الصقر

البارت 5

صقر اخد جمال و قعد بيه في مكتبه ....تشرب ايه يا استاذنا

جمال :لا مالوش لازمه

صقر :والله ما يحصل لازم تشرب حاجه شويه شاي كدا في الخمسينه و نده بصوت عالي ....واد يا حوده اتنين شاي سكر باره خير  يا استاذ جمال

جمال: خير ان شاء الله انا كنت عايز بس اشتري شقه في العماره عندك

صقر :العماره كلها تحت امرك يا استاذ شاور و اختار الشقه اللي تعجبك حتي و لو من اللي فيها سكان ارمهوملك باره و مفتاحها يبقي بين ايديك

جمال بص  لصقر و هز راسه.....مش للدرجه دي يا معلم كتر خيرك انا كنت عايز شقه عشان تبقي للبنات حاجه كدا يعني يتسندو عليها الزمن مالوش امان

صقر : ربنا يديك الصحه يا استاذ و يخليك ليهم و تفرح بيهم
و دخل حوده حط شاي قصادهم .....تامر بحاجه تاني يا معلم صقر

صقر :لا يا حوده تسلم

جمال انتظر حوده يخرج و كمل كلامه بحذر :نفسي والله يا معلم اني اسلمهم للرجاله اللي تستاهلم و خصوصا نجوي
صقر اما جاب سيره نجوي ابتسم و جمال كمل كلامه ....عشان البت متعلمه تعليم عالي و كلها كام سنه و تبقي مهندسه و عشان كدا  عايز اديها لواحد شبها يقدرها يكون نفس تعليمها عشان ماينفعش يكون اقل منها و تكون هي بتتكلم في حاجه و هو دماغه في حتي تانيه انا شقيت و تعبت عليهم و دا كمان ليك يا بني انت اختك مشاء الله عليها اديها للي يستهالها عشان ماتتعبش و تجوزها واحد من الوغش اللي هنا دا اللي يدوب بيفكو الخط صدقني هي اللي هتتعب لان جوزها مش هيقدر يتعامل معاها

صقر ابتسم ليه و اتكلم طبيعي : اكيد طبعا يا استاذ جمال انا عارف دا كويس و انا عمري ما هدي اختي غير للي من توبها و يقدرها و اكيد مش هامن عليها مع حد من الوغش اللي هنا

جمال بصله بحيره و استغرب طريقته لانه كان متوقع ان كلام هيوجعو و هينفعل عليه معقول يكون محروس بيكدب عليه

صقر :شاي برد يا استاذ جمال اشربه

جمال بارتباك :شكرا يا معلم انا هقوم بقي عشان راجع تعبان من شغل

صقر: نورتني يا استاذنا و شقه ذي ما اتفقنا عليها اللي تشاور عليها هيكون مفتحها معاك و مش هنختلف علي سعر ماتقلقش

جمال هز راسه و ابتسم بتوتر و خرج

وصقر غمض عنيه و بالم هو محسبش الوقت محسبش ان السبب اللي يخليه يبعد عن البنت اللي حبها هو تعليمه و فتح عينه اما حس بسخونه شاي واقعه علي ايده و ان ايديه اتجرحت بسبب ان الكوبايه اتكسرت في ايده

سيد اما شاف جمال خارج  :الحق يا معلم جمال خرج اهو من عند صقر

محروس بص ليه بتفحص و سكت