من طفوله تعيسه إلى حياه رفاهيه

29

راحو قوم حمد البيت و علي و لطيفه تمو يتمشون فالمطار لين وقت الطياره لطيفه شافت سوق حره ( دكان بقاله الي هو )

لطيفه : علي بدخل

علي : يلا

دخلو و لطيفه خذت واااايد لبان و كندر

علي : خيبه ليش كل هاللبان

لطيفه : ماعرف عندي احساس ان مالهم خايس

علي ضحك : يلا امشي

دفع علي و عقب تمو يتشرون شوي و عقب ركبو الطياره يلست لطيفه عند الجامه

لطيفه : وين اللبان الي خذناه

علي : فوق ليش

لطيفه : ييبه

وقف علي و ياب اللبان و يلس مره ثانيه و عطى لطيفه

لطيفه تمد له : م تبا

علي : لا م احب اللبان أنا

لطيفه : صدق ؟

علي : هيه

لطيفه : اممم

علي : شو رايج ف هالسفره نتعرف ع بعض اكثر و ع شخصيات بعض

لطيفه : يعني م تعرف شخصيتي تعرفها بس أنا الي م اعرف شخصيتك

قالو ان لازم يربطون الاحزمه عشان الطياره بتطير و اول م جي قالو لطيفه ربطت الحزام و سكرت عينها بالقو

عقب م طارت الطياره

علي : طارت الطياره فتحي عينج

لطيفه فتحت عينها

علي ؛ تخافين

لطيفه : لا

علي : عيل

لطيفه : بس جي

علي : هيه شو بتسوين الحين بترقدين

لطيفه : هيه

رقدو علي و لطيفه و لأنهم م كانو نايمين عقب عشر ساعات قامت لطيفه راحت الحمام و عقب ردت يلست مكانها يت المضيفه تسألها لو تبا شي

المضيفه : do you want something

لطيفه : water please

المضيفه : ok

عطتها الماي

تمت لطيفه يالسه تشوف فلم لييين قبل الهبوط بشوي قومت علي

لطيفه : علي علي يلا قوم

علي : دقايق بس

لطيفه : شو دقايق يلا قوم انت مب ف البيت

علي قام : وصلنا

لطيفه : هيه الحين بتنزل الطياره

علي وقف: عيل أنا بروح اغسل ويهي و بس

لطيفه مسكت ايده : لا الهبوط الحين م يستوي تمشي

علي : بسير و برجع ع السريع