رواية ( نسائم عشق) الكاتبة/ سلمي سمير

, الفصل الثاني

#البارت_الثاني
#نسائم_عشق
************
بعد.وفاة صالح أصبحت عشق مسؤولية من نوح الذي امتلك شركة أبيه وكان وصيته له أن تديرها ابنته من بعده مقابلة التنازل عن نصفها له
فأخذ نوح قراره بأن تمكث عشق صاحبة السابع عشر ربيعًا في فيلته لتكون تحت رعايته
لكن اتي رفض والدته للإقامة معهم سبب لقرار اخر أخذه نوح في حينه حين بررت أمه رفضها قائلة:
اسمع يا نوح انت سمعتك واسمك واسم اختك اهم عندي من صداقة صالح لابوك
مش هنكر أن فاطمة اكيد ربت بنتها كويس لكن الناس ملهاش غير الظاهر وإقامتها معانا في بيت واحد هيكون سبب للشائعات وسوء الظن بيك

غمغم نوح بريبة شاعرًا بخبث نوايا والدته برفض إقامة عشق لديه، فهو لا يعيش وحده حتي تطاله  الشائعات أو سوء الظن به، فوالدته  تقيم معه، وهي سيدة معروف عنها كرمها ونبل اخلاقها وكذلك أخته الطالبة الجامعية شريكته في المجموعه ميراثها من أبيها والتي أوشكت علي التخرج لتساعده في العمل وإدارة المجموعه معه،
لهذا استخدم نوح دهائه وذكائه الفطري للإيقاع بوالدته لمعرفة نواياها الحقيقة في رفض إقامة عشق لديهم، لهذا مثل عليها قلة الحيلة وسألها المشاورة  كي تكشف عن نواياها الحقيقة وقال:
طيب والحل يا ماما معقول هنسيب البنت تعيش لوحدها بعد موت ابوها، دي مبقاش ليها حد غيرنا

ابتسمت والدته بمكر وردت عليه هاتفًا بحزن كاذب:
هو مفيش غير حل واحد بس مش عارفه هتقبله ولا لاء غير كده استحاله هقبل وجودها معانا

غامت عيناه بغموض وتهكم  قائلًا بسخرية مبطنه بالقلق:
طيب كويس ان في حل الحقيني بيه، خلي ضميري يرتاح واحس اني رضيت بابا في آخرته برعايتي لبنت صديقة
وصاحب عمره وشريكه عمو صالح

طالعته والدته بحيرة من امره، فهي تعلم جيدًا ذكاء ابنها
وخشيت أن يكون كشف أمر حيلتها ويحاورها ليتأكد ،لهذا ظلت تحدق اليه طويلًا وبعد برهه من الوقت والتفكير قالت:
الحل انك تكتب كتابك عليها عارفه انك هتقول انها صغيره ومش هتناسبك، ده غير انك مش  بتفكر بالجواز دلوقتي
لكن ده هيكون حل مؤقتا لحد ما تبلغ سن الرشد ووقتها نبقي نشوف حل تاني، مش يمكن  وقتها بكون حد اتقدم ليها وطلبها للجواز وبكده تكون ريحت ضميرك، ها قلت ايه

كتم نوح ابتسامته حتي لا تعرف والدته أنه كشف حيلتها، طالعها بريبة مزيفه، وجلس علي الأريكة وضاعًا ساق فوق الاخره،، واخذ يحك ذقنه مفكرًا، وفجأة تنهد بقوة قائلًا:
فعلا مفيش غير الحل ده اللي يرضي جميع الاطراف، وكمان يكون سبب قوة لتنازلي عن الشركه لها، كانه مهره بدون ما تحس أنه شفقه  أو مساعدة  بمن بيها عليها
بس  معلش هيكون في تعديل بسيط ودي بقي مهمتك توصليها ليه يا ست الكل

ارتسم الارتياح علي محيا والدته وسالته بلهفه:
تعديل ايه اللي بتفكر فيه ومهمة ايه اللي اقوم بيه

نهض نوح فجاة ثم دنا من والدته وانحني عليها محدثها بغرور واثق:
انا موافق اتجوز عشق، بس مش زواج علي ورق لحد ما تبلغ سن الرشد، انا هتجوزها رسمي وهتمم زواجي بيها، لان مش زوجة نوح المنشاوى اللي تحمل اسم راجل بعده الا لو مات، ها قولت ايه يا ست الكل
هتقدري تقنعي عشق بزواجي منها ولا توافقي تجي تقعد معانا كاخت ليا ولرانيا وابنه ليكي...!