ගෙවි ගිය දෙසතිය ගෙවාගත්තේ කොහොමද කියලා මහින්සවත් දන්නේ නෑ...
එකම දවසේ තම මව පියා සහෝදරිය සහ ඇගේ ස්වාමිපුරුෂයාගේ ජිවිතවලට සිදුවන අනතුරු ගැන මහින්ස දැනගත්තේ අන්තර්ජාලය හරහාය.
වාහන අනතුරෙන් තම මව සහ සොහොයුරිය දරුණු ලෙස තුවාල වුනේ ඇගේ නූපන් බිළිඳුන් සදහටම මෙලොවින් සමුගත්දීය... ඒ අයගේ ජිවිත යන්තමට රැකුනා වුනත් තම පියා ගිලන් ඇදක් මත ජිවිතයත් මරණයත් අතර දැඩි සටනක උන්නාය.
සියල්ල මහින්ස දැනගත්තේ ඔහුගේ මිතුරා මාර්ගයෙනි.
මේ සියල්ල තම පියගේ වැරදිය.. නමුත් වරදට දඩුවම් විඳින්නේ ඔහු පමණක් ද ?
' මහින්ස උඹ අවුල් වෙන්නේ නැත්නම් මං දෙයක් කියන්නද ?
' තව මොනවද බං මට අවුල් වෙන්න තියෙන්නේ '
' එක්කෝ ඕන්නෑ බං ...'
' කියපන් සෙහන්ස '
' මට තේරෙන්නේ නැ මහින්ස ...ඒත් උඹට මේක දැනගන්න අයිතියක් තියනවා කියලා මට හිතෙනවා '
' ......'
' උඹේ පවුලට වෙච්ච දේ පිටිපස්සේ ඉන්නේ අපි මැරුණා කියලා හිතාගෙන හිටිය උඹේ සර් , ආදිත්‍ය කේශ්වර බං '
' සෙහන්ස !!! '
' ඒ කොහොමද මං දන්නේ නැ බං, ඒත් එක ඇත්ත කියලා විතරයි මං දන්නේ , අනික මං දන්නේත් එච්චර විතරයි '
එදා සෙහන්සගේ දුරකථන සංවාදය තවමත් මහින්සගේ කන් ඇතුලේ දෝංකාර දෙනවා...
" මහින්ස "
" මහින්ස "
" මහින්..ස !!!, කෙනුල් අඬවනවා ඇහෙන්නේ නැද්ද ඔයාට, මොන ලෝකේ ද මල්ලි ඔයා ඉන්නේ ? "
මෙච්චර වෙලා කල්පනා ලෝකේ හිටිය මහින්ස ඉන් මිදුනේ තුහිනගේ හඬට, කෙනුල්ගෙ ඇඬිම වුනත් මහින්සට ඇහුනේ දැන්.
කෙනුල් ලගට යන්න ලැස්ති වුනත් ඒ වෙද්දී කෙනුල් හිටියේ තුහිනගේ අතේ.. මහින්ස ගෙවි ගිය දෙසතිය තුළම තමාව මඟහරින බව තුහින නොදන්නවා නෙවේ. එක අතකට ඔහු සාධාරණය.
