عشقت مطلقة و أولادها

البارت الخامس

البارت الخامس من عشقت مطلقة و اولادها

#مارلي_ايهاب

////////
في بيت مهران كان يجلس مع ولده المسن الذي يبلغ من العمر 60 عام

ابراهيم بتعب
مالك يا ولدي من ساعة ما جيت من بره و انت علي الحال ده يا مهران اية اللي شاغل بالك يا ولدي

مهران بحزن
حال الدنيا يا بوي اللي شاغل بالي وحالنا و الدنيا اللي اني عايش فيها

ابراهيم
مالها يا ولدي الدنيا فيها اية يعني ما احنا عايشين و كويسين اها

مهران
لا يا بوي مش كويسين واني مش عجبني عيشتي كلاتها

ابراهيم
وه ليه بس اجده يا ولدي

مهران
بسبب حالة الفجر اللي اني فيها كان زماني اتجوزت البت اللي رايدها و مكنتش استنيت لحظة واحدة و اتقدمت ليها لكن ما باليد حيلة يا بوي

ابراهيم
يا حبيبي ما انت معاك تتجوز ليه مانع نفسك و بتقول علي الفلوس ما انت معاك

مهران بحزن
البت اللي رايدها يا بوي مش زينا لا دي بت اكابر يعني اني بالنسبة ليهم شحات

ابراهيم بهدوء
وانت ليه يا ولدي تبص لناس مش قدك ليه مختارتش من اللي كيفك علشان متتعبش

مهران بحزن
الجلب يا بوي مفيوش ليه مختارتش الجلب هو اللي بيختار مش اني

ابراهيم بحزن
ربنا يريح بالك يا ولدي و تنول اللي بتتمناه

مهران
اللي بتمناه صعب جوي يا بوي صعب

ابراهيم لسه هيتكلم لقي خبط علي الباب جامد جدا و مهران قال بتريقة
مش بجولك صعب جوي يا بوي

ابراهيم مفهمش كلام ابنه ومهران راح فتح الباب و اول ما فتح القناوي اعطاه بالبوكس في وجهه وقال بعصبية
بقي يا زبالة انت تفكر في بنت من بنات القناوي اتجننت و لا اية نسيت نفسك انت و ابوك انت حتة غفير لا روحت ولا جيت انا هخلص عليك دلوجتي

ابراهيم بخوف.
في اية يا قناوي بيه احنا عملنا اية بس فهمني

القناوي بعصبيه
يعني متعرفش باللي ابنك رايده بتصتعبط انت و هو عليا

مهران بعصبية
اياك تحددت مع ابوي بالطريقة دي

ابراهيم بخوف
اسكت يا ولدي متتحددتش اسكت

مهران بعصبية
لا يا بوي مش هسكت فيها اية يعني لما اطلب زهرة لجواز يعبني اية اني مش فاهم علشان مش معايا فلوس زيكم انا انسان زي زيكم و بشتغل و باكل من عرق جبيني مش بمد ايدي و اشحت من الناس

القناوي بعصبية
انت بتساوي نفسك بينا يا حشرة اني ادوسك برجلي انت و ابوك اياك تفكر تساوي نفسك بينا مرة تانية  انت اخرك نعطف عليك اول كل شهر انت و ابوك علشان تقدروا تعيشوا نكلم الناس عنكم يدكوا صدقة يشغلوك عندهم تشتغل خدام عندي غفير تاخد بالك من اللي رايح و اللي جاي ويوم ما تفكر تتجوز تتجوز واحد زيك ابوها غفير فلاح زبال تبقوا انتم الاتنين فقراء زي بعض ولكن  زهرة تبعد عنها تماما و اياك تفكر تقرب منها و اني هجوزها لواحد من ولادي هو اولي بيها