لَهَبانِ العينُ

السرد (الاول )

تكتمل عقول البشر
حين تضهر
حقائقهم ،لابد للكبار ليست عقولهم متكامله
وهذا لاخفاء الحقيقي والمجاهدة في اخفاءها
وهذا ما دعى الناس بهي (التخلف)

بسم الله الرحمن الرحيم
________________

:هاي السنه اريدها اتبطل ومداوم
:لا شلون هيج ميصير لازم اطلع شهاده ويطلع بيها حض
: اشش سكتي انتِ وما اريد تفكين حلكج
:لا والله تره مستقبل بنتي ومو بكيفك
:احجي بعد حجي زايد وشوفي شيصير

طلعت وراحت خابرت اخوها ...
:الووو ها خويه ،اريدك بشغله ،لا مو مالت موبايل ،اي تعالي
خوش متانيتك

كاعده على الدرج اشوف امي امتانيه اخوها بلكت يحلها
لان ابويه يريد يبطلني...

شفت اخوي الاكبر مني صعد بساع للغرفه ،وصار عدي فضول اعرف شنو شبي ،رحت للغرفه مالته
اريد ادكها بس سمعته يحجي بهمس
:ها حبي ،اي تددلين لا شلون ،ميخالف ،باجر يوصلج،من عيوني ،شعدي غيرج ،خوش لعد ههه،
اي ،يله باي

استغربت بس ما اهتميت ونزلت حرت بنفسي
لان كلام مجان واضح ،شلون يعني ما راح احقق حلمي ضليت افكر لحد ما نززني صوت الجرص طفرت اريد افتح الباب ،صاح بصوت عالي خرعني
:اوكفييي اني افتح ،كم مره كلت من اني موجوده اني افتح الباب ومحد غيري يفتحها
سكتت وراح يفتحها ،رحت من المطبخ صاير على البره ومضلل الجام شفت اجه خالي وابنه وياه
:هلا بابو علي ،شلونك شلونهم الجهال اختي شلونها
سلم ابوي عليه وفوته للصاله (الاستقبال) ،فاتت امي سلمت على اخوها الي هو اسمه كرم ويصيحولهه ابو رائد ،هذا خالي عده بنيه وحده الي هاي نمار اكبر مني وعده وراها ثلاث ولد رائد ،وسيف،وخليل ،الي جاي وياه اكبرهم رائد
صارت دوده الا اسمعهم ورحت اسنط بس للاسف مجاي اسمع شي
استسلمت ورحت اسوي جاي

شوي واجتي امي كالت لبس حجاب وتعالي
:يا يمه مالي خالك البس
:لج روحي لبس اخوي وياه ابنه اطلعيلها هيج
: ايي ومالي خالك مااا بعدني صغير
غمتني وراحت
رتبت الصينيه والستكاين وصبيته ورحت اوزع فتت للصاله
رحت قدمت الجاي وسلمت على خالي وابنه ،وضليت كاعده ما طلعت ...
حجه خالي
:اي بويه تره بتك شاطره ،وما شاء الله اذا كبرت اصير
دكتوره هم ،
هزيت راسي بفرح ،انتبهت لرائد منزل راسه ومن يرفع ميباوعلي وعاكد حواجبه ،حجه ابويه
:والله اني ما اكدر اخليها ادوام يعني هي هسى اول متوسط
والمدرسه بعيده ،ويرادلها خط وكون تروح تسال عنها وال اخره...
ماكو داعي هي اول وتالي تكعد ابيت رجلها وتخلص عليمن بعد هذا الحجي
:اني مستعد اخليها تدرس واخليها يمي واكو هواي مدارس وتروح ويه بتي ،ها حجي والله اني الاكدر اسوي بس ناخذ موافقتك
ضل ابوي صافن ،وحجه
:اخذها ما دام اصير مقام بتك وخليها اداوم يمك
فرحت وطرت من الفرحه ،بس مجنت اعرف الي راح يصير
وره هاي الفرحه ،باوعت امي عليه
:لا يمه بنتي لا متروح شنو تخليها تروح
:اي تروح يم اخوج مو لغريب