(لكِ ضلُوعي روض وكفُوفي نوايّر)

٣

كان زياد ينادي اخته الجوهره
زياد بصوت مرتفع:الجوهرههه

ليان:من ذا؟
الجوهره :زياد دقيقه
وراحت الجوهره ركض
الجوهره:شفيك ماتعرف شي اسمه جوال تتصل؟
زياد:أقول ليان عندك؟
الجوهره :اي
زياد:زين، مثل ماقلت لك!
الجوهره :معليك وغيرها تراها كيوت وتجنن وأما شهد ذي لو م تمسك حركاتها بقوم أتوطاها
زياد:ليه؟
الجوهره: تخيل جت ليان تسلم عليها وسفهتها
زياد:اشوه حسبت سوت فيها شي
الجوهره:تعال برا بقولك شي
زياد:وشو؟
الجوهره: امش بس
ومسكت الجوهره اخوها وطلعو برا
الجوهره:ترا قبل ساعه أو ساعتين كانت برا ليان وكانت تطالع فيك
زياد بابتسامه:اما!
الجوهره:لا تنبسط بس
زياد:ليه؟
الجوهره: لنه م عرفتك!!!!
زياد:شلون كذا!
الجوهره: مادري لكن استغربت برضو انك انت الخيال
لكن ترا انعجبت بخيولك
زياد:طيب اسمعي بكره آخر ليل تعالو الإسطبل
الجوهره:لا تكفا ريحتها تصرع
زياد: أقول عشاني
الجوهره :طيب
زياد:شطوره ، شوفي لي الطريق بس باخذ لي اغراض
الجوهره:وين؟
زياد: نقصت مقاضي عندنا ومالي خلق اروح اجيب فا بسرق من عندكم
الجوهره: انقلع بس
زياد:اقول اسمعي الكلام
الجوهره لفت وحصلت ان شهد قاعده تطالع فيهم
ولجوهره ما عجبها الوضع
الجوهره:الزفت قاعده تطالع اطلع وانا اجيب لك الاغراض
زياد:محد بالمطبخ صح؟
وراح على طول المطبخ
الجوهره لحقته..
الجوهره:ثواني !!!
ودخل زياد واخذ بعض الاغراض وطلع
وراحت لعند ليان
الجوهره :تعالي جهزي فراشك لأنه حرفيا فيني نوم
ليان: طيب جايه

وراحو الغرفه
الجوهره :وين تبين تنامين؟
ليان وهي تأشر: هناك بزاويه
الجوهره : للأسف الجوري هناك
ليان: طيب هناك؟
الجوهره :وشهد برضو هناك
ليان :اجل وين اخمد
الجوهره :أنا أنام هنا أخمدي جنبي
ليان:تحت المكيف!
الجوهره:اي عايدي
ليان : ماقدر امرض على طول
الجوهره : طيببب....
ليان: حلوه ذي ثلاث زوايه مستحلينها
الجوهره : طيب نايم بذي الجهه
ليان:جنب رهف!
الجوهره :اي عايدي
ليان: لا والله البلشه صدق ، بنام جنبك شسوي عاد
الجوهره :خلاص

وجهزت ليان فراشها وقعدت واخذت كتابها المفضل وجلست تقرا
وعلى ساعه ١ دخلو البنات عشان ينامون
وشافت ليان ان خلاص البنات بينامو فا على طول سكرت كتابها ونامت

بالجنوب - الساعه ٩
دخلت الجده تقوم البنات
الجده: يالله يا بناتي قومو
شهد: نص ساعه ي جده
الجده: من يوم عرفتك ياشهد وأنتي تقولين نص ساعه نقوم ولا تقومون
ليان وهي تفرك بعيونها: يالله صباح الخير
الجده: شوفو بنيتي ليان قامت سمّ الله عليها
ليان وهي تقول بدخلها: قايمه عشان م اصبح على وجيه تسد النفس
وقامت ليان على طول وراحت غسلت وجهه
وتقدمت كم خطوه وطالعت بدرج
وجت الجوهره وشافت ليان تطالع بدرج
الجوهره:لا تفكرين!
وفزّت ليان:بسم الله ، من قال أفكر اطلع ؟
الجوهره: عيونك تقول
ليان:شدعوه؟
الجوهره :انتبهي ثم انتبهي
ليان: حسستوني انه في شي
الجوهره :انا علمتك
ليان:أقول امشي ناخذ الفطور ونطلع ماودي أشوف وجيه تسد النفس من صبح تكفين
الجوهره : ع حسب الأجواء
ليان:الأجواء تجننن تفتح النفس زيك هيا عاد
الجوهره :عشانك بس
ليان: يالله انتظرك خذي طرحتك معك
الجوهره :تمام
وراحت ليان واخذت الفرشه وحطتها ورا البيت
وتربعت
ليان : الله ، السحاب لونها اسود شكله بيجي الخير صدق
وجت الجوهره وكانت معاها الفطور بصحن دايري
وكل مالذ وطاب فيه بذا صحن
الجوهره : أوف امسكي وراه محطيتنا ورا البيت ؟
وجت ليان مسكت الأغراض إلا وسفره طارت
الجوهره : السفرههه
ليان وهي تضحك: الحقيها
الجوهره وهي تلحق ورا سفره
ليان انهارت من شكل الجوهره
الجوهره بصوت عالي : مسكتهاااا
ليان : يالله جيبيها ميته جوع
الجوهره : طيب ، لكن بفهم ليه جايبتنا ورا البيت؟
ليان وهي ترفع رأسها وتطالع بالإسطبل
ليان:عشان اتأمل جمال الخيول
الجوهره :الخيول ولا راعي الخيل؟
ليان:من راعي الخيل ؟
الجوهره :شدعوه!! مسرع نسيتي
ليان:عشاني م اهتميت لراعي
الجوهره وهي تقول بداخلها : هذا شلون أصارحه ؟
ليان: ماعلينا امشي ناكل