الشمس المُقيدة

الجزء الثاني

اختاريت ادرس قانون بس بجامعة اهلية وخالتي وافقت
ايسر:قانون محلو للبنية
ملاك:بس اني عاجبني ومو من حقك تدخل
ايسر:نسيتي اني منو
ملاك:انت لا تنسى عقدت علية واني طفلة حتى تحميني واني حتى مااعرف يعني نكدر نكول الموضوع مو بأراداتي وانت شسويت وأحد متسلط
حاول يضربني واحمد وخالتي لزموا
اني عفتة وصعدت
اسمعة يصيح كلما تكبر دا تجاوز وتطاول
وخالتي دكولة بسببك محد تتحملك
المهم
مرت الايام ومشينا كلمة خالتي وقدمت جامعة اهلية قانون
احمد نجح معدلة بالسبعين يدوام بغير جامعة بس بنفس المحافظة مالتنا
مرات يروح عبرية مرات وي جماعته
واني خط
المهم مرت الايام اني مجنبة ايسر
صار عندي صديقات وحياة ثانية دااعيشها بالجامعة
مرات ايسر يزعجني بأتصالاتة ومرات اجاوب يغثني اسدة بوجهه ومرات مااجاوب اصلاً
صارت حياتي عبارة عن دراستي وصديقاتي واحمد
بالبيت نسولف ونضحك اني ويا هو هم راح قانون
ندرس سوة وكُلشي سوة
المهم
بيوم الأربعاء كاعدين حتى نداوم وخالتي نايمة
احمد طلع قبلي وي صديقة
واني بالخط
طول اليوم دراسة ومحاضرات
شوية وي البنات
طلعنا واني مثل باقي الايام بس ايسر ماشفت منه ولا مكالمة
كيفت كلت هم زين خلصت
طلعت من الدوام للخط
بين ماالتموا الطلاب
طلعنا ابو الخط وصل كم طالب ووصلني
نزلت شفت باب البيت مفتوحة
وشفت حذاء احمد واصل قبلي
دخلت لكيت جدر ع النار مثل المحترك ومطفينا
ملاك:خالة وينج
شفت احمد مستعجل
ملاك:شكو احمد شصاير
احمد:ايسر مصاوب بالمستشفى
ملاك:بقيت صافنة حسيت انو توجعت انصدمت مااعرف ارتشعت من فوك ليجوة
ليش وشلون
احمد:مو وقت أسئلة ملاك تجين وياية لو لا
ملاك:اي اي جاية
طلعت سديت البوب واني بملابسي
احمد اجر سيارة والطريق كُلة يسوي استعجل عمي
لحد ماوصلنا
لكينا خالتي ومرت حسام وحسام وخالتهم كاعدات وخالتي تبجي
ام ايسر:هم زين اجيتي ايسر من دخل مايكول بس ملاك
ملاك:عادي ادخل
ام ايسر:احمد شوف الدكتور
احمد:خاف مايقبل مايحتاج تدخل
حسام:لا يقبل اني اكولة
ملاك:اني واكفة انتظرهم لحد ماحسام اجة وكال
حسام:الدكتور يكول دخلي
ملاك:دخلت وحدي وشفت ايسر مفتح عيونة
التفت وشافني
ايسر:هم زين اجيتي ماانتظرت بس انتِ
ملاك:شلون صرت
ايسر:احس نفسي راح اموت
ملاك:لا اسم الله عليك وين أصاوبت
ايسر:بكليتي بس الرصاصة قوية وبريطانية
ملاك:سمعت طالبني
ايسر:عندي هواية كلام اريدج تسمعي
ملاك:اي
سولف
ايسر:كنت رافض العقد بطفولتج صح
ملاك:اي اذكر
ايسر:كلما تكبرين كلما احبج اكثر
ماردت بيوم تكرهيني واني اعرف اضوجين مني
بس اني هدفي ردتج تبقين الطفلة الي ماتكسر كلامي
ردت مثل مانكول تبقين ع ايدي
ماردت بيوم تتغيرين ولو مو امي حتى جامعة ماادخلج وداعتج
امي دكتور جامعي واعرف البنية تقوى اكثر من تدخل جامعة وتتعرف وتشوف بنات وحياة
