المغرب قامت لطيفه و صلت الصلوات الي طافتها و عقب طلعت لها مخوره مع شيله و لبستها و نزلت تحت و على طول راحت جهه البنات
ساره : يلا قومو
كلهم : وين
ساره: بنطلع
هند : منو بيطلعنا
ساره: حمود
لطيفه يلست : أنا م بي بتم
ساره تسحبها : قومي قومي هالطلعه انتي أساسها هو بيطلعنا عشانج
لطيفه : والله مب متفيجه
زينب تقومها : قومي قومي نبا نطلع نحنا
لطيفه : عشانكم بس ولا مالي خاطر أصلا
راحو فوق و بدو يتجهزون
لطيفه بملل : ياخي مابا
سلامه : مب كيفج نبا نطلع نحنا
لطيفه سكتت و كملت مكياجها
لطيفه شوي و بتصيح : ياخييي مب يالس يستوي عدل
سميه : شو
لطيفه : الايلاينر مب يالس يستوي
ساره : تعالي بسوي لج
لطيفه : مابا انتي تعالي
ساره : تباني اسويلها و تتشرط
لطيفه : ولا كانّه انتي الي قايله بسوي لج
ليلى : الحين انتو يوم تكونون بروحكم جي
لطيفه شافت ساره و ساره شافتها و نقعو ضحك
سلامه تضحك بصدمه : اويههه شو قلتي انتي جي يضحكون
ليلى : مادري عنهم
سميه : صدقوني مستلبسين مب طبيعين
هند: شو فيهم هايل
لطيفه تمسح دموعها : تذكرت شي
هند: اويهههه صدق مب طبيعين شو تذكرتي جي تصيحين
ساره تضحك : ولا شي ولا شي
كملو يتجهزون و عقب كل وحده لبست عبايه لون و عقب نزلو تحت و هم نازلين علي طلع بويهم
علي : وين رايحين
هند : ماعرف حمود بيطلعنا
علي : هيه " مسك ايد لطيفه " تعالي شوي
راحت لطيفه وياه
علي : ليش م نزلتي عقب
لطيفه : نمت
علي : هيههه " شافها من فوق لتحت " بتروحين جي
لطيفه : هيه ليش
علي : تسألين بعد
لطيفه ترفع فونها و تبطل الكام : مافيه شي شكلي
علي : لطيفه لا تنرفزيني كل هالمكياج و عباه ملونه و عطرج سابقنج و تقولين مافيني شي
لطيفه : مكياجي بخففه و عباتي غامجه و ع العطر أنا مب حاطه عطر
أنت تقرأ
من طفوله تعيسه إلى حياه رفاهيه
Actionلطيفه امها و ابوها مطلقين و كانت عايشه مع ابوها و يحرمها من امها و في يوم اكتشف ان امها شافتها و ....
