حصوه:بصراحه عمي طارق
حمود:عمك طارق؟ ايش صار بالضبط
حصوه:تحيد يوم سرت بيت امايه لاني من شهور مازرتها
حمود:ايوه
حصوه:قالت لي نسير بيت يدي ونسلم ع اهليه لانه من عرست ماسرت صوبهم وعمي طارق هذا الكل يخاف منه وهو من النوع العصبي
حمود بدا يعصب:حصه ايش سويتي عشان يضربك!
نزلت حصوه راسها:عشان تزوجتك
حمود يطالعها:شقصدك
حصوه:عمي كان يباني لولده ومحيره من يوم وصغيره له وخطبني يوم كبرت خمس مرات وانا ارفض ويوم قبلت فيك قلب الدنيا ومافيها اونه ولده شو فيه من عيوب عشان ارفضه
حمود:بس مو منطق يضربك وامك وينها عنك!!
حصوه:ماكان في حد كنا بغرفه بروحنا نتناقش ونسولف فجاه يوم قلت له انا مابا ولدك ومن هالكلام عصب وضربني
حمود بعصبيه ونبره اعلى:حسبي الله عليه وتراها بتبقى بذمتك البيبي الي فبطنك مايستاهل كل ذا العذاب وهو لسى ماطلع لدنيا ترا في شي اسمو قانون انا موجود ابوك اخوك كان خبرتي احد مننا ايش لو صار شي ف الي فبطنك انتي بتتحاسبين
حصوه بدت تصيح:خلاص حمود لا تزيدني
حمود:بكلم الدكتوره وعلى فكره كانت بتشتكي لشرطه ع اساس انا الي ضربتك واسمعي مارح تروحين بيت اهلك الا رجلي على رجلك وبيت جدك ما بتدخلينه حتى
حصوه:...
طلع عنها وهي يلست تصيح ويت فبالها جود تواسيها
دقت ع جود ف وقت متاخر كانت الساعه 2:00 الفير
نشت جود ع صوت رنه فونها
حمدان:منو يدق بهالوقت
جود وعيونها مغمضه من التعب:ماعرف عطني فوني ما اوصل
حمدان:يودي
جود:هاي حصوه تدق *ترد عليها* الوو حصه شفيج شو مستوي فيج شي
حصوه بنبره فيها غصه:مافي شي بس اباج تيين باجر عندي ماروم اتحمل
جود:حصوه حبيبي اذا تبين احينه بييج عادي عيوني لج
حصوه:انا ف مستشفى *****
جود:مستشفى! انا يايه
وبندت
جود:حمدان قوم قوم
حمدان:جود ابا ارقد
جود:حمدان نش
نش حمدان وحركوا عقبها للمستشفى ودقت جود لحصوه عشان تعرف وين مكانها
ساروا صوب غرفه حصوه
حمدان:انا بترياج هني
جود:تمام
دقت الباب ودخلت
أنت تقرأ
نـادر الاوصـاف 2
Actionنادر الأوصاف الجزء الثاني تدور الاحداث حول شخص يريد الانتقام من خواله ويصيب ابنائهم بمكروه