ردت ابقيج ملاك الطفلة
احمد الي هو اخوية اني اعرف كُلش زين هو معجب بيج
وحاط امل اطلكَج وهو ياخذج
وينزعج من يشوف تحكمي بيج مثل ماانتِ تنزعجين
يجوز الزواج من اصلة مو عاجبج وحقج
مزوجة واحد أكبر منج ب22 سنة من غير كان اجباري
ومن غير تصرفاتي
ملاك اعرف هواية قسيت وياج بس مااطلب منج بس كوني وابقي وياية بهاي لحظاتي الاخيرة
بس هذا طلبي
ملاك:صافنة علي شلون يسولف وهو دا يلهث متوجع ويسولف بكل انفعال المشكلة اني مدااكدر اتقبلة بعد كُل الكلام الي كالة اني واكفة بس اسمع
ومثل الدايخة من سولف عن احمد وعن نفسة وعني
حسيت نفسي بدوامه
كتلة
ملاك:راح اجذب عليك اذا كتلك ابقى وياك لان احبك اني ماعندي مشاعر حب تجاهك
عفتة وطلعت
ام ايسر:كالج شي شلونة
ملاك:عيوني ع احمد كلام ايسر بقى بعقلي
كتلهة
مابي شي خالة
حسام:اذا تعبانين خلي أحمد يوصلكم
ام ايسر:مااروح واعوف ايسر
خالة ايسر:حتى اني
ملاك:اني تعبانة راح اروح وترجع بس تحتاجوني
ام ايسر:خاف ايسر يطلبج
احمد:عود اني اجيبها امشي ملاك اوصلج
ملاك:ترخصت وطلعت
احمد:قبل لااروح اجر سيارة
أكدر اعرف شنو صار بينكم انتِ وايسر
ملاك:ماخليت اكول شي لأحمد كتلة
اعتذر مني لان تصرفاتة هيج وياية
احمد:يعني ماكال احبج
ملاك:لا ليش
احمد:هيج بس سؤال رايح اجيب سيارة من الكراج
ملاك:تمام
بقيت واكفة انتظر احمد واني فكري طاير
نظرات وسؤال احمد
كلام ايسر
اني وين وشنو دا يصير
احمد:يلا صعدي
ملاك:اي
صعدت وطول الطريق افكر ومن كد التفكير دمعت
وصلنا للبيت فتحت البيبان
احمد:حسام وزوجتة الفجر يجون طالع اجيب عشا من برا
ملاك:من وين عندك فلوس
احمد:اخذت من امي
ملاك:تمام
احمد:قفلي البوب
ملاك:اي تمام
طلع احمد واني دخلت سبحت وطلعت نشفت شعري ولبست حجاب كلت خاف يجي
وسويت زلاطة خشنة
وكعدت ع التخم انتظر
فكرة تجيبني وفكرة توديني
طفولتي وحياتي مثل الشريط دايمر كدامي
دموعي نزلت واني اذكر عشت طول عمري بلا اهل
وهية اني بحيرة الها اول مالها تالي
بنص الدوامة الي اني بيها
سمعت صوت باب البرة انفتح عرفتة احمد جاب عشا عدلت حجابي وكمت غسلت وجهي
دك باب المطبخ فتحتها
احمد:تأخرت مو بس علي ازدحام
ملاك:لا عادي
احمد:ليش عيونج حمرة باجية
ملاك:لا
احمد:اعرفج من اجذبين
ملاك:اني جعت
حط الاكل ع الميز
احمد:اي وجبت ببسي بغداد بس حظري كلاصات
ملاك:خوش اني همينة سويت زلاطة
حظرت كُلشي واحمد راح غسل ايدية
وكعدنا دا ناكل واحنا محد ينطق حرف
ايسر وكلامة كل ثانيه ينعاد براسي
اخر شي ماتحملت
ملاك:احمد اريداسألك سؤال جاوبني بصراحة ماطول وحدنا
احمد:كولي
ملاك:احمد انت كايل لايسر تحبني
احمد:غص بالببسي
ملاك:اسم الله شجاك اجيب ماي
احمد:يأشر بأيدة لا
لحد ماهدأ
ملاك:تحس زين صرت
احمد:اي
ايسر شكالج ليش هيج سألتي؟
ملاك
ملاك:هسة انت هذا الي هامك جاوب ع سؤالي
احمد:.......
