سلسلهْ القيُد

بارت 4

{بَسم الله الرحمـن الرحيم }

التعب
عاشر گلايدنه وصفت صفره
النهر ضيگ ومامش حيل ونعبره !!
شــبـعــد ونعاشر التابوت مو متنه الف مره
******************************
عفاف :قيُد
قيُد:احجييي مو فتيت كلبي فت
عفاف :شايف عار يموت
ضحك قيُد وشبك عفاف كأنو مُلك الدنيا
عفاف :اساساً بس اتزلغ ولا مضروب ولا طلقه من شفت دمه كلت ميت شو نزعته بس مزلوغ
قُيد :جا شماله وكع وخلاني اشيله
عفاف :معوز حنان وداعتك
اسيل :يعني جسُر هسه مابي شي
عفاف :منو الحلوه
قيُد :عفاف عادي تعوفهم يمك بس هالفتره على ما الكالي مكان اكعدهم بي
عفاف :بدون متطلب صدك جذب
اسيل :علي وين ؟
عفاف :جوه نايم
عفتهم وطبيت الغرفه البيه جسُر رحت كعدت يم راسه جان مفتح عيونه يباع على سكف
اسيل :هسه شكلك انا من طلع مابيك شي
جسُر :كولي الحمدالله على سلامتك غالي ان شاء الله متشوف شر الف الحمدالله رجعتلنه سالم والله كلبنه راح عليك
اسيل :سيحفظني ياها طويله انت كلته بعد
جسُر :شبيها كصتج
لزمت كصتي اتحسس مكانه جان بيها وجع قليل
اسيل:اتوقع من الكتل
جسُر :يلا انا ماكل كتل اكثر منج هاي انتِ بعدج اول كتله
اسيل:جا انا شعلي بيكم خوب انتم انكتلو
جسُر :شكد ادبسزز المفروض تكولين لا اسم الله
اسيل :على كوله عفاف معوز حنان انتَ
بجه علي رحت علي اشيله العبه
اسيل:علشه علوشات خيب عليوي الحلو الصاك
جان علي اسمر حيل رغم طفل بس جان اسمر سماره داكن اما جسُر لا جان ابيض وعيونه لون خضر شكله حلو بس وصخ اما قيُد شكله طبيعي حنطاوي عيونه بيهن لون قهوائي اما انا جانت عيوني زرك شلون كلنه منجمعين بيت واحد واحنى شخص يختلف عن الثاني مادري وعفاف جان ابيض بس عيونه سود بارزات كلش وي رموشه وحواجبه طب قيُد بيده علاكه كعدنه كلنه ناكل حتى عفاف ويانه جان البيت غرفتين وممر صغير مثل المطبخ بس بيت تعبان بي غراض قليله ضلينه يومين نفس روتين اليوم الثالث جسُر راد يطلع وعفاف ما خلى رحت استمع الهم من ورا الباب لزكت روحي
عفاف :مخبل يعقوب وكيان وجماعتهم يدورون عليك وتريد تطلع
جسُر :ماعدي شي وياهم شيسوولي يعني
عفاف :انتَ بأمانتي ماكدر اخليك تطلع لحد ما يجي قيُد
جسُر :ذا اجه ميخليني اطلع
عفاف :طبك مرض اكرص دوده واكعد
طب جسُر يتأفأف رحت كعدت يمه
اسيل :جسوري سولفلي من اخذك ابو الخضره من شرطي وين وداك
جسُر :ماخذني
اسيل:چا شلون
جسُر :منو علمج على الچا صايره تلعبين نفس كولي لعد چا وعيونه زرك وين لكيتيها
اسيل :شدخل عيوني هسه
جسُر :باعي هسه اني افيك على ناس مو عيوني خضر مرات اكشخ وكله لعد وداكل وداشرب عبالهم مثقف ميدرون مسربت
اسيل :يعني اصير نفسك ؟
جسُر :ب ضبط هاي الچا عوفيها القيُد وعلي ذول ملحين احنى حلوين
ضحكت بصوت عالي على صوت ضحكتي طب عفاف
عفاف :ضحكونه وياكم
جسُر :جاي اضحك عليها وهيه تضحك علي تريد تجي نسويك مضحكه
اسيل :لا تغير موضوع جسُر سولفلي
عفاف :شيسولفلج
