في الحاجز باحدى المناطق السعوديه،
بيت فواز بوسط شوارع مكه حي النسيم،
~ بيت فواز~
وقف سيارته عبد العزيز و نزل من السياره و توجه يدخل البيت وعقد
حواجبه من هدوء البيت والتفت يمين يسار يشوف الاضاءة الخافته
والواضح مافيه احد، ورفع نظره من طلعت اشواق زوجه اخوه ولابسه جلال الصلاه ونطقت : انت هنا؟
عبدالعزيز هز راسه بالايجاب ونطق: ليه وين راحو كلهم؟ماعطوني خبر
استغربت وجيتو مافي احد،
اشواق بهدو : راحو العزيمه توقعت انك رحت معاهم،
سكت عبدالعزيز وهز راسه بالايجاب : تمام اسف ما كان عندي علم و دخلت فجاه بس توقعت اهلي موجودين عموما خذي راحتك انا طالع لمشوار بس جيت ابد ثوبي،
هزت راسها اشواق وابتسمت و مشى عبدالعزيز يصعد لغرفته،
رجعت لشواق دخلت غرفتها وقفلت الباب ومشت جلست على طرف السرير والتفتت تشوف عيالها عساف وسجل نايمين و ابتسمت وهي تناظر فيهم و رفعت نظرها من رن جوالها،
~بيت صالح في جده البهية~
كانت ريناد بغرفتها بدات بجامتها و عدلت شعرها على السريع وركضت نزلت تحت و ناظرت لامها: وين جدي؟
ام ريناد: راح مع ابوك خده للحديقه يغير جو وانتي وش عذرك اليوم صحيتي متاخره ،
ابتسمت ريناد وهمست: سهرت،
ام ريناد وهي تاخذ الدله القهوه: خلي يجي ابوك و يسحب منك هالايباد الي ماغير تتابعين فيها المسلسلات و تسهرين،
ريناد مشت تجلس جنبها: اوف يمه والله ماسهرت على المسلسلات
كنت اسولف مع عبير بنت عمي ،
رفعت نظرها ام ريناد: وهذي عبير عندها شي غير انها تحش بزوجه اخوها؟ وانتي حاطه عقلك بعقلها و تسمعين سوالفها،
ريناد بكذب: تصدقين لو اقولك انها ماجابت طاري وداد؟
التفتت عليها ام ريناد : ماراح لاني عارفه طبع عبير ،
ضحكت ريناد و قربت تحضنها و دفتها ام ريناد: ابعدي عني تسوين هالحركات عشان اسكت عنك،
ريناد بعفويه: شدعوه يمه بكره بتزوج وبتصيرين كذا تكلمين زوجي عني؟ و اسحب منها الايباد و اسحب منها ذا وذا ،
ناظرت فيها ام ريناد: اي اكيد اذ اضطريت راح اسوي هالحركات،
ضحكت ريناد وكملت: لاطبعا وقتها مالك دخل فيني خلاص بيصير هو المسؤول ويمكن يسمح لي اسهر و يسهر معي،
رفعت نظرها ام ريناد: انتي مو كانك صايره قليله ادب؟
-
~ بيت يوسف في المكه المكرمه ~
نزلت ام عامر وهي تبخر البيت وعبير بالمطبخ تجهز القهوه،
وداد نزلت من الدرج و عقدت حواجبها من ريحه البخور و ناظرت ام عامر : غريبه عمتي شصاير من جاي؟
طلعت عبير ورفعت نظرها: حابسه نفسك بالغرفه لو تطلعين و تخالطين البشر الي موجودين اكيد راح تعرفين، وشمقت بعيونها و صدت والتفتت على امها الي عطتها نظرات و نطقت : وانا صادقه يمه ليه تطالعين كذا؟
صدت ام عامر وناظرت ل وداد ب ابتسامه: محد جاي اليوم بس ننظف ونرتب البيت بيجي صالح مع عائلته عم عامر،
وداد صدت عن عبير و همست: لايكون يجلسون هنا ؟
عبير: واذ يجلسون وشفيها؟ بيت ابوك وانا مدري ؟؟؟؟
ام عامر بحدها: عبير روحي شوفي القهوه،
مشت عبير بقهر و دخلت المطبخ تشوف القهوه،
ام عامر ناظرت وداد الي انقهرت من عبير : لا يابنتي ماراح يجلسون هنا في فندق قريب من بيتنا حجزو هناك،
وداد هزت راسها: بالعافيه عليكم جمعتكم انا اروح لاهلي،
ام عامر بصدمه: هاو ماتجلسين تشوفينهم ويشوفونك ؟
وداد: لا ياعمتي انا شبعت من كلام بنتك و خربت لي نفسيتي اروح عند اهلي و ارتاح ، وصدت مشت ترجع ل فوق ل جناحها ،
مشت ام عامر دخلت عن عبير: كم مره اقولك لاتحطين عقلها بعقلك ! ولاتتكلمين معها ، ليه تسببين مشاكل ؟
عبير : والله ياامي ماقلت شي غلط هي حابسه نفسها طول الوقت بغرفتها ولا داريه عن شي طبيعي ماراح ندق باب عرفتها ونعلمها والله ياوداد عمي و عايتله جاين!