ملاك:ماالك نية تجاوب
احمد:اي كلام ايسر صح اني احبج وهو شافني مرتين اراقبج من جنتي سادس وكتلة مت اطلكها اني اخطبها وهو من يومها تغير ونجلب علية وماضمها كلج
ملاك:بقيت صافنة ومجاوبت شي
قاطعنا اتصال خالة ام ايسر احمد حاول يتهرب مني
كمت لميت الميز ومسحته
دخل احمد ورى شوية
سولف وياية وهو منزل عيونة
احمد:رايح للمستشفى تجين؟
ملاك:لا تعبانة رايحة انام
احمد:قفلي البوب زين من ارجع اجيب حسام وزوجتة يبقون هنا
واختصرلكم
شهر تقريباً ايسر بالمستشفى مارحت غير مرتين وماانفردت بي لان احس دايخة ومااعرف وين اني وشنو نهايتي
بالجامعة مو حيل اركز
طلع ايسر من المستشفى بعد شهر
كعدوا بالاستقبال لان الاصابة قوية
وبيوم
ام ايسر:ملوكة
ملاك:ها خالة
ام ايسر:اليوم اكو موضوع ان شاءلله نريد نسولف وياج نخلص عشا وتعالي للاستقبال
ملاك:صار خالة
خلصنا عشا وهوسة العشا واحمد بغرفتة مانزل
وشفت خالتي راحت للاستقبال ورى شوي لحكتها
دكيت الباب صاحوا ادخلي
دخلت
ملاك:كتيلي اكو موضوع خالة
ام ايسر:اي تعالي يمة كُعدي بصفي
ايسر:الموضوع اني طرحتة
ومن دون مقدمات
باعتبار كبرتي وكدام اني
ملاك تحبين اطلكَج لو نستمر
ملاك:نظرات ايسر الي وخالة ام ايسر
وكلام احمد ومشاعري الملخبطة
كلت
ملاك:لا طلكني مااريد استمر
ام ايسر:يعني مااندمجتي وي ايسر
بعد هذا الموضوع ماصار شي
ورى اسبوع ايسر طلكني واحمد وحسام حظروا
مرت الايام والشهور
صرت مرحلة ثانية
تغيرت وي احمد وابتعدت
ايسر وضعة دا يسوء رغم حتى سافر ومانعرف الأسباب
إلى أن بيوم
رجعت من الدوام
ملاك:خالة جوعانة فدمرة
ام ايسر:لا تاكلين شي والله هستوني كملت البرياني للعشا
روحي غسلي وبدلي
ملاك:تمام حبيبتي
صعدت للغرفة مااعرف ليش باوعت على غرفة احمد الضوء مطفي نايم لان اليوم ماداوم
دخلت للغرفة بدلت وخلصت هستوني فتحت الباب
اسمع خالتي اصيح وصوتها يجيب التايه
من الخوف والرعشة والصدمة نزلت اركض بدون حجاب وماادري
وصادفت احمد يركض ووجهة احمر هستوة كاعد من النوم
نزلنا نركض ونشوف خالتي تلطم وتصيح
ابني راح مني ايسر مات
رحت ركض لخالتي لزمت ايدها
واحمد يفحص ايسر
اخر شي حطة ع ظهرة وصعدة بسيارة ايسر
وخالتي تصيح وتبجي والله العظيم مابي نفس
ساعة خابرنة احمد ايسر مات
ومااسولفلكم عن الي صار
حسام وزوجتة اجوي وخالة ايسر
وكرايبهم التموا
ومن شيعوا ايسر خالتي أغمى عليها واحمد
وعلي نايم ع التابوت ويصيح وين عفتني اول مرة اشوفة هلكد منهارين
واكفة اباوع عليهم واذكرت كلامة وشلون كنت قاسية ويا مابجيت بس ع وفاتة بجيت لانو ماحبيتة
وكتلة سامحني ايسر
و
مرت الايام وطلعت اربعينة ايسر
وخالتي نفس وضعها
مرت سنة ع وفاة ايسر
خالتي مانست بس ماتخطت
خلصت مرحلة ثانية والثالثة
داومت اسبوعين واني بعدني لابسة اسود لخاطر خالتي
ومرت الايام
وبيوم
اني وخالتي كاعدات نسولف
ام ايسر:حيرة العشا والغدة شسوي اليوم عشا
ملاك:نسوي كباب بس خلي علي يجيب كرفس
احمد:السلام عليكم شلونكم
ام ايسر:هلا يمة تعال هم زبن اجيت علي دا يقرأ جيبنا كرفس نريد نسوي كباب للعشا
احمد:اريد منكم شي قبل لااطلع
ملاك تزوجيني
ملاك:شنو
ام ايسر:احمد شبيك
احمد:طلبي واضح ملاك تزوجيني
ام ايسر:صدمتنا بطلبك
احمد:كولي ملاك
ام ايسر:مااعيد غلطي واجبرج كولي ملوكة
ملاك:حطيت عيني بعيون احمد وكتلة موافقة بس
لا تأذيني
احمد:وهو مبتسم مستحيل
ومرت الايام وخطبنا اني واحمد سوينا حفلة
بكل ثانية يجي ع بالي ايسر واتناسى مااريد شي يخرب فرحتي
وهسة اني مرحلة رابعة ومخطوبة دااعيش حياتي الجديدة وي احمد
واتمنى دعواتكم الي
هاي نهاية قصتي 🤍

الكاتبة:جنات