جسُر :شلون اهلي شمروني
عفاف :لا اذكرينه بعاره
اسيل :عادي اهلي هم شمروني
كعد جسُر تربع كدامي
جسُر :يمكن لا ماشمروج يمكن نخطفتي يمكن ضعتي يمكن
سكت ماكمل
اسيل :يمكن ميردوني
عفاف :اسوله الحلوه باعي احنى هنا كلنه عدنه قصه انتِ ذا ضليتي اتفكرين بهاي الطريقه راح تعبين وتعبين روحج
اسيل :هسه غير جسُر يخلص قصته
جسُر :خب شخبصتيني هو اخذوني شرطه فتره يمهم وبعدين سلموني دار ايتام هناك عرفت عفاف
عفاف :ساعه السوده الاجيت بيها لهناك لعبت بعقلي وشردتني
جسُر :لو ما مشردك جا ماعرفنه قيُد
عفاف :دوهنتوني وياكم انا رجال فقير
جسُر:لا لاااا اسيل لا تعفطين واصله والله
حط ايده على حلكه وعفط بصوت عالي ضحكت من صوت غصيت بضحكتي
عفاف :اسيل المختصر المفيد هو لعب بعقلي علمود نشرد من الميتم
اسيل :انت يتيم
عفاف:اي بس ابوي ميت امي عايشه بس تزوجت خوالي ميردوني وجابوني للميته برادتهم
اسيل :شكد جلاب
عفاف:اي والله
اسيل :عبالي راح تخبزني
عفاف :عليمن
جسُر :لا احساس ولا ضمير وحگ ربج
اسيل :علي هم دوهنتو وياكم
جسُر :علي انا لكيته
اسيل :وين
جسُر :بزباله
اسيل :لا الله عليك
عفاف :اي والله جنه ندور زبايل ولكينا ملفوف وجبنا القيُد وصار ويانه تقريباً 8اشهر
اسيل :شكد عمره هسه
جسُر :ثمن اشهر
اسيل :شلون عرفت
جسُر :احنى نحسب عمرنه على الوقت الي نلكينه بي
اسيل :يعني انا عمري هسه سبوع
عفاف :انتِ هسه عمرج 12
اسيل :شلون عرفت
عفاف :مبين من شكلج عمرج يوحي هيج
جسُر :لا تقريباً 13مو 12
اسيل :قيُد شكد عمره
عفاف :22
اسيل :جبير
عفاف :اني 20وجسُر 21نعرف اعمارنه من الميتم
اسيل :قيُد جان وياكم يعني
جسُر :لا قيُد عاف اهله وطفر
اسيل :يا ليش
عفاف :شكد تسألين
اسيل :جا وين اروح
كام عفاف طلع وجسُر لف راسه ونام مرت هيج ايام هادئه وبيوم اجه قيُد
قيُد :يلا كومو خلنروح
اسيل :وين
قيُد :بيتنا
جسُر :قيُد لو عايفني اساعدك هسه شصار
قيُد :تساعدوني مو عبالكم خلصت يلا كومو يلااا
كمت فرحانه بيدي علي اخذه جسُر من ايدي وربطه بركبته وطلعنه نمشي بعد ما ودعنه عفاف
جسُر :اليوصل اول هو ربحان
اسيل :ماندل انا
قيُد :ركضي وراي يلا
رحنه نركض بسرعه الضحكه مرسومه على وجهنا قيُد جان كلش سريع كل كا اتقرب منه يبعد اكثر وكف خال ايده على على رجله ويتنفس سريع
اسيل :تعبت
قيُد :لا فحطت
اسيل :اقصد انا تعبت
ضربني على راسي
قيُد :لوتيه
وصل جسُر يركض وعلي يطير من ركبته
اسيل :خضيته الطفل خض
جسُر :هو متونس على الشغله يضحك
فتح الباب قيُد وطبينه جان اول مندخل ممر صبه ومثل الصاله خال بيها قنفه وحده وطبله ومطبخ صغير بصف الصاله وغرفه على اليمنه وغرفه على اليسره السكف جان بي رطوبه بس ماجنه نهتم بشكل كلش فرحانين بي
اسيل :اللله هذا بيتنه
جسُر :راح يوكع علينه يا الله
اسيل :شبيك نسوي
قيُد :طبعاً نسوي بس اول خ الكه شغل
جسُر :اشتغل وياك
قيُد :انجب
اسيل :اشتغل وياكم
حجو ثنينهن :انجبي