ام عامر : خليك منها ياامي مالك دخل فيها انتي عارفه انها من هالنوع خلاص لا تتدخلين فيها ماودي اخوك يزعل او يعصب او يهاوشك ،
عبير يخسي يسوي شي لا هو ولا زوجته الضعفه ،
الحمدالله ابوي باقي حي ،
تنهدت ام عامر و صدت تطلع من المطبخ : يارب صبرك،
_____
~ بيت صالح في جده البهيه ~
طلعت ريناد للصاله و وقفت تسمع وهي تسمع صوت الباب ابتسمت و طلعت : توي جيت اتطمن اذ رجعت ،
ابتسم يفتح حضنه مشت ريناد تحضنه: ميسووو ،
ناظر فيها ثواني و همس : جهزتي اغراضك؟
هزت راسها بالنفي: اتغدى واتجهز بكل روقان ،
ابو ريناد: لا متاخر يابنتي هم بانتظارنا بنمشي الاسبوع الجاي ، و دخل ومعها للمطبخ و رفع نظره و ابتسم: وش طابخه لنا ست الاكل؟
التفتت ام ريناد: ملوخيه مع رد ابيض،
ابو ريناد بضحكه: الاكله المفضله عندي و عند ريناد ،
رفعت نظرها ريناد: الا صحيح ابوي وين جدي
ابتسم ابو ريناد : والله يابنتي جت عمتك و اخذوه بيجلس عندهم و يجي بعد كل شهر كلعاده المسكين شهر عندنا وشهر عندهم مانشبع من حنيته،
ابتسمت ريناد بخفه و كمل صالح: راح لمدينه و تصدقين ياريناد ان كان مبسوط؟ يقول راح يفتك من الرطوبه جده،
شهقت ريناد : جدي مبسوط ان راح من هنا؟ عيب والله،
ابتسم ابو ريناد وناظر فيها: اليوم طالعه لمكان مع صحباتك؟
هزت راسها ريناد وهمست : اكيد امي معلمتك؟
التفتت عليهم ام ريناد : اي انا علمته وإنك ناويه تروحين مع البنات و بترجعين متاخر،
ريناد : شدعوه امي ماني رايحه لمكان ثاني كلها بنجلس عند البحر نلعب بلوت و نسولف و نرجع كلهم البنات ،
ام ريناد: حتى لو البنات ماينفع تجين وقت متاخر ،
سكت ابو ريناد يناظر فيها بهدوه ويسمع هواشها مع امها،
و نطقت ريناد: تكفى ابوي ارضى!
تنهد ونطق: اخاف عليك ياريناد مالي غيرك بهالدنيا مستحيل افرط فيك و اتركك تطلعين مع بنات لوحدك وتجين متاخر انتي عارفه اني اكثر انسان بهادنيا احبك والله إنك من يوم مادخلتي بحياتي انا و ناديه تغيرت حياتنا لدرجه مو قادره اوصف لك ماودنا نفقدك حنا نخاف عليك يابنتي ارقفي فينا وفي حالتنا ولا تعاندين والله ثم والله لو انجرح طرف اصبعك اعجز انام طول الليل اقعد خايف عليك ،
ابتسمت ريناد بهدؤه وقرب صالح يحضنها من جنب و نطقت ريناد وهي تناظر فيه: طب ابوي بخاطري والله! اوعدك ماراح اتاخر صدقني والله البنات كمان يحبوني ويخافون علي ،
رفعت نظرها ام ريناد : يعني مصره على عنادك،
سكت ابو ريناد لثواني ونطق: طيب ماراح نردك روحي بس اوعديني ماتقفلين جوالك كل مااتصلت عليك تردين!
ابتسمت وهزت راسها بالايجاب و قربت تقبل جبينه وتبعد و كمل كلامه صالح: عدلي عبايتك زين و انتبهي ل نفسك و ان حصل معاكم شي اتصلي علي و راح اجيكم ركض ،
ضحكت و نطقت: لاتخاف ان شاء الله مايصير شي،
و سكتت ثواني و كملت : اروح اكلم البنات واجي نتغدى ،
تركتهم ومشت فوق ، و التفتت ريناد : ليه سمحت لها؟
ابتسم ابو ريناد: و كيف اقدر اردها اتركيها تسنانس بالنهايه هي بنت تطفش مالها احد بالبيت غيرنا الاثنين و اكيد تطفش و تبي تطلع تسنانس نفس باقي البنات ،
ام ريناد : اخاف عليها من البنات السوء ياصالح ،
هز راسه صالح بالنفي : بنتنا تربيه اخوي و زوجته قبل اكون تربيه يدنا هي تربت على يدنا ويد اهلها و انا اوثق فيها ياناديه بنتي ماراح تنزل رايي بيوم او تكسر ثقتي ،
ابتسمت ام ريناد و نطقت: ان شاء الله و خلنا نقفل هالطاري و روح غسل يدينك و انا بجيب الغداء ،
