجاحي من الثاني للثالث
واحمد محظرلي هدية وقتها
خالتي سوت كيكة واني دااضحك وياهم
علي:مسحيها بوجه احمد ماجبتلج هدية بس وجودي كافي
احمد:دنجب اني جبتلها يو حلوة مثل وجهها
ام ايسر:واني همينة جبتلها خلي انطيها
ملاك:هذا للفستان الي شفتة بالفيس
ام ايسر:ههه عرفتة عجبج
ملاك:تسلمين خالة والله كولش حلوة
احمد:دوري اني
ملاك:احمد مد ايدة حتى ينطيني الهدية
دخل ايسر جر العلبة وشمرها بالكاع
بقينا صافنين
ام ايسر:شجاك ايسر هاي ليش هيج
احمد:انت شبيك خبل داانطي الهدية للبنية
شبي عقلك
ملاك:اني صافنة ع الكلام حد ماايسر ضرب احمد راجدي
ايسر:اذا ماتعرف تسولف صم حلكم
احمد:مرة ثانية من اكولج ابنج مو صاحي صدكَي
ايسر:ولك انت شو ماتعرف اسولف
ام ايسر:ايسر كافي زودتها شهل التصرف

ايسر:لا تنسين خليتي هاي البنية ع ذمتي واني حر التصرف بيها
ام ايسر:لا تنسى كتلك تعقد عليها حتى بس اخلص من كلامك وهم احميها مايصير تبقى بينا هيج
ايسر:خوش لعد هاي اني مسؤول عنها
احمد:اذا انت تشوف نفسك هيج طلكَها
ومعليك بيها هذا مو حرص هاي سيطرة
ايسر:وهو لازم ياخة احمد انت بالذات ماتدخل لان اني اعرف انت شتريد
ملاك:
واكفة بينهم عبالك لعبة صافنة عليهم كل واحد يريد يمشي كلمتة علية علي ساكت ويباوع بس يوخر ايسر كل مايتقرب من احمد
خالتي ام ايسر تدفع بأيسر وتناقش
واخر شي ايسر من شافهم هيج
طلع وصد علية وكال
ايسر:ماراح اطلكَ وراح تتحملين مسؤولية تصرفاتج فضل من عدنا لفيناج وطلع
ملاك:هو كال هيج من فشلتي كعدت ابجي كدامهم
احمد:يعني اني اخو ماتأثرت بكدج وهو لزمني رزايل وضرب بربج ملاك
علي:ملاك انسي شسالفة والله مامستاهلة
ام ايسر:اني السبب كتلة يعقد هو كلت يتعدل صار اسوء
ملاك:
حالتي النفسية صارت مو تمام لان كنت مرحلة مراهقة وكُلشي بية ملخبط
ايسرصار يحاسبني اكثر
دخلت اعدادية وصار يحاسبني اذا سولفت كلمة وي احمد او علي بالأخص احمد
عود هو اخو
اخواني ذولاك مزوجين مايدخلون كلمن بيتة واساساً محد يعرف بسالفة العقد
هالتي ام ايسر دكولة حرام عليك بس ايسر مو طبيعي ابدد
يسوي عادي المهم اني كدام رب العالمين عاقد واول وتالي أعلن ونزوج رسمي
وبيوم
ايسر:فوتي جوة
ملاك:عوف ايدييي
ام ايسر: هاي شكو
ايسر:اني كم مرة كلت هاي الصدرية ماتلبسها
ام ايسر:وانت مسوي مشكلة والبنية هسة طالعة من الدوام ع مود صدرية
ملاك:خالة شوفي شلون ضربني
ام ايسر:ولك كان استحيت البنية يتيمة
ايسر:اني زوجها كدام الله
ملاك:لا مااعتبرك هيج انت بكد ابوية واذا تريد ازوج وعوفني بحالي
ايسر:واذا ماعفتج شسوين
ام ايسر:راح تعوفها انت مو كد مسؤوليتهة واني عبالي ابني الكبير الزود يدير بآلة ع بنت عمة الطفلة اخوانك كولهم أصغر منك حسام والبقية مزوجين وعدهم عوائل وانت حاطك راسك وراس هاي الطفلة كافي حس ع عمرك
كافي انت رجال دكتور جامعي هاي التصرفات شنو ايسر
ملاك:ايسر سمع كلام عمتي وطلع
حياتي هيج استمرت
احمد عزل نفسة من ورى ايسر
نجحت للخامس وايسر ماتغير
نفس ماهو ونجحت للسادس
حتى دورات خصوصي مادخلني
رغم احمد اخو دخل وأمة طلبت اروح ويا
وهو اذبحوا ولا يشوفني وي احمد
صار يجيبلي مدرسين للبيت وهو مكابلنا لحد مانخلص
تعبت وكرهت تصرفاتة المعقدة نفسياً
المهم دخلت وزاري بالسادس
وضمنت الوزاري كعدت بالبيت فترة مراجعة
اني بغرفة واحمد لو بالاستقبال
لو يم جماعته يقرى
مرت الايام واجتي الامتحانات صار هو يوديني ويجيبني
خلصت امتحانات
والنتائج ورى شهر طلعت
وايسر هو طلعها
ملاك:شنو النتيجة
ام ايسر:سولف شبيك وطلع نتيجة احمد وياك
احمد:مروتكم لا مصخمها ادري بروحي
ايسر:ملاك ناجحة معدلها 69.77
ملاك:الحمدلله نعمة والله راضية
ايسر:عبالي اكثر لان هواية دخلتي
واحمد المسودن طالع بواحد
احمد:اي الحمدلله عبالي ب3
ملاك:هههههه عابتلك
ايسر:مبروك أن شاءالله يوم التخرج
ملاك:شُكراً

مرت الايام ورى شهر قدمت جامعة
اختاريت كُلية......

الكاتبة:جنات