شبكنه كلنه قيُد
قيُد :تستاهلون اشلعلكم عيوني مو بس اشتغل علمودكم اريدكم كدامي وتسندوني لو طحت بس لا تلوحكم اذيه
جسُر :شكد معوزحنان دوخر جعصتنه
اسيل :دنجب غير حضنه دافي
كعدنه على القنفه وقيُد يسويلنه اكل يوميه وناكل وهو وجسُر ينامون بغرفه وانا وعلي لوحدنه بغرفه كمت اتعلم التنضيف من يطلع جسُر للشغل التهي انضف البيت يرجع قبل المغرب بيده لو صمون لو خبز صار عمر علي سنه ونص على هلحال ف كمنه نطلع انا وجسُر وعلي من يروح قيُد للشغل نلم قواطي كراتين ونحاس اي شي كدامنه جانت بيدي كونيه ولابسه الثام على وجهي واجه علي يمشي على سريع
علي :تيل هات
اسيل :شنو هاي علاوي مين جبتها
علي :ناك (هناك)
اشر على حاويه الزباله جانت محفضه رجاليه فتحت المحفضه بيها صوره طفلتين صغار ما يقارب عمرهن ال ست اشهر وفلوس هواي بلمحفضه وصوره شخص اسمر شوي جبير واكو رقم تلفون رحت لجسُر
اسيل :جسُر علي لكه هاي المحفضه
جسُر :شو اخذها من ايدي يدور بيها
جسُر :يمكن ضايعه من احد
اسيل :اي هذا رقمه موجود
جسُر :ناخذ لفلوس ونرجلعه الصور
اسيل :لا قيُد مو دائماً يكول النه الشي تلكونه ترجعونه الصاحبه
جسُر :بس منعرف صاحبه
اسيل :بس عدنه رقمه خابر علي
طلع تلفونه يدك الرقم دك مرتين ماكو رد
جسُر :الله دزهن النه هديه تعال عليوي امعطك
شال علي يبوس بخدوده وذاك مات من ضحك حط الصور بيدي وراح يمشي بيده الفلوس باوعت على صور هاي الجهال وين شايفتهم وحتى الزلمه اعرفه بس مجاي اذكر وين شايفته رجعنه للبيت ننتضر قيُد صار المغرب طب قيُد وكفنه نصدمنه من شكله جان راسه ينزف وادي متعورات وملابسه نصهن مششككات ركضنه علي
اسيل :قيُد شبيككك منو سوه هيج وياك
جسُر :لكككك احجييي منو هيج سوه دليني علي
قيُد :وخرو عوفوني
كعد على القنفه اجه علي كدامه عيونه مدمعات
علي :ننو تتلك (منو كتلك)
قيُد :محد حبيبي تعال ابوسك هاج اسيل الخبز سويلنه لكمه ناكلها
اخذت الخبز من ايده وعيوني تصب دمع ضل يباوع النه بحسره بس ميكدر يحجي لان علي بحضنه جسُر كوه متحمل شال علي وطببه للغرفه رحت انا للمطبخ سويت طماطه بطعم الدموع مادام اكصص مادام ابجي بس اريد اسكت خلصت خليتها على طبله الكدام القنفه كعدت افرك بيدي طلع جسُر من الغرفه
جسُر :قيُد ذا ما حجيت ياهو سوه بيك هي لا اعرفك ولا تعرفني يا اخي ليش ساكت على الاهانه اكل ب اهانه منريد شبيك انتَ
جان قيُد هادئ كلش سحب الصينيه
قيُد :اكلو
اسيل :قيُد منو سوه بيك هيج
قيُد :كافيييي اسكتوو اكولل اسكتوووو وكعدووو اكلووو مالكم دخلل منو سوه هيج وشيصير بيها احد يدخل معاتب عليكمم عوفوني بضيمي
اسيل :مامجبور تتحملنه
قيُد :اسيل كومي نامي
اسيل :مو دائماً نشوفك بهل حاله ولازم نسكت منحجي شي او تكللنه ليش دايعنفوك لو تترك الشغل
كام عصبي عروك كصته طالعه ودم يبس على وجها
قيُد :مووو ........
للحكايه بقيه .....
يتبع.....
الانستا :🌸

1373كلمه